حملة هأخس و ابقي أمورة و ألعب مع ولادي الكورة (2)*فتح باب التسجيل من جديد*أهلا بكم

[مولاتى]

ام احمد واريج
يومياتك حلوة يا قمر ربنا يقويكى
ومعلش ثبات الوزن ان شاء الله يتعوض الاسبوع القادم
لازم نصبر مشوار الرشاقة عاوز صبر وقوة ارادة بالتوفيق يا قمر

باقى البنات فين اوزانكم
متنسوش الوزن يابنات

جمعة مباركة على الجميع

[مولاتى]

يوميات الخميس

الماء : 2 لتر

الرياضة : للاسف مفيش مكنتش فاضية خالص ومقدرتش انزل امشى

النظام

الفطار
3 ملاعق شوفان = 1
كوب حليب = 3
معلقة عسل = 1

الغدا
8 ملاعق أرز = 5
ربع فرخة = 4
طبق شوربة = 3
طبق سلطة = 0

العشا
زبادى = 2
شاى بحليب بدون سكر = 0.5

مجموع النقاط = 19.5 من 20

[مولاتى]

صباح الخير يا بنات
اخباركم ايه
جمعة مباركة عليكم جميعا

النهارده الميزان يا بنات فين اوزانكم
يارب تكونوا كلكم فرحانين بالميزان يارب

بالنسبة ليا انا وزنى ثابت 71
ان شاء الله الاسبوع الجاى يكون احسن

[lovely_nory2]

صباح الخير يا احلى بنات في الدنيا

مولاتي
صباح الخير يا قمر و انت مراقب و معلق جامد اوي اوي اوي

بيرووووووووووووووووووووووووووووووووووووووووووووووو وووووووووووووووووووووووووو
مبروك النزول يا حبيبه قلبي و الف سلامه عليكي ووحشتيني موووووووووووووووووووووووووووووت

انا وزنت ووزني زاد نص كيلو 85ونص بس انا بصراحه مش ملتزمه بسبب الظروف اللي عندي بس خلاص ان شاء الله ابتديت من انهارده علشان الحق اخس اي حاجه قبل رمضان و اتحديت نفسي و ان شاء الله الميزان الجاي يكون نزول جامد جدا يكسر الدنيا باذن الله انا و كل البنانيت و الامهات الحلوين و ادعولي يفك كربي انا و كل المسلمين اجمعين

بحبكم اوي اوي اوي

[bero333]

السلام عليكم

ازيكم يا بنات

مولااااااااااااااااااااتي
تسلمي لي يا غالية و ربي لا يرحمني منك ابدا و ثبات وزنك عايز حاجتين
اول حاجة تقللي نقاطك شوية عن المفروض يعني انتي 20 كلي 18 او 17 في اليوم
و زودي الرياضة شوية و أعتقد كده وزنك هينزل بأذن الله


أم أحمد و أريج
ثبات الوزن عشان أكلك عايز يتظبط شوية
يعني شوفي السناك بتاعك
2 معمول
ما ينفعش يا قلبي لما نعمل تخفيف يعني نخفف الأكل و نمنع الحلويات الا مثلا مرة او اتنين بالكتير في الأسبوع و بكمية صغيرة

جربي كده و ربنا يحقق أملك و انتي بصحة يا رب

لافلي
الحمد لله ان ظروفك انتهت و اا في انتظار التزامك يا غالية و دخولك كل يوم
سلامي لساااااارة

باقي البنات
فين الميزان؟

[bero333]

اعلان هااااااااااااااااااااااااام

يا بنات عايزة أتكلم معاكم بصراحة و من غير زعل و في نفس الوقت اخد رأيكم

بصوا بقي يا بنات

انا بأفكر أقفل الحملة دي لأن انا شايفة انها مالهاش لازمة
مفيش فيها غير انا و مولاتي و أم أحمد و أريج اللي ملتزمات باليوميات
و كمان مفيش اي تقدم يذكر في أوزانكم صح و الا انا غلطانة؟
و مفيش التزام بالقواعد اللي انا عملتها للحملة

