حملة هأخس و ابقي أمورة و ألعب مع ولادي الكورة (2)*فتح باب التسجيل من جديد*أهلا بكم

[ام احمدواريج]

اناوزنت ووزنى ثابت زى مهو90
ربنا يسهل والاسبوع دة اقدر انزل

[bero333]

لافلي
مبروووووووووووووووووووووووووووووووووك النزول ايوة كده شفتي الالتزام؟
برافو عليكي
انتي كمان حطي توقيع أمورة الأسبوع في توقيعك

ام أحمد و أريج
كويس اوي الثبات أحسن من الزيادة بس شدي حيلك الأسبوع ده بقي و ربنا معاكي يا عسل

[مولاتى]

السلام عليكم

لافلى
الف مبروووووووك نزول وزنك وعقبال المثالى يارب
ومبروك عليكى شعار امورة الاسبوع

ام احمد واريج
الله يبارك فيكى يا قمر
ان شاء الله تعوضى الثبات الاسبوع الجاى

يوميات الجمعة

الفطار
3 تمرات = 1
كوب شاى بحليب بملعقة سكر = 2
3 بقسماط = 3

السناك
واحدة معمول = 2

قبل الغدا بنص ساعه أخدت ملعقة صغيرة زيت زيتون فى كوب ماء = 1

الغدا
نص رغيف = 2
سمكة فى صينية = 4
3 شرائح بطاطس فى صينية = 3
طبق سلطة = 0

العشا
زبادى اكتيفيا = 2

مجموع النقاط = 20
النقاط المحددة = 20

الماء : لترين
الرياضة : 15 دقيقة اوربتراك

[Emy122001]

ازيكو يا بنات وحشتووووووووووووووني جدا
بيرو مولاتي ام احمد واريج ربنا يخليكو ليا وشكرا على دعواتكم ليا ولامي وربنا يسمع منكم ان شاء الله
انا اصلي كملت 30 سنة السنة دي وبنتي ما شاء الله عليها هتكمل 5 سنين اهو ولسة محصلش نصيب فخايفة اوي وقلقانة بس الحمد لله وربنا على كل شئ قدير
مولاتي ولافلي الف مبروك النزول وان شاء الله دايما امامير الاسبوع
ام احمد واريج مبروك على الثبات لانه احسن من الزيادة وان شاء الله الاسبوع الجاي تكوني مع الامامير
بيرو وانا كور الاسبوع يلا يا بيرو بقى شكلنا وحش عايزين نبين كرامة الاسبوع دة
انا ان شاء الله هلتزم الاسبوع دة بس ادعولي

[مستبشرة بالخير]

احلى بيرووووو واحلى مجموعة ......
شهيتيني دعواتكم يا احلى امامير ياارب اولد بالسلامة واعسكر معاكم حبيباااتي فكرتك عسل يا بيروووووووووووووو وزني زاد كثير وباذن الله اعدله هههههههههه بعد ما اقوم بالسلااامة دعواتك يا قمر
الله يعطيك العافية ويبارك لك في مزونة ومؤمن وابوهم ههههههه وياربي تخسي انت والعسولات بصحة وعافية وماااتتنازلوووووووووووووووو عن الرشااااااااااقة ابداااااااااااااا
ربنا يسهل وييسر ولادتي وكل حامل وعقباال المشتاقات وباذن الله التحق بكم موفقاااااااات عجبني جداااااااااااااااا اسم التجمع يابيرو افكاااارك ديماا نيرة باسم الله ماشالء الله عليك يالله اتجدعني وابقي رشيقة ومااتتنازلي... اصل الام الرشيقة احلى واخف حتى تقدر تلعب الكرة هههههههههههههههههههه يالله اجرو اسبقوووووووني واستنوني ههههههههههه

[جيجانو]

مساء الفل يا بنات

معلش اتأخرت عليكم لان النت كان عندى فاصل

المهم انا وزنت
وكانت الصاعقه زدت ال800 جم اللى كنت خاستهم

مش عارفه ده علشان البريود على الابواب ولا علشان لخبطت يومين

بس بجد عندى حالة إحباط لانى بقالى شهر فى كيلو واحد

بجد انا بفكر خلاص ماعندش اعمل حاجه

لانى زهقت وتعبت وقرفت من نفسى


يلا ربنا يسهل وجسمى يحرق بقى بدل ما اولع فى نفسى

والف مليون مبرووك للى نزلوا ومبروك عليكى مولاتى اللقب

ومبروك عليا لقب البطيخه




سلام

[nada77]

بيرووووووووووووووو
لقيت ان احسن مكان الاقيكى فيه هو هنا
وحشانى موت ومش عارفه اقابلك خالص
وسلامة الواد الشقى مازن هو بيعمل الحركات دى علشان تحسى بغلاوته ومؤمن ميكلش منه الجو هههههههههههههه
ربنا يشفيه ويعفى عنه وتفرحى بيهم الاثنين
سلااام لكل البنات الرشيقه

[مولاتى]

جيجانو
الله يبارك فيكى يا قمر
وانتى متزعليش نفسك ولا تحبطى ولا حاجه
اكيد الزيادة دى بسبب اقتراب ميعاد البريود
هى قبلها باسبوع بتزود الوزن من كيلو الى 3 كيلو
يعنى اكيد الزيادة دى بسببها
انتى خليكى ماشية على الريجيم عادى وان شاء الله الاسبوع الجاى تكون خسيتى رقم كويس باذن الله

