حبيبتى اذا كنتى مرضع اهلا بك معنا

[چيهان أبو الغيط]

الغاليه الطيبه المعطاءه (راجيه عفو ربها)
ما شاء الله تبارك الله لاقوة الا بالله حفظك الله من كل سوء
عمري 33 سنه كان وزني 70
ولان بعد طغلتين متتالتين وزني 80
اريد ان انقص الوزن الزائد وبارك الله فيكي

غاليتى مشكوره لكل هذا الاطراء
ولكن حبيبتى اين طولك مهم حساب طولك مع وزنك هذا اولا وعمر صغيرك ماشاء الله عليه حتى نعرف هل يعتمد عليكى فى الرضاعه تماما ام لا

[حبيبةاحمد118]

انا اسفة انى دخيلة عليكو فى هذا الموضوع لانى لسة مش مرضعة فانا لسة فى بداية الشهر السابع من الحمل لكن ملاحظة ان وزنى بيزيد جدا خصوصا انى لا اعمل ومقيمة فى المملكة والخروج للمراة مقيد جدا وعاوزة الحق نفسى وزنى 83 وطولى 162 يعنى معامل كتلة الجسم 32 ومع اضافة 300 سعر للحمل كما ذكرتى اختى راجية يكون النظام المناسب لى هو ريجيم 1750 سعر
هل من الممكن البدئ فى هذا النظام ولا يؤثر على الحمل؟؟؟؟مع العلم ان تحاليل الضغط والسكر والدم ووزن الجنين كلها سليمة حتى الان والحمد لله
ومتى ابدا فى النظام الذى يناسبنى بعد الولادة؟؟
جزاكى الله خيرا يا اختى على هذا الموضوع المفيد

[ورد المدينة]

اختي الكريمه الله يسعدك في الدنيا والاخرة يارب موضوع جميل وجزاكي الله عنا كل الخير
انا برضع وعندي طفلي عمره 3 شهور
ووزني 64
وطولي 155
وعندي كرش تقولي بعدي ماولدت واتمناى من الله انها تروح يارب
وكنت حابه اعمل رجيم السعرات الحررية وحابه اعرف رجيم يناسبني واقدر امشي عليه
وشي يروح هالكرش
وادامكي الله سالمه

[چيهان أبو الغيط]

انا اسفة انى دخيلة عليكو فى هذا الموضوع لانى لسة مش مرضعة فانا لسة فى بداية الشهر السابع من الحمل لكن ملاحظة ان وزنى بيزيد جدا خصوصا انى لا اعمل ومقيمة فى المملكة والخروج للمراة مقيد جدا وعاوزة الحق نفسى وزنى 83 وطولى 162 يعنى معامل كتلة الجسم 32 ومع اضافة 300 سعر للحمل كما ذكرتى اختى راجية يكون النظام المناسب لى هو ريجيم 1750 سعر
هل من الممكن البدئ فى هذا النظام ولا يؤثر على الحمل؟؟؟؟مع العلم ان تحاليل الضغط والسكر والدم ووزن الجنين كلها سليمة حتى الان والحمد لله
ومتى ابدا فى النظام الذى يناسبنى بعد الولادة؟؟
جزاكى الله خيرا يا اختى على هذا الموضوع المفيد

حبيبتى لا يوجد دخلاء هذا ركنك ونحن ضيوفك
جزانا الله واياكى
على فكره مشكله الخروج عامه فى الوطن العربى كله مثلا نحن فى مصر ولكن لكى أتمشى لابد ان ااخذ اولادى وتخيلى التمشيه بيهم من تريد ان تشاهد المحلات ومن يريد ان يجرى ولا بد ان تمسكيه الحقيقه الجلوس فى البيت بكرامه احسن
ما شاء الله عليكى حسابك مضبوط انتى تستطيعى تمشى عليه من الان ويعد الولاده الموضوع مختلف باذن الرحمن
انتى بالنسبه للرياضه المشى افضل شىء ولو كما ذكرتى صعب فى الشارع تمشى فى البيت مثلا كل يوم نصف ساعه
وبالنسبه للاكل حاولى ان تغيرى عاداتك للاكل الطبيعى اكثرى الخضار والفاكهه ولا اهمليهم كما فى النموذج للوجبات 1750 سعر وباذن الله وزنك ينزل بصحه
ولو عندك اى استفسار اخبرينى

[om_banat]

اختي الكريمه الله يسعدك في الدنيا والاخرة لما تبدليه من مجهود رائع جعله الله في ميزان حسانتك
انا طوالي 168.
عمر بنتي 6 شهور حالياً
وزن 80