انا وقفت مع نفسي و حاولت أقيم الحملة
لقيتها للأسف فاشلة بكل المقاييس
مع تسرب باقي البنات كمان
و عدم الالتزام
و كذلك عدم تحقيق تقدم عشان كده انا هأقفل الحملة دي
من دلوقتي و لغاية بعد العيد
عشان شكلي بقي وحش اوي و احنا في الأيام العادي امال بقي في رمضان؟
و الناس مشغولة
أرجو تكونوا موافقين علي قراري ده و مش تزعلوا مني و حاولوا تفكروا بموضوعية
فعلا الحملة مفيش ليها اي نتايج

و ان شاء الله بعد رمضان يكون فيه حماس أكتر و أفكار و نشوف بقي

بحبكم كلكم
و كل عام و انتم بخير

[مولاتى]

السلام عليكم ورحمة الله وبركاته

بيرو
حمدلله على سلامتك ياقمر
ربنا ميحرمنيش منك ولا من تشجيعك ليا
قوليلى يا بيرو هو تفتكرى ان جسمى خلاص وقف على 71 ومش هيخس تانى
انا خايفة احسن يكون ده كده اخر حاجه عندى وجسمى مش يرجع يحرق الدهون تانى
تفتكرى ممكن ده ولا ايه والله انا مرعوبة من كده ربنا يستر
ممكن يكون كلامى مجرد هبل ومش صحيح بس بقوله من خوفى والله

بصى يا بيرو بالنسبة للحملة انتى معاكى حق اغلب البنات مش بيدخلوا
بس برضه لو سيبتينا لبعد العيد دى مده طويلة اوى واكيد فى الفترة دى وزننا هيرجع يزيد تانى وانتى عارفه رمضان واكلاته ومشروباته وحلوياته ولا كعك العيد وجماله
الحملة دى اللى بتخلينا نحافظ ونلتزم بالريجيم
وفى الاخر انتى صاحبة القرار وانا معاكى فى اى قرار تاخديه

[مولاتى]

يوميات الجمعة

الفطار
تفاحة = 1
شاى بحليب بدون سكر = 0.5

الغدا
2 توست ريجيم = 2
4 ملاعق جبنة قريش = 4
معلقة زيت زيتون = 1
شاى بحليب بدون سكر = 0.5

العشا
نص رغيف = 2
3 قطع جبنة مثلثات = 3
خيار = 0
شاى بحليب بدون سكر = 0.5

مجموع النقاط = 14.5 من 20

الماء : 2 لتر
الرياضة : مشى ساعة ونص

[noor alhouda]

موفقين ان شاء الله بأي قرار تتخذوه

[Emy122001]

ازيكم يا بنات وحشتووووووووووووووني اوي
انا غبت لاني كنت عند ماما الفترة دي كلها ربنا يشفيها يارب ويقومها بالسلامة
ان شاء الله يا بنات هبدأ ادخل بانتظام
عايزين نشد الهمة شوية قبل رمضان
بيرو اوعي تقفلي الحملة ان شاء الله هندخل ولو الحملة قدرت تثبتلنا وزننا في رمضان دة برضه يعتبر انجاز
يومياتي
الفطار 1/2 رغيف بجبنة بيضة وقطعة بسطرمة
الماء لتر
كوب شاي بسكر دايت
الغدا
1 مانجة

[ام احمدواريج]

السلام عليكم
يوميات الجمعة (فرى)
الفطار\\صحيت متاخر
الغدا\\9ملاعق كبسة-ربع فرخة
سناك\\قطعةكنافةصغيرة
العشا\\سندوتشين جبنةرومى
المية\\3لتر
1شاى
يوميات السبت
الفطار\\كوب لبن رايب-تفاحة-كمترايةصغيرة
الغدا\\4ملاعق ارز-سمكةفى الفرن-سلاطة
العشا\\سندوتش شاورمةفراخ بزيت الزيتون قليل
كوب ميرندا تفاح
المية3لتر
1شاى

[ام احمدواريج]

ازيك يابيرو والله الواحدمش عارف يقول اية
عموما شوفى انتى المناسب واكيد انامعاكى ان شاء الله
اناعارفة انى ساعات بعك بس انااليومين دول دايمابدوخ وبحس بهبوط معرفش ليةعشان كدة
تلاقينى اكل حاجة مسكرة او ازود فى الاكل
بس كدة
ايمى\\حمدلله على السلامة والف مليون سلامة
على مامتك ربنايشفيهايارب ويطمنك عليها

[- بنت الأحرار -]

تم قفل الموضوع بناء على رغبة صاحبة الموضوع