ندى
اهلا اهلا ازيك ياقمر
نورتى الموضوع

[ام احمدواريج]

السلام عليكم
ازيكم كلكم يا بنات يارب تكووووووووووووووونوا بخير
يوميات السبت
الافطار
كوب لبن رايب خالى
موزة
الغدا
نص رغيف اسمر
علبة تونة
خيارة
سناك
2برقوقةو
ربع تفاحه
العشا
3توست اسمروعليهم لبنه
كوب لبن رايب خالى
المية 3لتر
2كوب شاى اخضر
الرياضة غسلت ونظفت الشقة ومقدرتش اعمل اكتر من كدة

[ريحانة الود]

ازيكم يا قمرات
الف مليووووووووووون مبروووك عليكى مولاتى ولافلى
ايمى الف سلامه على ماما حبيبتى ان شاء الله ربنا يشفيها
بيرو وام احمد وسارة ونجول وزهور وجيجى كيفكم يا حلوين
جيجانو حبيبتى لا تزعلى انا معدل الحرق عندى مثلك بطىء وبحاول ازيده بالرياضة واكل تفاح كتير ومتزعليش يا قمر طالما فيه نزول



اما عن وزنى فنزلت نصف كيلو فقط اصبحت 97

[lovely_nory2]

ازيكم يا احلى بنانيت في الدنيا
ازيك يا بيرو يا قمر ربنا معاكي يا رب يكون مازن احسن و صحته اتحسنت

مولاتي

شكرا يا قمر و مبروووووك ليكي انت كمان النزول و اللقب و يارب دايما في نزول و نوصل للوزن المثالي يا رب

و مبرووووووووووووووووووووووووووك لكل اللي نزل وزنهم و اللي منزلش كمان هينزل احنا و رانا ايه هنزله هنزله ان شاء الله

يوميات السبت

الافطار :- 4 بتيفور + كوب شاي بلبن

الغداء :- 4 ملاعق رز + 4 ملاعق بطاطس مطبوخه + قطعه صدر فرخه و سلطه

العشاء نص رغيف بلدي + جبن بطماطم و شاي بلبن

الرياضه مشي في النادي

المايه كويسه علشان الحر

[زهور العالم]

مساء الخير عليكم

كيفكم

سامحوني على قلة دخولي

والله مشغولة كتير هالاسبوعين عشان حماتي حتسافر وغير الضيوف اللي بيجو

كيفك يا بيرو وعاملة ايه وكيف الولاد

أنا وزنت اليوم الصبح لقيت نفسي زي منا
ما خسيت ولا شي
مش عارفة ليه وزني ثابت مش راضي ينزل مع اني ما باكل ويومياتي زي ما هي

أعمل ايه أنا

[مولاتى]

السلام عليكم

ازيكم يا بنات

انا لخبطت اليوم فى الاكل لخبطت جامد اوى
علشان كده اعتبرته انه الفرى بتاعى
واليوم كان كالاتى

الفطار : 3 تمرات + نص رغيف بجبنة + شرايح فلفل اخضر + شاى بلبن بدون سكر

الغدا : 9 محشى ورق عنب وواحده محشى كوسة وواحده محشى فلفل + ربع فرخة

العشا : 2 بقلاوة وقطعة هريسة

الماء : لترين
الرياضة : 15 دقيقة اوربتراك

معلش انا لخبطت كتير اوى بس كانت نفسيتى زى الزفت
وكنت بطلع همى وزهقى فى الاكل
ان شاء الله بكرة يكون يومى احسن

[najool]

السلام عليكم
كيفكم حبيباتي
كيفك بيرو
أنا وزني ثابت للأسف وهذا مأثر على نفسيتي
أمشي واجري يوميا من نص ساعه لساعه
والأوربتريك منظمه يوميا 5 دقايق الصباح
أكلي ملتزمه الحمدلله
بس عندي مشاكل جامده بالجهاز الهظمي والقولون
لا تنتظروني يوميا
راح استمر على النظام والتمارين
واذا جتني فرصه ادخل واعطيكم اخباري

دمتم بود

[مولاتى]

السلام عليكم
كيفكم حبيباتي
كيفك بيرو
أنا وزني ثابت للأسف وهذا مأثر على نفسيتي
أمشي واجري يوميا من نص ساعه لساعه
والأوربتريك منظمه يوميا 5 دقايق الصباح
أكلي ملتزمه الحمدلله
بس عندي مشاكل جامده بالجهاز الهظمي والقولون
لا تنتظروني يوميا
راح استمر على النظام والتمارين
واذا جتني فرصه ادخل واعطيكم اخباري

دمتم بود

اهلا يا نجول
معلش يمكن عدم نزول وزنك بسبب مشاكل الجهاز الهضمى والقولون
ان شاء الله لما تخف هذه المشاكل وزنك ينزل بصحة وعافيه
وانتى لازم تصبرى وتستمرى على النظام وان شاء الله ربنا مش هيضيع تعبك وهتلاقى نتيجة تفرحك باذن الله بس اهم حاجه الصبر وقوة الارادة
وربنا يوفقك ياااااااااااااااااااااارب
حبيبتى ممكن اسألك سؤال
انتى كنتى قبل كده قولتى انك لما لعبتى على الاوربتراك لاحظتى فرق فى شكل جسمك
ممكن اعرف الفرق ده كان فى اى جزء فى جسمك يعنى الجزء العلوى ولا الجزء الاسفل ولا البطن
وياترى كام المده اللى بعدها لاحظتى هذا الفرق
وسامحينى على الاطالة