[عماد الديب]

تسلمى على هذا الموضوع والله يبارك فيكى وليكى لان الواحد مش عارف يعمل ايهبصراحه انا شوىه اعمل رجيم مع الرضاعه وشويه اخفف دلوقتى عاملة رجيم بس ساعات بخربه وباخذ حبوب كبد الحوت وعايزة اجرب وصفه قشر القهوة وبشرب شاى اخضر صينى 3 مرات والسلطه عبارة عن كرنب وشبت وجزر وكرفس شوفتى الغبطة والحيرة السن 30 الطول 155 الوزن 88 وابنى سنه ونصف ياريت تطلعينى من الحيرة دى لانى تعبت والاجازة قربت وعندى مناسبات وانا كتىر مكتابه لدرجه انى عايزة افطم ابنى الاسبوع ده انقذينى اختك ام عماد

[چيهان أبو الغيط]

اختي الكريمه الله يسعدك في الدنيا والاخرة يارب موضوع جميل وجزاكي الله عنا كل الخير
انا برضع وعندي طفلي عمره 3 شهور
ووزني 64
وطولي 155
وعندي كرش تقولي بعدي ماولدت واتمناى من الله انها تروح يارب
وكنت حابه اعمل رجيم السعرات الحررية وحابه اعرف رجيم يناسبني واقدر امشي عليه
وشي يروح هالكرش
وادامكي الله سالمه

بارك الله فيكى لدعاءك الجميل

اللى يروح الكرش الرياضه واسهل شىء هو المشى

وهنا المقصود المشى وبهمه مش تتمشى براحتك

انتى مؤشر كتله جسمك 27

تحتاجى 1750 نزيد عليهم 500 للرضاعه يكون ما تحتاجيه فعليا 2200 سعر النموذج

وجبات حوالى 2200 سعر

لكى تبدلى بينهم

البدائل للمجموعات الغذائية الخاصة بريجيم السعرات

[چيهان أبو الغيط]

اختي الكريمه الله يسعدك في الدنيا والاخرة لما تبدليه من مجهود رائع جعله الله في ميزان حسانتك
انا طوالي 168.
عمر بنتي 6 شهور حالياً
وزن 80

يارب يبارك لكى

انتى مؤشر كتله جسمك 28عنى تحتاجى 1750 نزيد عليهم 500 سعر للرضاعه تكون سعراتك الفعليه 2200
كل المطلوب منك انك تنقلى النموذج والبدائل فى الرد السابق وتبدلى فيهم براحتك

[چيهان أبو الغيط]

تسلمى على هذا الموضوع والله يبارك فيكى وليكى لان الواحد مش عارف يعمل ايهبصراحه انا شوىه اعمل رجيم مع الرضاعه وشويه اخفف دلوقتى عاملة رجيم بس ساعات بخربه وباخذ حبوب كبد الحوت وعايزة اجرب وصفه قشر القهوة وبشرب شاى اخضر صينى 3 مرات والسلطه عبارة عن كرنب وشبت وجزر وكرفس شوفتى الغبطة والحيرة السن 30 الطول 155 الوزن 88 وابنى سنه ونصف ياريت تطلعينى من الحيرة دى لانى تعبت والاجازة قربت وعندى مناسبات وانا كتىر مكتابه لدرجه انى عايزة افطم ابنى الاسبوع ده انقذينى اختك ام عماد

سنه ونص ممكن تفكرى تدخلى له اكل اكثر خارجى خلاص كلها 6 شهور وتفطميه عوديه
وعلى فكره كلما كبر الطفل كل ما الحليب لم يعد كافى له ابدا لا بد من ادخال اغذيه اكثر
انا ابنى رضع من نفسه وباصرار انه لا يترك الرضاعه ولما هو فطم نفسه من نفسه كان اى نعم عنده 10 شهور بس الولد شخصيه قويه من صغره رفض يرضع (دلوقتى ما شاء الله كبر وبقى شحط عنده 6 سنوات ونص وبرضه شخصيه قويه )
لا حبوب زيت سمك ولا وصفات انتى امشى على اللى سوف نتفق عليه وبس كل ما تأخذيه ينزل فى اللبن انتى عايزه تنحفى نفسك ولا تنحفى المسكين معاكى

انتى مؤشر كتله جسمك 33 يحتاج جسمك الى 1500 سعر واظن لن تحتاجى لل 500 سعر ابنك ماشاء الله عليه اصبح رجل ولا يحتاج للرضاعه بصوره اساسيه

