تجمع فريق العزيمه لنزول 30 كيلوفي 3 شهور الجزء التاسع عشر

[7awa]

روبى
ان شاء الله هتبقى ام
بس هدى نفسك لان انا قريت كتير ان طول ما الواحده بتفكر فى الحمل وموترة نفسها
صعب تحمل لان العامل النفسى والهدوء مهم
انتى توكلى على الله وابداى من دلوقتى
هتستنى الاسبوع الجاى ليه
طول ما بتقولى هبدا السبت الرجيم
يبقى عمرك ما هتبداى ابدا
ومعلش كلمتين جوزك قالهم علشان يديكى دافع انك تهتمى وتخسى
والموضوع باذن الله هيتم وتبقى ام

[ليدي من مصر]

صباح الخير علي البنوتات كلهم
و سلامي ليكم كلكم واحده واحد
هند (أم يسو) ايوه يا حبيبتي انا باسيب حازم مع مامتي لما باروح الشغل .

معلش علشان انا تعبانه مش قادره اركز . انا قريت الردود بس مش مركزه ..

المهم يومياتي امبارح :
الافطار نسكافيه باللبن + 2 توست سن
الساعة 1: كوب عصير جزافه
الساعه 3 : كوباية نسكافيه تاني
الغدا : طبق سبانخ من غير سمن + قطعة لحم + نص رغيف بلدي
العشا : بيض مقلي من غير سمن + ربع رغيف بلدي

انا بكره و بعده مش هادخل علشان باكون اجازة و كل ما امسك النوت بوك بتاعي في البيت حازم يجري عليا و يقعد يشيل ايدي من عليه و امبارح خلع لي زرار خالص من لوحة المفاتيح بصراحه اتعصبت عليه و ضربته علي ايده .. خرجت عن شعوري و الله بس غضب عني....
انا عايزه اسالكم علي حاجه لما اولادكم بتغلط في السن ده اللي هوه سنه و نص بتفهموهم ازاي.. انا فشلت اني اخلي حازم يبطل يعمل حاجه معينه لا صوت عالي نافع ولا حتي ضرب نافع(مش ضرب يعني هيه لطشه خفيفه علي ايده او رجله- و بعد ما اعمل كده اقعد اعيط و الله و قلبي يوجعني) ولا اي حاجه و الله انا تعبت و اعصابي تعبت لان اي حاجه غلط انا المسئوله و طول ما انا قاعده باباه يفضل يقول لي بصي- شيليه- لا ما تخليهوش يعمل كده- خدي ده من ايده -لا ما تديلهوش ده , حاجه تزهق و الله انا بافضل اجري من ساعة ما اروح لحد ما اترمي زي المقتوله انام علشان اصحي تاني يوم نفس الساقيه .. معلش فضفت معاكم شويه و ياريت تقولوا لي تجاربكم مع الاطفال في السن ده.

سلمي لو كانت نفسيتي كويسه هاكلمك لو لأ هابعت لك رساله فيها وزني الجديد انتي او ام هاجر و استاذنكم اي حد يحطهولي في المسابقه و شكرا

[اثينا]

صباااااااح الورد يا أحلى دبدوبات قمورات فالدنيا
ان شاء الله تكونوا بالف خير وأاحوالكم تمام
دينا وحشتيني جدااااااااا
لي عوده بأذن الله تعالى

[اثينا]

روبي صباح الفل
حبيبتي لازم تكوني مرتاحه نفسيا على الاخر وهاديه لان الضغط النفسي والتوتر والقلق يؤثر سلبيا على موضوع الحمل وكل شئ بيد الله سبحانه وتعالى
وعليكي حبيبتي بالاستغفار له مفعول السحررررررررررر مفعوله عجيب والصدقه والدعاء غاليتي
وان شاءالله ربي يعينك لتحقيق حلمك وتكوني أحلى ماما فالدنيا عاجلا غير أجل بأذنه تعالى

[اثينا]

انا فشلت اني اخلي حازم يبطل يعمل حاجه معينه لا صوت عالي نافع ولا حتي ضرب نافع(مش ضرب يعني هيه لطشه خفيفه علي ايده او رجله- و بعد ما اعمل كده اقعد اعيط و الله و قلبي يوجعني) ولا اي حاجه و الله انا تعبت و اعصابي تعبت لان اي حاجه غلط انا المسئوله و طول ما انا قاعده باباه يفضل يقول لي بصي- شيليه- لا ما تخليهوش يعمل كده- خدي ده من ايده -لا ما تديلهوش ده , حاجه تزهق و الله انا بافضل اجري من ساعة ما اروح لحد ما اترمي زي المقتوله انام علشان اصحي تاني يوم نفس الساقيه

