تجمع فريق العزيمه لنزول 30 كيلوفي 3 شهور الجزء التاسع عشر

[ام ملك وادهم]

ام ملك وادهم

مش قادرة اوصفلك فرحتى أد ايه برسالتك
انتى بجد انسانة رائعة ربنا يكرمك يارب ويحققلك كل اللى تتمنيه

يومياتى

الفطار كوب نسكافيه باللبن ومعلقة سكر
الغدا فراخ فى الفرن وسلطة
العشا لسه
بس عاوزة أعترف فى اعتراف انا بمشى طول اليوم كويس واجى انيل الدنيا فى العشا مش عارفة ليه امبارح اكلت سندوتشات شاورما فى العشا
نفسى ابطل العادة دى بجد والله طول اليوم بيبقا تمام اجى على العشا وماعرفش ايه بيحصل

ياحبيبتي والله انا الاسعد بالتواصل معاكي

انتي شخصيه محترمه والانسان يفخر بمعرفتك

ربنا يباركلك ياااااااااااارب

وبالنسبه للجوع بالليل كل ما تجوعي كلي ثمره فاكهه او اشربي كوب ماء بارد معصور عليه نصف ليمونه

او اعملي طبق سلطه كبير وحطيه في الثلاجه وكل ما تجوعي كلي منه

[ام ملك وادهم]

ازيكم يا بنات؟؟؟
انا عايزة انضم معاكم ونشجع بعض لان هدفى زى هدفكم تقريبا.........

غادة
مش تقولى يا بنتى على التجمع الحلو ده.........
انا جالى اكتئاب من شكلى وعايزة اخس باى شكل وهتشجع هنا معاكم........

ميروووووووووووووووووووو

البطله ام الابطال ربنا يحميهملك ياااااااااااااااارب

طبعا يشرفني انضمامك لينا وتنوري الجروب

انتي مش متخيله انا متابعاكي من اكتر من سنتين من قسم الحمل والولاده

نورتينا ياقمر

يالله بياناتك فورا

وزنك وطولك والوزن المطلوب

ربنا يقويكي ويقوينا

[ام ملك وادهم]

انا عارفه يا جماعه ان الوزن لسه بكرة بس انا وزنت اليوم
لان بكرة يوم تجمع اخواتى ومش بفضى ادخل النت


وزنى 123

نزلت 3.5

بقيت 119.5
وده بفضل الله وتشجيعكم ادعولى التزم على طول

الف الف مبروووووووووووك ياقمر

اكبر تشجيع ليكي هو نقصان الوزن

عقبال الوزن المثالي ان شاء اللع

نسبتك المئويه هي 2,84 الف الف مبروووووووووووووووووووووك

[ام ملك وادهم]

بالنسبة ليومياتي
الصبح رحت السوق مشي حوالي 45 دقيقة
الافطار بقسماط سن وجبنة لايت ولبن بنسكافيه
قبل الغذاي شاي اخضر وتفاحة
والغاء سمك بوري مشوي وسلطة وبابا غنوج
والساعة 8 واحدة يوسفي
ودلوقي شاي اخضر وان شاء الله العشاء تفاحة

الف هنا وشفا ياقمر

ربنا يقويكي ويقوينا

[ام ملك وادهم]

يومياتى
الافطار: شاى بلبن بودر ومعلقة سكر-توست سن-بيضة مسلوقة
الغداء: 4 معالق ارز بسمتى-4 معالق مسقعة باذنجان باللحم المفروم
قبل العشاء: كوب شاى بمعلقة سكر
العشاء: ان شاء الله هيكون تفاحة وبحاول اخليها اخر حاجة ولو حسيت انى جعانة باكل خيارة او اتنين

انا بقالى 4 ايام تقريبا بخفف الاكل بس لسه مكتشفة التوبيك ده النهاردة.........

ربنا يقويكي ياقمر

عايزين من السبت الجاي بقى التزام تاااااااااااااام

عايزين ارشق ماما

[ام ملك وادهم]

اما عني انا فوزنت النهارده لاننا هنبات برا النهاره علشان عندنا بكره خارجين من اول النهار باذن الله

لاقيت وزني ما شاء الله لاقوه الا بالله

87,4

يعني خسيت 4,6 كيلو

لولولولولولولوووووووووووووووووووي

اللهم لك الحمد والشكر يارب العالمين

ونسبتي هي 5

يلا يا بنات ورونا الهمه

[loucy]

مساء الخير عليكم جميعا
معلش يا بنات انا مش قادرة اكتب النهاردة حاجة لان نفسيتى تعبانة ومدايقة جداااااااااا ربنا يستر
يومياتى النهاردة
الافطار : كوب شاى بسكر دايت
الغداء : 2 سمكة مشوية + شوية سلطة صغيرة
العشاء : احتمال فاكهة لسة مش عارفة
على فكرة يا سلمى انا وزنت النهاردة ولقيت لنى خسيت نصف كيلو يعنى قيت 86 من 86.500 الحمد لله على كدة
كنت عاوزة اعرف البرتقال السكرى نفس السعرات الحرارية للعادى ولا