زيدى على اكلك
وحده فاكهه فى الافطار او 2ملعقه سكر للشاى او اى حليب او اى مشروب

على فكره اكثر من مره اتلخبط فى اسمك احسبك رجل لو تخليه ام عماد اديب عشان البنات ما يتلخبطوش مثلى يكون افضل بنات كثيرات لا يحبوا يعلقوا فى موضوعات للرجال

[عماد الديب]

بحبك يا احلى راجيه لله

تسلمى وربنا يبارك فيكى لانكفرحتينى ان ممكن اعمل رجيم وضميرى مرتاح من ناحيه ابنى وربنا يخليلك ابنك ويبركلك فيه وانت من اول مادخلت المنتدى ومش عارفه ليه انت علق اسمك معى ربنا يغفر لكى ولنا جميعا. ومعلش استحملينى ارجو انك تعطينى فطار وغداء وعشاء امشى عليهم وهعمل كل اللى هتقوليه واعرفك اخبارى كل اسبوع بس اعرف هخس قد ايه لانى الاجازة بتاعتى 20/ 7وانا عايزة انزل ولو10 كيلو انا عارفه ان هتقل عليكى بس صدقنى لما تحددى ليا هلتزم اما لو لا هلغبط ويمكن اكتئب وبالنسبه ياستى للاسم ان شاء الله هعدله عشان خاطرك ياقمر بس حاليا مش عارفه اختك ام عماد

[چيهان أبو الغيط]

تسلمى وربنا يبارك فيكى لانكفرحتينى ان ممكن اعمل رجيم وضميرى مرتاح من ناحيه ابنى وربنا يخليلك ابنك ويبركلك فيه وانت من اول مادخلت المنتدى ومش عارفه ليه انت علق اسمك معى ربنا يغفر لكى ولنا جميعا. ومعلش استحملينى ارجو انك تعطينى فطار وغداء وعشاء امشى عليهم وهعمل كل اللى هتقوليه واعرفك اخبارى كل اسبوع بس اعرف هخس قد ايه لانى الاجازة بتاعتى 20/ 7وانا عايزة انزل ولو10 كيلو انا عارفه ان هتقل عليكى بس صدقنى لما تحددى ليا هلتزم اما لو لا هلغبط ويمكن اكتئب وبالنسبه ياستى للاسم ان شاء الله هعدله عشان خاطرك ياقمر بس حاليا مش عارفه اختك ام عماد

جميل الحماس وان شاء الله تنزلى ما تريدى
و 10 كيلو لحد شهر 7 باذن الرحمن تنزلى اكثر منهم بس خلى عندك قوه اراده وتابعى النظام مهما فى المنتصف حدث انك لخبطتى عديها وكملى ولا كأن فيه شىء

بصى نظام السعرات اللى ح نمشى عليه بيعتمد على انك تقللى اكلك فتقل زياده الوزن ويبدأ فى النزول
وتعملى رياضه وبكده تحول الدهون الى عضلات فالجسم يتشد بس ممكن الميزان لا يختلف او تظنى انه ثبت لان العضلات تزن اكثر من الدهون وممكن تجربى هاتى نفس الوزن من الدهون ومن اللحوم ستجدى الفرق فى الحجم مهول العضلات بتلم الجسم وكل من يراكى يفتكر ان ميزانك بينزل بالكيلوات مره واحده
وتشربى ماء لان الماء تساعد على الحرق وايضا تنظف الجسم من اى سموم نتيجه اى عمليات غير مرغوب فيها بالجسم او اكل غير صحى
اتفقنا
النظام اللى ح تمشى عليه عباره عن نموذج وانتى غيرى فيه لعاداتك الغذائيه اللى تتناسب واكلك انتى لانى ارى انه منتهى الفشل للاخصائيه انها تكتب اكل لا يؤكل من عينه تونه مخليه وتوست متاكل قبل كده ولا طحالب بحر الشمال

وجبات حوالى 1500 سعر

الافطار

زبادى كوب

+ 4 ملعقه فول مدمس بزيت خفيف

+ نصف رغيف خبز يفضل اسمر

+ وحده فاكهه او 2 ملعقه سكر فى اى مشروب تفضليه



الساعه 10
وحده فاكهه او كوب عصير

الغذاء

طبق خضار مشكل مطهى

+ طبق سلاطه

+وحده لحوم 100 جم لحم ( يقطع الكيلو على 10 قطع من الاول ) او ربع فرخه او سمكه وسط مشويه او فى الفرن بدون مواد دهنيه

