سيرة وانفتحت.............للحوامل وغير الحوامل

[Ula1]

أنا شخصيا بلشت أشعر بحركه البيبي من الثالث و هي كانت مثل صوت البوشار لما بنعملوا بس أولها كنت شاكه هوه حركه البيبي و لا حركه الأمعاء عندي لحد ما سألت دكتورتي و هي حكتلي أنوا أول الحركه بتكون متل البوشار

و على فكره في موقع للحمل و أشياء أخرى . بس حلاوه الموقع أنوا بعطي تفاصيل كل أسبوع عن التطورات الي بتسير للحامل و للجنين كتير حلوه أنا كل أسبوع ببعت الemail الي بجيني منهم لزوجي علشان يقرأ و يفهم المراحل الي بمر فيها و هو

babycenter.com

[#جاردينيا#]

هلا بكونتيسة

بارك الله بك اختي على قصتك الحلوة عن حملك وولادتك

بس الظاهر أنك طلعت مثلنا مثلك الأمومة بدمك حتى طالبت بالحمل مباشرة

وبدون تأخير

الظاهر أنو بنتك كانت مستعجلة على الحياة بس بدها تطلع وتشوف الدنيا من حولها

الله يحميها لك ويبارك لك بها

وإن شاء الله عقبال المئة سنة

بوسي لي إياها من بين عيونها وقولي لها صاحبة أمك عندها عريس ما شاء الله عليه

اهلا عاشقة الحلويات.. الله يخليكي ويخلي العريس.. وان شاء الله نشوف جنى عروس بادن الله

[المعتمده]

انا حملت ثلاث مرات ولما اعرف ان في حمل تصير فيه مصيبه ومحد يفرح فيه وان ناقله هم الحمله الرابعه بس ادعو لي اني اذوق طعم الفرح لو مره

[عاشقة الحلويات]

ما شاء الله يا بنت البترا

كان ضروروي تشوفي حالة ولادة وأنت حامل الله يسامحك

لكن لو شفت حالة ولادة قيصرية شو كنت عملت؟؟؟؟؟

على كل حال المهم سلامتك وسلامة الطفل والله يبارك لك فيه

وسبحان الله رب ضارة نافعة يعني اخترت العملية وطلع ربك ميسر لك إياها لأسباب تجهليها

والله يعينك كما كان صعب النزيف بالحمل لأني بعرفه ومجربته والحمد لله على كل حال

ثاني مرة ديري بالك ولا تتحركي كتير علشان تجيبي لنا قطقوطة حلوة مثل أخوها







































هلا بك أختي علا

ما شاء الله عليك

شركة إنتاج فاحص الحمل المنزلي مكيفة عليك

لأنك زبونة الهنا عندهم

أنا بصراحة بكره الفاحص المنزلي لأنني أصاب بإحباط لما بشوف خط واحد

مشان هيك ما بحبه ولا بطيقه

ولا تخافي ولا على بالك

تذكري بأنك ستحملينه أولاً وأخيراً لارضاعه فهو بحاجة ماسة لك ولحنانك

امسكيه برفق وعناية ولن يحصل شيء

أهم شيء أنك تريحي حالك لحتى تدخلي الشهر التاسع

وطمنينا عنك أول بأول

وإن شاء الله تولدي بالسلامة وتحملي طفلك على يديك ويحمله زوجك كمان

























هلا بك أختي Dandoon ومرحباً بعودتك ومشاركاتك

بالنسبة للتبولة فلأنها تحوي بقدونس وسمعت بأنه إذا لم ينظف البقدونس

بشكل جيد فإنه تكون فيه جرثومة تمنع من الحمل ولم أسمع بأنها تسبب أي شيء للحامل

وحصلت نفس الحالة مع واحدة من قريباتي كانت تحب التبولة كتير

واكتشف طبيبها الجرثومة التي كانت تمنعها من الحمل بسبب كثرة تناولها للبقدونس الغير مغسول جيدا

وتمت معالجتها وحملت مباشرة

بالنسبة لحركة الطفل فإذا كان بكري فحركته الرسمية تبدا من الشهر الخامس

وإذا كان حمل متكرر فيمكن الاحساس بحركته بشكل أبكر



































هلا بك أختي عبق البنفسَج

كان الله بعونك وماشاء الله على التوم من هلأ

ناطرين تشاركينا أكثر بكتاباتك






















هلا بك أختي ghdeer

الله يولدك بالسلامة ولو كنت بعرف مشفى بالرياض جيد كنت قلت لك

ناطرين تشاركينا أكثر بالموضوع












































هلا بك أختي كونتيسة

بارك الله بك على الدعوات وإن شاء الله تكبر جنى

وتشوفي أولادها وأشوف أولاد ابني وقبلهم أخواته

[* ام ميدو *]