ليدي جبيبتي صباح الورد يا جميل
كل الاولاد حبيبتي فالسن ده بيكونوا ماشاءالله حركين وصعب جداااااا انك تفهميه بالضرب لازم تخصصيله وقت معين علشان يكون بتاعه لوحده من لعب وتركيز وحركه وفي في ركن الامومه محاظرات غايه فالروعه والاهميه لحبيبتنا بنتا الاحرار من المحاضره الثانيه للخامسه مناسبه تماما لعمر ابنك اقريها وان شاءالله تستفيدي منها
وبالنسبه للتعب الله المستعان كلنا على نفس الوضع كل يوم نفس الروتين وننام مهدود حيلنا من التعب والبيت والاولاد الله المستعان حبيبتي
وحاولي تهدي نفسك وترتاحي وتخلى نفسيتك أحلى واحلى حبيبتي دايما بأذن الله

[اثينا]

ام هاجر - حوا - لوسي - ام ياسين - سلمى - هاله - كرستاله - هيلثي - نفسي اتغير - لوسي - صيف بلا شمس - دينا - مولاتي - مروه - يارا ليمو - ام المجد والمها - ام سناريا وكل الغايبين
وحشتوووووووني كلكم وان شاءالله تكونوا بالف خير وسامحوني اذا نسيت حد

[اثينا]

اه والله طبعا عكيت الدنيا عشان مبقتش اعرف اعمل ريجيم بسهولة خلاص زمان قبل الواحد مايبقى عنده اكتئاب كان الرجيم سهل دلوقتى فى لحظة ارف ممكن ابوظ تعب اسبوع كامل لكن بدات من انهاردة ان شاء الله وكنت بحاول بس اخفف اكلى ممشتش على نظام معين كنت كل كام ساعة باكل بسكوتين وفى نص اليوم كلت طبق صغير مكرونة وفراخ
بكرة(ال هو انهاردة) ان شاء الله هابدا رجيم وعلى فكرة انا بوزن الثلاثاء عشان بتابع مع دكتور
ياريت تدعولى كلكم ربنا يفرج همومى

حبيبتي ربي يفرج همك عاجلا غير اجل ويبعد عنك كل مكروه بأذنه تعالى
وحاولي تتخلصي من الاحباط لأنه اسواء مافي الوجود وابداءي بتفاؤل وروح حلوه وان شاءالله تحققي كل امنياتك بصحه وعافيه بأذن الله تعالى

اسمي لولو ووزني 120 طولي 158سم ازداد وزني خلال الحمل والولادة لاني عملت عملية اطال الانابيب وبعدها عملية الولادة القيصرية ارجو مساعدي اتمنى القى الدعم والتشجيع حتى انزل وزني لاني اعاني كثيرا من زيادة الوزن ومضاعفاته

[ghada00]

صباح الخير يا بنات

يا رب الكل تمام و في احسن حال

روبى حبيبتى حاسة بيكى جدددددددددا و عارفة شعورك بالظبط دلوقتى عامل ازاى
معلش سبيها على الله وما تحمليش نفسك فوق طاقتها .... هونى على نفسك بس بالايجاب مش بالسلب........ اى نعم في اتخن منك و بيحملوا عادى جدا و مش محتاجين يخسوا علشان يبقوا امهات لان ده في الاخر باذن ربنا ...... لكن مادام الدكاترة بيقولوا نخس يبقى لازم نخس علشان نفسنا و صحتنا و الحمل ده بتاع ربنا ماهو ممكن نخس ونبقى فتلة وبردو ما يحصلش حمل حنقول ايه ساعتها ............
يا حبيبتى كله بامر ربنا بس احنا نعمل اللى علينا
عارفة حتى يبقى عندنا امل واحنا بنعمل الدايت اصل الامل ده هو اللى بيحسن نفسيتنا و مزاجنا
توكلى على الله و ابتدى انت بسسسس...... و ما تفكريش في الحمل دلوقتى خالص فكرى في الدايت و بسسسس وعيشى حياتك و تناسى الحمل علشان مش حتعرفى تنسى بس اضحكى على نفسك و قولى انا مش بافكر في الخلفة دلوقتى (انا باعمل كده) و متزعليش من جوزك هو بيقولك كده بس بيشجعك مش اكتر
توكلى على الله وحده وبسس و ادعى كتيييييييييييير وانت ساجدة واطلبى من ربنا يثبتك على الرجيم ................. حبيبتى ربنا معاكى و يرزقك من حيث لا تحتسبى يا رب
عندى كلام كتير اوى اقوله لك بس دماغى مش مترتبة بادعى لك والله
اه استنى حاقولك على حاجة انت عارفة انا خسيت 2 كيلو الاسبوع اللى فات عارفة حصل ايه
البريود جاتلى بدرى عن معادها 3 ايام و ده فعلا معناه انك لما بتنزلى من وزنك الهرمونات بتتصلح لوحدها ......... هى كانت بتجلى كل 30 او 31 يوم و الشهر اللى فات جتلى متاخرة اسبوع عن كده كمان فوجئت انها نزلت امبارح بدرى .... يعنى في امل اهو
ربنا يكرمك حبيبتى و يثبتك و تحملى من اول 2 كيلو تنزليهم ياااااااا رب