+4 ملاعق ارز مطهى عادى

+وحده فاكهه

الساعه 5
كوب شاى باللبن محلى ب 2 ملعقه سكر

العشاء

بيض اومليت مضاف له ماء ومقلى فى طاسه تيفال

+سلاطه خضراء او خضار مطهى

+نصف رغيف خبز او 2 شريحه توست


قبل النوم وجبه خفيفه
كوب زبادى او ثمره فاكهه او خضار طازج اى شىء بس عشان لا

ننام ونحن جوعى



ولكى تعرفى كيف تبدلى بين نفس الاصناف من حيث القيمه الغذائيه يجب ان نعرف التصنيف للمجموعات الغذائيه

البدائل للمجموعات الغذائية الخاصة بريجيم السعرات

قائمه بدائل الحليب

كوب واحد حليب
كوب لبن رائب او زبادي
نصف كوب حليب مكثف معلب
3 : 5 ملاعق حليب بودرة ثلث كوب
الجبن في حجم البيضة


قائمه بدائل اللحوم

اللحوم قطعه 100 جرام (يقطع اللحم الكيلو على 10 نيئ)
الأسماك سمكه متوسطة
الأسماك المعلبة علبه صغيره تونة او سالمون او ماكر يل
الجمبري الوسط والأصداف 5 حبات

الدواجن ربع بالعظم حوالي 250 جم
البيضة واحده
بياض البيض نصف كوب
(ويدخل من ضمنها النقانق والسجق والهامبورجر ولكنى لا اعتبرهم غذاء لاحتوائهم نتيجة التصنيع على الكثير من المواد الضارة)


قائمه بدائل الخضراوات

المطهية كوب
والنيئ كميات مفتوحة ما عدا المذكورة كنشويات مع الخبز والحبوب فتحدد


قائمه بدائل الفاكهة

الثمرة الكبيرة كالبرتقال والتفاح ثمره واحده
الثمرة الوسط كالمشمش ثمرتان
الثمرة الصغيرة كالتمر 3
العنب 10 حبات
للمعلوميه هذه طريقه للتسهيل في البيوت وان كانت السعرات تختلف ولكن لفوائدها العظيمة نتغاضى قليلا عنها


بدائل الخبز والحبوب

الخبز الأسمر ربع رغيف
التو ست شريحة
الصامولى حبه صغيره كسر الخبز الجاف 3 ملاعق
الكورن فليكس ثلاث أرباع الكوب
الفشار بدون دهن 3 أكواب
البسكويت المملح 5 حبات
2 ملعقة بطاطس او بطاطا او جزر او بسله او قلقاس
الشيبسى 10 حبات
الغريبة حبه
الايس كريم نصف كوب
الشربات ربع كوب
المربيات والعسل الأبيض والأسمر ملعقة صغيره


قائمه بدائل الدهون

السمن ملعقة صغيره
الزيوت ملعقة صغيره
الزيتون 5 حبات كبيره
البيكان حبتان كبيرتان
الفول السوداني 20 حبه
اللوز 10 حبات
الكاشو ملعقة شوربه
اللب او الحبحب ( تقريبا بالسعودي)ملعقة مائدة
المايونيز ملعقة صغيره
القشده ملعقة شوربه جبنه الكريمة ملعقة شوربه

وكل المطلوب ارجاع اكلك لاصله ثم التبديل بين اصناف المجموعه الواحده حتى نحصل على غذاء متنوع


ولكى تعرفى الاصل فى المجموعات الغذائيه ارجو ان تقرأى هذا الموضوع
اضغطى على الرابط

مرشد الغذاء الصحى

وانتظر منك اى سؤال لو فيه شىء غير واضح

[rorofun]

السلام عليكم ورحمة الله وبركاته
رجرووووووووووووووج ازيك عامله ايه وحشاني خالص
عايزه اقول لكي انا دلوقتي الحمد لله وزني بقى 93,600 وطبعا انت عارفه كان كام وبفضل الله ثم توجهاتك وصلت للوزن ده لكن انت عارفه انا دلوقتي حامل والحمد لله فطمت ابني الاسبوع اللي فات
لكن المهم انا دلوقتي خايفه وزني يزيد مع العلم انا نظام الاكل الحمد لله فعلا بقى نظام حياه لا رجيم ولا تعب قلب انا حاسه اني ماشيه طبيعي جدا بدون توتر اعصاب لكن فعلا لازم مع الحمل وانا منظمه اكلي ومفيش عك ممكن ازيد تاني والله انا خايفه اوي من الحكايه ديه وانا مصدقت ان وزني ينزل بعد ماكان ثابت وانت طبعا عارفه الحكايه من اولها وكمان انا قرأت لكي رد في موضوع بتقولي فيه حبوب الكلسيوم بتجيب حصى على الكلى فهمني ايه الحكايه
وجزاكي الله خير

