الرجيم الكيميائي ...روينة وينك ؟؟؟؟؟؟؟؟؟؟؟؟؟

[بحرينية عسل]

السلام عليكم
انا مرة من المرات قريت في المنتدى عن الرجيم الكيميائي بس ما اذكر متى واعتقد ان المشرفة او العضوة روينة اهي اللي كانت كاتبة الموضوع او شئ ..

وانا سنة من السنوات سويت هذا الرجيم في اسبوع واحد بس ونزل وزني فأفكر الصراحة اني اسوي هذا الرجيم بس مترددة لان ساعات ناس تقول انه مب زين وانا ابي ابتدي برجيم يوم السبت لمدة اسبوعين

للمعلومة بشرب معاه فينامين ديناميزان + الزهورات والكريم للتنحيف + مشي لمدة 40 دقيقة يوميا

فأرجو االتعقيب والنصح sid

[طيـــف]

لوبتحبي بعطيِكِ ياه
موجود واكتر من نظام كيمائي
لكن والله مابنصحك لانه المشكله بعد ماتكرريه بترجعي اضرب

شو قرري بدك وانا حاضره

[أم مرادالتميمي*]

إذاكان نظام (أسامة حمدي) .. فعن تجربة لمدة ثلاث أسابيع وثلاث أيام .. نقص وزني بشكل غيرطبيعي ..
الأربع أيام المتبقية من الأسبوع الرابع جعلتهامفتوحة .. وبعدهاأسبوع كذلك .. وكان جداً ممتاز نظم الشهية وقلل من كمية الطعام ..

بعدهاأسبوع عملت ثلاث أيام زبادي وثلاث خضار .. ثم عدت إليه من جديد لإن الكل لاحظ النقصان المفاجئ ..

سمعت عن أضراره وتعجبت .. فهويحوي الخضاروالبروتين والسكرفي الدايت وأشعرأنه متنوع وليس بأضرمن الأنظمة الموحدة كالثلاث أيام وغيرها ..

وبالنسبة للبشرة وربي أن بشرتي تغيرت بشكلٍ جذري أصبحت ريانة متوردة والله على ماأقول شهيد عكس الأنظمة الأخرى التي تصيب وجهي بالشحوب ..
وإذاأردت اتباعه عليك مراعاة التالي .. عدم الاكثارمن البيض لإنه هوالسبب في تدمير البشرة فأناكنت أجلس ثلاث أيام لاأاكل البيض .. وأحياناأستبدله بالخيار .، الاكثارمن شرب الماء ، الدايت لاتشربيه دائماوكنت أشرب نصف علبة أحيانا على الغداء والنصف الآخرللعشاء الذي يكون بعدصلاة المغرب وبعدالعشاء أعتمدعلى الماء فقط وقداعتدت على ذلك والحمدلله أن لاأأكل بعدالعشاء .. المشي لمدة ساعة كاملة ثم زيدي بالتدريج ، شرب كوب ماء دافئ مع نصف ليمون على الريق ..
هذه تجربتي والأجسام تختلف فمنهم من امتدحه ومنهم من يسبه .. لان بعضهم عادجسمه أضعاف بعده وبعضهم لازالوامن سنة وأكثرلم يتغير والله أعلم .

بالنسبة لشدالجسم سأعود بإذن الله ..لأذكرتجربتي ..
وقبل كل شيئ استخيري ياحبيبة ثم أقدمي واله يوفقك ويعافيك في بدنك وروحك ..

[بحرينية عسل]

شكرا حبيتي طيف على ردك ومرورك على الموضوع وصحيح في ناس ماتمدحه بالرغم من اني مرة من المرات \جربت الاسبوع الاول ونزل وزني فيه صدق ممكن عانيت اشوي من الصداع ولكن هذا الحال مع الرجيمات وكنت متبعته من غير فيتامين اوشئ وانا انتظر رجيمك اللي اربعة ايام بالرغم من اني ما احب اكل الكوسة

هلا حبيتي ام مراد التميمي مشكورة حبيتي على ردج والصراحة كلامج يطمن ويبشر بالخير يعني من خلال كلامج فهمت ان الواحد ينزل منه وحبيت اسألج جم نزل وزنج من خلال اتباع هذا الرجيم ولو اني اتبعته لمدة اسبوعين هل اقدر انزل من وزني 8 كيلو ؟؟؟؟؟؟؟؟

[أم مرادالتميمي*]

والله بصراحة ماادري كم ينزل وأناوالله لحدالآن ماوزنت بالميزان لإن ميزاني خربان ولاتحمست عشان مااتحطم لومانزلت لكن سبحان الله تفاجأت بمقاساتي وكلام الناس لحداليوم وحده سألتني تقول كلميني بالتفصيل عن نظامك ..