[ام ملك وادهم]

مساء الخير عليكم جميعا
معلش يا بنات انا مش قادرة اكتب النهاردة حاجة لان نفسيتى تعبانة ومدايقة جداااااااااا ربنا يستر
يومياتى النهاردة
الافطار : كوب شاى بسكر دايت
الغداء : 2 سمكة مشوية + شوية سلطة صغيرة
العشاء : احتمال فاكهة لسة مش عارفة
على فكرة يا سلمى انا وزنت النهاردة ولقيت لنى خسيت نصف كيلو يعنى قيت 86 من 86.500 الحمد لله على كدة
كنت عاوزة اعرف البرتقال السكرى نفس السعرات الحرارية للعادى ولا

اهلا بالقمر

خير ياحبيبتي مالك؟؟؟؟؟؟

لو حابه تفضفضي انا تحت امرك

الف مبروك النص كيلو

وعقبال ما يبقو 10 كيلو

ونسبتك هي 0,57

الف مبروك ياقمر
وبالنسبه للبرتقال طبعا السكري اعلى من العادي

[مروة شاهين]

أم ملك وادهم

معلش انا سماح بكرة من الوزن انتى عارفة الظروف اللى انا فيها بص خلاص انا النهاردة قطعت الشك باليقين وعملت تحليل رقمى للحمل والنسبة طلعت 1. واحد من عشرة يعنى مافيش حمل والدكتورة قالتلى دى كده نتيجة نهائية وخدى حاجة تنزل البريود بس انا هالعب رياضة واشرب قرفة وزنجبيل أحسن علشان تنزل والله عدم نزولها محسسنى ان جسمى تقيل جداااااا ان شاء الله لما تنزل هاوزن

الحمد لله على كل حال اللهم لا اعتراض انا كده ارتحت احسن من القلق اللى كنت فيه وان شاء الله ريجيم والتزام ورياضة ومواظبة على العلاج من الشهر الجاى وانا واثقة ان ربنا هايكرمنى

[hala510]

ديه حاجة كده على ما قسم يا azmiralda
ههههههههههههههههههه

دعواتك يا سلمى علشان التزم هههههههههه لاحسن كه بقى وحش اوى فى حقى

[s.amro]

حوا جزاكى الله خيرا على الموقع وتم التصويت


اثينا متشكرة اوى على اهتمامك وردك ونفسى اتوصل معاكم جميعا


azmiralda
رديتى على مرتين معلش المرة الاولى والله لسة شايفاها دلوقت بردوه عشان قبل كده رديت من غير ما اقرا كل التعليقات وجزاكى الله خيرا على اهتمامك وفعلا انا من اكتر الحاجات اللى تعبة نفسيتى دلوقتى انى حاسة انى مش عارفة اقرب من ربنا زى الاول ربنا يهدينا جميعا


ام ملك وادهم جزاككى الله خيرا على اهتمامك وياريت تقوليلى اعمل ايه لانى لسة بدئة دايت امبارح وكنت فاكرة انكم بتوزنوا يوم الاتنين مش الجمعة ومش هاعرف اوزن بكرة لانى بوزن عند الدكتور وبروحله يوم تلات او خميس؟؟اوزن التلات الجاى ولا اوزن الخميس عشان ابقى متابعة معاكم قوليلى اتصرف ازاى
يومياتى انهاردة
الفطار نسكافيه باللبن
الغدا رغيف سن وقطعة شيدر
بين الغدا والعشان يوسفى وفراولة
العشا سندوتش صغير جبنة

[مولاتى]

ام ملك وادهم
الف الف مبروك يا قمر على نزول وزنك بسم الله ما شاء الله
وان شاء الله توصلى لوزنك المثالى عن قريب

نفسى اتغير
الف مبروك على نزول وزنك وعقبال الوزن المثالى

لوسى
مالك يا قمر الف سلامه عليكى من الزعل مفيش حاجه فى الدنيا تستاهل اننا نزعل نفسنا علشانها ارمى حمولك على الله

ليدى من مصر
الف سلامه عليكى شافاكى الله وعفاكى
وحازم اخباره ايه ربنا يحفظهولك وتفرحى بيه

ام ياسين
ازيك يا قمر وازى ياسين ربنا يفرحك بيه وتشوفيه احلى واحد فى الدنيا
ممكن لو سمحتى تبعتيلى رابط الموقع اللى بعتيه لام هاجر
معلش يا قمر هتعبك معايا وجزاكى الله كل خير على تعبك معانا

روبى و مروة شاهين وغادة
ربنا يرزقكم بالذريه الصالحه يا رب ويفرحكم قريبا باذن الله وتبقوا من احلى الامهات لاحلى اطفال

اثينا
ازيك يا قمر ربنا معاكى ويثبتك على الريجيم

هاله
ربنا معاكى يا قمر ويثبتك على الريجيم

ام هاجر
اخبارك ايه يا قمر وان شاء الله بالنجاح والتفوق لبنتك يا رب وتكون من الاوائل على المدرسه ياااااااااا رب