[عماد الديب]

متشكرة جدا وربنا ما يحرمنى منك ابدا ويباركلك في كل احبابك اميييييييييييييييييييييييييييييييين وان شاء الله هطبق النظام من بكرة يعنى معادى معاكى يوم الثلاثاء الموافق1/5/2007وهكون وازنه نفسى وكله تمام يا فندم اختك اللى بتحبك ام عماد

[چيهان أبو الغيط]

السلام عليكم ورحمة الله وبركاته
رجرووووووووووووووج ازيك عامله ايه وحشاني خالص
عايزه اقول لكي انا دلوقتي الحمد لله وزني بقى 93,600 وطبعا انت عارفه كان كام وبفضل الله ثم توجهاتك وصلت للوزن ده لكن انت عارفه انا دلوقتي حامل والحمد لله فطمت ابني الاسبوع اللي فات
لكن المهم انا دلوقتي خايفه وزني يزيد مع العلم انا نظام الاكل الحمد لله فعلا بقى نظام حياه لا رجيم ولا تعب قلب انا حاسه اني ماشيه طبيعي جدا بدون توتر اعصاب لكن فعلا لازم مع الحمل وانا منظمه اكلي ومفيش عك ممكن ازيد تاني والله انا خايفه اوي من الحكايه ديه وانا مصدقت ان وزني ينزل بعد ماكان ثابت وانت طبعا عارفه الحكايه من اولها وكمان انا قرأت لكي رد في موضوع بتقولي فيه حبوب الكلسيوم بتجيب حصى على الكلى فهمني ايه الحكايه
وجزاكي الله خير

وعليكم السلام ورحمه الله وبركاته
الف الف مبروك الوزن الجديد لايق عليكى خالص عقبال ما توصلى لما تتمنى يارب
بصى يا جميله انتى فى الحمل ح تزيدى وده شىء طبيعى امال وزن البيبى والمشيمه والسائل الامينوسى ح يروحوا فين نديهم لابو العيال مثلا

والزياده المعقوله من 9 الى 11 كيلو زياده مضطرده (درسناها كده ) يعنى على مدى التسع شهور مش فى اول شهرين هوب بقت زايداهم طبعا لأ

وبعدين انتى ليه بتسألى على الفيتامينات مشاكل كل الفيتامينات بالنسبه للناس اللى عمال على بطال تبلبع حبوب وخلاص

اما فى بعض الحالات تعتبر حالات حساسه وهى اما لاحتياجها لتغذيه خاصه لزياده احتياجاتها كالاطفال فى سن النمو والحامل والمرضع او فى حالات لا تستطيع اخذ احتياجاتها عن طريق مصادرها الطبيعيه كالمسنين والمرضى و فى حالات النقاهه

الفيتامينات مهمه جدا مثلا حاولى كده تفتكرى واحده حامل كملت حملها بدون ما يكتب لها الدكتور الفيتامينات الحقيقه انا لا اعرف

تقريبا انا من اول حملى الى نهايه الرضاعه يكتب لى الدكتور فيتامينات واخذها بانتظام ولانى من الفئات الحساسه لم يحدث لى شىء

وبعدين مين اللى نزل وزنه مش انتى يبقى طالما كده لو زاد انتى ح تعرفى تنوليه طالما فهمتى التكنيك الباقى باذن الله ما فيش اسهل منه

ربنا يتم ليكى على خير وكبرى دماغك من ناحيه الوزن بس لحد 11 كيلو وبس

[چيهان أبو الغيط]

متشكرة جدا وربنا ما يحرمنى منك ابدا ويباركلك في كل احبابك اميييييييييييييييييييييييييييييييين وان شاء الله هطبق النظام من بكرة يعنى معادى معاكى يوم الثلاثاء الموافق1/5/2007وهكون وازنه نفسى وكله تمام يا فندم اختك اللى بتحبك ام عماد

بارك الله فيكى انا كمان يعلم الله انى احبك فى الله
باذن الله انتظر وزنك ان شاء الله يكون اتغير
بأقولك كمان خذى مقاساتك كأنك ح تفصلى فستان حتلاقى انها بتختلف كل شويه عن السابق باذن الله