ويوم قلت لهاقالت إني سويت كيميائي ورجعت دبل .. بصراحة ضيقت صدري لكن في عالم حواء تجارب بنات حافظوا ماشاء الله بعدالكيميائي وأناأقول اللي ماينتظم بعاداته الغذائية أكيدراح يرجع دبل بعدالكيميائي وغيره ..

والآن أناراح أبدأ بكره على تخفيف وترك الحلويات والمقالي والنشويات مع أن جسمي الآن صار الحمدلله بس خايفة من الدبل اللي يقولواعنه .. مع أني أستخرت ولله الحمدقبل ماأبدأ ولاأظن ان الله راح يخيبني .. أنتي أستخيري هذاأهم شي وبالتوفيق ..

[بحرينية عسل]

هلا حبيتي ام مراد
والله انا دام جهزت العدة وهيئت نفسي بسويه اسبوع على الاقل وبشوف اذا جاب نتيجة بكمل الاسبوع اللي بعده واذا ماجاب بغيره الى نظام ثاني .... بس انا اعتقد ان الجسم لما تخففي كمية الاكل والنوعية يعني الرجيم يلاحظ انه الوجبات تحذف ويصير بدلها فواكه وهذا زين وحتى اللحم اللي بالعشا لو كان عدد صغير من القطع ماراح اتأثر فاعتقد لو الكميات والنوعية تكون قليلة لابد ان الجسم ينزل بغض النظر عن نوع الرجيم ..........

وانا معاج في سالفة اللي ما ينبته لنفس ويرجع يأكل من غير كنترول بيرجع ادبال وانا اعرف بنات استخدموا انواع رجيمات غير عن الكيميائي ولما تركوا الرجيم رجعت اوزانهم


ياليت ينفع معاي الرجيم وتنزل هالكيلوات اللي قاعدة على قلبي


وهذا الرد رقم 100 لي رقم حلو يمكن نفس القرار اللي اتأخذته
<<<<<<<< امزح

وانشاء الله راح اخبرج بالنتيجة بعد انتهاء الاسبوع بس ياليت تشجعيني
ومني لج ارق تحية

[أم مرادالتميمي*]

الله يوفقك ياغالية .. وبالنسبة للنزول راح ينزل بإذن الله إذاطبقتيه صح يعني ماأكلتي ممنوعات أبد .. والله مثل ماقلت لك الكل مستغرب من النقصان بثلاث أسابيع وثلاث أيام بس .. والمشي عليك فيه تراه راس مال النظام ..

الله ينولك مرادك يارب ..

[عسل الجنه]

انا كمان جربت ريجيم اسامه ونحفت 9 كيلو عليه والحين بارجع له
ام مراد سؤال؟؟؟
لما سويتيه سويتي رياضه والا؟؟؟

[أم مرادالتميمي*]

مرحبتين عسل ... الله يوفقك والله دعيت لك .. لانك شجعتيني أسويه ..

كنت أمشي ساعة وأعمل رياضة للزنود وأمسح جسمي بخل تفاح مع موية ورد والله بجد بتشد وتنحف المناطق اللي تبغيهاتنحف بشكل غيرطبيعي .. لكن أنااستمريت لأكثرمن شهر على الخلطة هذي ..