[ghada00]

يومياتى امبارح

فطار : شاى بلبن + بسكويت لوكس

غدا : نص رغيف و مسقعة دايت و بيضة مسلوقة و واحدتين طعمية

العشا : 4 شوكات من تورتة شيكولاتة (مش عايزة ضرب الله يخليكو بس والله كنت هبطانة و عايزة حاجة حلوة لان البريود جاتلى امبارح) + انى باخد كلوجوفاج وده دوا بيحرق السكر

على فكرة انا بامشى حوالى نص ساعة في اليوم بس متقطعتين على مرتين وحاسة انه فارق معايا

[azmiralda000]

السلام عليكم يا بنات معلش انا مستعجلة بس دخلت اكتب يوميات امبارح قبل ما انساها

فطار معلقة صغيرة جبنة دايت و قطعة عيش صغيرة جدا و كوباية كاكاو
غدا شوربة عدس بدون اى دهون و ربع رغيف محمص
عشا برتقالتين


امنية حبيبتى و الله و الله و الله كلامك عن حازم كانك بتقولى اللى جوايا عن ياسين
انا مثلا لا اجروء انى المس الكمبيوتر طول ما هو صاحى
يوم الخروج بقضيها كللللللللللللللللها اجرى وراه لانه ما شاء الله ما بيقعدش اول من ندخل المول كان عصفور فتحتى له باب القفص
و الله ساعات بحس ان زورى اتعور من كتر الزعيق و لا حياة لمن تنادى
فى النهاية اكتشفت انه الحل الوحيد هو ان مافيش حل غير الدعاء و فترة و هتعدى و بقنع نفسى انه هيهدأ و يعقل ان شاء الله
بس الموضوع لسا ما انتهاش هنتناقش تانى ان شاء الله

[azmiralda000]

[مروة شاهين]

صباح الخير يا بنات

يا رب الكل تمام و في احسن حال

روبى حبيبتى حاسة بيكى جدددددددددا و عارفة شعورك بالظبط دلوقتى عامل ازاى
معلش سبيها على الله وما تحمليش نفسك فوق طاقتها .... هونى على نفسك بس بالايجاب مش بالسلب........ اى نعم في اتخن منك و بيحملوا عادى جدا و مش محتاجين يخسوا علشان يبقوا امهات لان ده في الاخر باذن ربنا ...... لكن مادام الدكاترة بيقولوا نخس يبقى لازم نخس علشان نفسنا و صحتنا و الحمل ده بتاع ربنا ماهو ممكن نخس ونبقى فتلة وبردو ما يحصلش حمل حنقول ايه ساعتها ............
يا حبيبتى كله بامر ربنا بس احنا نعمل اللى علينا
عارفة حتى يبقى عندنا امل واحنا بنعمل الدايت اصل الامل ده هو اللى بيحسن نفسيتنا و مزاجنا
توكلى على الله و ابتدى انت بسسسس...... و ما تفكريش في الحمل دلوقتى خالص فكرى في الدايت و بسسسس وعيشى حياتك و تناسى الحمل علشان مش حتعرفى تنسى بس اضحكى على نفسك و قولى انا مش بافكر في الخلفة دلوقتى (انا باعمل كده) و متزعليش من جوزك هو بيقولك كده بس بيشجعك مش اكتر
توكلى على الله وحده وبسس و ادعى كتيييييييييييير وانت ساجدة واطلبى من ربنا يثبتك على الرجيم ................. حبيبتى ربنا معاكى و يرزقك من حيث لا تحتسبى يا رب
عندى كلام كتير اوى اقوله لك بس دماغى مش مترتبة بادعى لك والله
اه استنى حاقولك على حاجة انت عارفة انا خسيت 2 كيلو الاسبوع اللى فات عارفة حصل ايه
البريود جاتلى بدرى عن معادها 3 ايام و ده فعلا معناه انك لما بتنزلى من وزنك الهرمونات بتتصلح لوحدها ......... هى كانت بتجلى كل 30 او 31 يوم و الشهر اللى فات جتلى متاخرة اسبوع عن كده كمان فوجئت انها نزلت امبارح بدرى .... يعنى في امل اهو
ربنا يكرمك حبيبتى و يثبتك و تحملى من اول 2 كيلو تنزليهم ياااااااا رب