دينا السردينه
وحشتينا اوى يا قمر ربنا يفرحك يا رب وترجعلنا وانتى سعيده ونفسيتك فى احسن حال

وباقى البنات سلامى ليكم كل واحده باسمها

اما يومياتى
الفطار: نسكافيه باللبن بدون سكر
الغدا: 4 توست وجبنه بيضه وكوب شاى باللبن بدون سكر
بعد الغدا بثلاث ساعات شربت كوب شاى بلبن تانى
العشا: برتقاله وتفاحه
مشيت النهارده ربع ساعه

[azmiralda000]

مبروك يا سلمى عالم التمانينات
ماشاء الله و لا قوة الا بالله
ربنا معاكى

يومياتى
الفطار تمر و زبادى
الغدا تونة و خيار و خس
بعدها كوباية قهوة على
العشا ربع رغيف و معلقة لبنة بزعتر
بعدها بكم ساعة برتقالتين

[7awa]

صباح الخير علي البنوتات كلهم
و سلامي ليكم كلكم واحده واحد
هند (أم يسو) ايوه يا حبيبتي انا باسيب حازم مع مامتي لما باروح الشغل .

معلش علشان انا تعبانه مش قادره اركز . انا قريت الردود بس مش مركزه ..

المهم يومياتي امبارح :
الافطار نسكافيه باللبن + 2 توست سن
الساعة 1: كوب عصير جزافه
الساعه 3 : كوباية نسكافيه تاني
الغدا : طبق سبانخ من غير سمن + قطعة لحم + نص رغيف بلدي
العشا : بيض مقلي من غير سمن + ربع رغيف بلدي

انا بكره و بعده مش هادخل علشان باكون اجازة و كل ما امسك النوت بوك بتاعي في البيت حازم يجري عليا و يقعد يشيل ايدي من عليه و امبارح خلع لي زرار خالص من لوحة المفاتيح بصراحه اتعصبت عليه و ضربته علي ايده .. خرجت عن شعوري و الله بس غضب عني....
انا عايزه اسالكم علي حاجه لما اولادكم بتغلط في السن ده اللي هوه سنه و نص بتفهموهم ازاي.. انا فشلت اني اخلي حازم يبطل يعمل حاجه معينه لا صوت عالي نافع ولا حتي ضرب نافع(مش ضرب يعني هيه لطشه خفيفه علي ايده او رجله- و بعد ما اعمل كده اقعد اعيط و الله و قلبي يوجعني) ولا اي حاجه و الله انا تعبت و اعصابي تعبت لان اي حاجه غلط انا المسئوله و طول ما انا قاعده باباه يفضل يقول لي بصي- شيليه- لا ما تخليهوش يعمل كده- خدي ده من ايده -لا ما تديلهوش ده , حاجه تزهق و الله انا بافضل اجري من ساعة ما اروح لحد ما اترمي زي المقتوله انام علشان اصحي تاني يوم نفس الساقيه .. معلش فضفت معاكم شويه و ياريت تقولوا لي تجاربكم مع الاطفال في السن ده.

سلمي لو كانت نفسيتي كويسه هاكلمك لو لأ هابعت لك رساله فيها وزني الجديد انتي او ام هاجر و استاذنكم اي حد يحطهولي في المسابقه و شكرا

وانا بقرا الكلام الى انتى كتباه كانى شايفاه نفسى مع بنتى
وبعمل زيك ساعات وبضربها على ايدها وبعدين ااعد احضنها واعيط
بس انا كنت فاكرا انى مشكلتى انى عند بيت اهلى ومش عارفا اعودها
وكمان انا لاحظت ان السن ده عندهم كميه عند مش معقوله
انا اتبعت معاها طريقه جديده
اقول لها انا خلاص مخصماكى واعمل نفسى بعيط
تستنى شويه وتجيلى علشان البسها مثلا
والى بيصبرنى بقول ربنا علشان كده قال الجنه تحت اقدام الامهات
من التعب الى بنشوفه

[azmiralda000]

سلمى انا اول مرة وزنت معاكو يوم الاتنين اللى فات كان عندى ميزان من العادى
و كان وزنى عليه 67 و دلوقتى وزنى عليه 64 يعنى نزلت 3 كيلو

بعد كده يوم الجمعة جبت ميزان ديجيتال و طلع وزنى 66.3 المهم ان النهاردة وزنى عليه هوهو ما اتغيرش

شوفى بقى هتحسبى نسبتى ازاى
بس ان شاء الله بعد كده هوزن على الديجيتال بس

بس عموما انا مش زعلانة ان وزنى ما نزلش لانى و الله كنت ملتزمة الحمدلله
و كمان انا المفروض البيريود تجيلى بعد يومين تلاتة
و كمان عندى امساك بقى لى 3 او 4 ايام
بيتهيألى هما دول سبب ثبات الوزن