[بحرينية عسل]

هلا اختي ام مراد
بطبقة انا وياه والزمن طويل بس المهم انزل بحرم نفسي و اليوم الظهر على الغذا يابو البيت غذا من مطعم كان لذيذ بس ما اكلت وعادي ولا اهتميت علشان الرشاقة اسوي كل شئ وعقبال ما انزل نفسج يارب
بس بقولج حبيتي انتي لحين تسوينه وجم صار لج ؟؟؟

هلا حبيتي عسل الجنة

صج شجعتني وكم المدة اللي نحفتي فيها 9 كيلو ؟؟؟
وترى انا اليوم بديت اشرايج نشجع بعض واقولج شنو راح اسوي وتقولين لي انتي كمان للتشجيع

وعلى فكرة الرياضة مهمة اعتقد لانها اكيد بتنقصج اكثر على الاقل لو نصف ساعة باليوم لو تمشي في البيت

وانا بمشي من الليلة لمدة 40 دقيقة وبديت الرجيم وكثرة من شرب الماء

والله يساعدنا ونتحمل بس انا داخله بحماس معاه فالله يصبرني

يالله حبيتي عسل الجنة انتظر ردج علي

[أم مرادالتميمي*]

ايوه بسألك ياعسولة انتي كم لك بعدالنظام عني أشهركثيرة وهل رجع وزنك ولالا..؟؟

لان وحدة أمس خوفتني قالت ترجعين دبل مع أني أحس معدتي صغرت كثيروكمية أكلي قلت .. الله أعلم ..

[أم مرادالتميمي*]

بحرينية كذا والله تعجبيني ..

شوفي والله أناكنت أنحرم بأغلب الأنظمة وأنزل بس مومثل نزولي في هذا النظام والله شي خيال والحمدلله ..

أنابصراحة من كثرماقالواالناس ناحفة ابروح اشتري ميزان عشان أشوف الفرق ..

الله يوفقك ياغالية ..

[بحرينية عسل]

ههههههههههههههههههه
الميزان اهم شئ تدرين حبيتي انا الميزان تحت سريري والله كل يوم اقعد اوزن جذي احسن علشان احاسب لنفسي

تدري حبيتي يا ام مراد انا كان وزني قبل 86 كيلو كان ماعندنا ميزان ولا كنت اعرف كم ولكن لما وزنت وشفت 86 كيلو انصدمت صدمة العمر والتفت لنفسي قلت لمتى انا بظل كذا 86 كارثة وعملت اكثر من رجيم ومن ضمنها الرجيم الكيميائي والمشي وكنت انزل واوقف ارد لأكلي العادي وتدرين حاليا كم وزني
حاليا انا 66 كيلو وطولي انا 165 والحمدلله انا راضية بالشئ اللي انجزتة ولله الحمد صج مانزلت في مدة قصير لا بالعكس كان بمدد طويلة بس ولله الحمد ان ما ارتفع وزني ابداااااااااااااااا ولا رجع مثل قبل رقم 80 ودعته وان شاء الله للأبد اودعه
بس انا حاليا ابي انزل حوالي 6 الى 8 كيلو علشان خلااااااص الوزن اللي احلم فيه وادعي لي اقدر احققه
ولا تخافي حبيتي ترى صدقيني اذا حطيتي بالج على اكلج عمره ماراح يرجع الوزن اللي خسرتيه بس لا تخربطين وخلي اكلج صحي وحاولي تبتعدي عن الحلويات وفي اليوم اللي تخربطية فيه على طول اليوم اللي بعده خففي فيه

والله ينولج الله ببالج حبيتي

شكلي كثرة حجي

[روينة]

آآآآآآآآآآآآسفة على التأخير

لكني من معارضي الريجيم الكيميائي
بس اختي غلطتي
كان زمان في مشرفة اسمها رونة فرق حرف بس هي اللي كانت حاطة الموضوع

[بحرينية عسل]

هلا اختي روينة ,,,,

مشكورة على مرورج الكريم يمكن صج انا غلطت اقصد رونة ياليت تدخل وتفيدنا اشوي !!!!!!!

بس سؤال ليش انتي من معارضي هذا الرجيم هل جربتيه وما نفع معاكي ؟؟؟ انزين واشلون عن الاشخاص اللي سواه ونزل

ولو انا حابة اجربه اسبوع او اسبوعين وبس ما ينفع معي لاني ابي انحف بسرعة بس باسبوعين حابه انزل 7 كيلو

ممكن تفيدنا