غادة كلامك مظبوط جدااااااااااااااااااااا تعرفى انا كنت خلاص ابتديت افق\ الامل لانى نازلة مصر فى 4 وجوزى هاينزل فى 6 يقعد معايا شهرين ويرجع لوحده انا مش هارجع معاه يعنى فرصتى ف ال 6 شهور دول بس وبعدها بقا الله أعلم وكنت قربت ادخل فى اكتئاب
بس قلت لاء انا مش هضايقك نفسى واملى فى ربنا كبير وهحاول لأخر لحظة ان شاء الله ولو ربنا مكرمنيش لحد مايجى يمشى هاعمل حقن مجهرى قبل مايرجع تانى ان شاء الله
وفعلا نزول الوزن بيساعد جداااااااااااااا الدكتورة قالتلى كل 2 كيلو بتنزليهم بتحسنى من خصوبتك 20 فى المية ومن هرموناتك كمان وعارفة ايه كمان بيحسن المشى وشرب البردقوش
ربنا كريم يارب يشفينا ويرزقنا من حيث لا نحتسب احنا وكل النتظرات يارب

[مروة شاهين]

سلومة ازيك يا قمر انتي وام ياسين
زوزا الحمدلله كويسة بس اليومين دول النت فاصل عندها
وكمان هي كانت مع الفريق بتاعها في المنصورة من امبارح ولسه راجعة النهارده من السفر انا حتى اطمنت انها وصلت ولسه ما اعرفش اي حاجة تاني عنها علي العموم لوحتني انا هخليها تكلمكو علي النت شوية
سلمى محتاجلك جدااااااااااااااااااااااااااااااااااااا
ارجوكي يا سلمي
نفستي زي الزفت روحت للدكتور وقالي لازم تخسي علي الاقل من 18 الي 28 كيلو علشان يحصل الحمل من غير عملية وحاسة ان الموضوع صعب جدا لاني مستعجلة والعمر بيجري مني
بس الدكتور قال اني لسه صغيرة
وعلي فكرة طلع طيب جدا بس انا من ساعة ما خرجت من عنده وانا نفسيتي زي الزفت لان جوزي اداني كام كلمة حلوين
وقالي انا نفسي في بيبي وانت السبب في تاخيره لان كل الدكاترة من الاول وهما بيقولولك خسي وانتي مش عايزة تخسي
والله انا مزعلتش منه لانه عنده حق ايوه فعلا كل بايد ربنا بس برده انا سبب من الاسباب مش هنكر كده بجد
ارجوكو يا بنات ساعدوني بجد
سلمى كلميني ضروري بكره علي الساعة 5 المغرب ولو ينفع اشوفك ياريت
وعايزة اصلب من الينات يشجعوني بجد
انا لغبطت الاسبوع ده جدا بس ان شاء الله من الاسبوع الجاي باذن الله هبداء من جديد وجامد اوي
نفسي اكون امممممممممممممممم ياااااااااااارب
ساااااااااااااااااااااااااااااااااااااااعدوني

روبى

هونى على نفسك تعرفى انا سمعت الكلام ده من جوزى كتير وقالى انتى ماعندكيش ارادة وعاوزة كل حاجة تجيلك سهل ومش بتحاولى بقالك سنتين بتقولى هاخس ومافيش فايدة وكلام من ده كتير
بس بينى وبينك الكلام ده فعلا صح احنا عندنا الصراحة هدف يخلينا نصوم عن الاكل ورغم كده كل يوم نقول بكرة الاسبوع الجاى لاء ياروبى احنا ماينفعش معانا الطبطبة لازم وقفة بجد ونبدا بقا بجد مش من الاسبوع الجاى من دلوقتىتوكلى على ربنا وادعى ان ربنا يثبتك ويقويكى وان شاء الله تقدرى يارب ةتخسى وتبقا موديل وتحملى وتبقى رشيقة كده وانتى حامل مش كعبورة
ماتضايقيش نفسك وانا معاكى انا وغادة هدفنا واحد وربنا كريم يارب يرزقنا ان شاء الله

[مروة شاهين]

ام ملك وادهم

مش قادرة اوصفلك فرحتى أد ايه برسالتك
انتى بجد انسانة رائعة ربنا يكرمك يارب ويحققلك كل اللى تتمنيه

يومياتى

الفطار كوب نسكافيه باللبن ومعلقة سكر
الغدا فراخ فى الفرن وسلطة
العشا لسه
بس عاوزة أعترف فى اعتراف انا بمشى طول اليوم كويس واجى انيل الدنيا فى العشا مش عارفة ليه امبارح اكلت سندوتشات شاورما فى العشا
نفسى ابطل العادة دى بجد والله طول اليوم بيبقا تمام اجى على العشا وماعرفش ايه بيحصل

[kan_9191]

اخباركم يا حلوات ؟؟