يا جماعة حدا يسأل ويرد علي أنا راح أحكي تجربتي
بعد زواجي ب3شهور حملت كنت أدرس بالجامعة وبعمل بحث التخرج وبسبب التعب وصعود السلالم بالجامعة صار عندي متل النزيف ورحت المستشفى قالوا الجنين هالك ولازم تنزلي ومن ساعتها وانا تعبانة شو يعني البيبي يلي كنت احلم بالساعة يلي شوفه ما راح يجي ...لكن الحمد لله على قضاء الله ...وبعدا ب3أشهر حملت بس المشكلة اكبر من وحام وأكبر من كل شي ....
في بداية شهور الحمل كنت كتير مبسوطة وما بني شي لكن من بداية الشهر السابع حسيت فجأة بوجع فظييييييييييييييييع جدا جدا في ظهري ..مع العلم عمري بحياتي ما شكيت من ظهري عمري ..
وصف الألم :ما أقدر أسند طولي /ما أقدر أنام متل الناس كان نومي على كرسي هيئة الجلوس يحزن علي كتير جوزي لكن ما ندري ايش السبب /اذا كنت جالسة ما اقدر أقوم الا بواسطة السند على شئ ثابت مو متحرك .يعني باختصار :أحس ظهري مكسور نصفين /استحملت الوضع يلي ما يقدر يستحمله حدا صدقوني .والكل حكا يمكن ثقل الجنين /وما حدا يعرف شو السبب حتى جاء موعد الولادة ما اقدر انام على السرير الا بطرق معينة كاحضار 3وسادات ومسند بجواري ثابت وووووووو.ما اقدر انام .شو الحل /المهم ولدت جبت ولد لكن كنت افكر انو ظهري راح يخف بعد الولادة لكنه استمر وحتى الان /احس بان الفقرات متزحزحة او هناك كسر /رحت لدكاترة كتيييييييييييييييييير كل واحد يخمن شي مختلف عن الثاني وما بعرف شو الحل ظهري يؤلمني وما في حل /انا هلأ عاملة مانع للحمل لأني والله اذا حملت تاني مرة يمكن يمكن أموووووووووووووت من الوجع ساعدوني بالسؤال عن وضعي الله يرضى عنكم

[سـلامات]

أم ميدو
أنا أول مرة أسمع بوجع يستمر لبعد الولادة
ربي يكون معك
ممكن تضيفي سؤال للطبيبة أمل في الموضوع المخصص أعلى الركن
الله يسهل عليك

[عبير القدس]

حبيبتي عشوقة
ممكن اشارك
لا تحكيلي لأ





اليوم شفت الموضوع و قرات تجارب الستات كلهم
الله يقوم جميع الحوامل بالسلامة ان شا الله و الله يعطي كل مشتهي بيبي كويس و طبيعي


اسمعوا
قصتي طويلة
مش ما تقراوها
هههههههه
شحاد و بتشرط


انا تجوزت من حوالي 3 سنين و اربع شهور
بعد الزواج ب 10 ايام جوزي تعب كتيييييييير و الكل حكا انو لفحة هوا قوية بعد تصاوير الصدر و الفحوصات بين انو عندو ورم في الصدر و مغطي الرئة الشمال /الوزرة مو بالرئة بس ضاغط على الرئة و بينو و بين القلب حوالي 1 سم
تخيلو الصدمة
يا الله شو بكيت على زوجي
المهم قرروا يعملوا عملية منشان ما يضغط هادا الورم على القلب
و لما الدكاترة اللي بدهم يعملو العملية شافو جوزي و شافو ماش الله اديش رياضي انصدمو لانو كانو متوقعين انو صاحب صورة الاشعة ما بيمشي
الحمد لله عملوا العملية و شالو الورم و كان حجمو 2 كيلو
كانت الغدة الزعترية بدل ما انها بتصغر كانت عم بتكبر و الحمد لله لحقوه بالوقت الضائع
و نبهوا الدكاترة انو لازكم ما يصير بينا اي شي
و الحمد لله انو نحنا كنا مأجلين الانجاب لمدة سنة بس الله راد و صار الحمل بعد 5 شهور مما تجوزنا و الحمد لله الكل فرح
بس الله لا يوريكي فترة الوحام
مأساة
ما في اكل
و استفرغ عصارة المعدة
المهم بعد فترة الاربع شهور تحسن الوضع و ارجعت على دوامي و ضل الحال هيك للتاسع
حتى انو بالشهر التاسع اجا المدير الاقليمي للمشروع و حكالي شو رايك نعينك بضعف الراتب و بمسى وظيفي ممتاز بس بمنطقة بعيدة عن بيتي حوالي ساعة بالسيارة و طبعا انا رفضت و حكتلوا انو هلا جيين تعينوني و انا بالتاسع
الكل انصدم لانو بفترة الحمل يا دوب زدت 2 كيلو
و قبل موعدي بكم يوم كنت عند بيت اهلي و سهرانين و جارتنا عند امي و االكل بيتوقع و بيحزر ايمتى رح اولد و حكولي اقل شي بدك اسبوع لانو قال الولادة ببيبن عليها بطنها بينزل و ما بعرف تحت عيونها بيبن
المهم اصحيت بالليل و انا حاسة بمغص و حكيت اكيد هادا برد و تغطيت كويس
بس لاحظت انو صرت اصحى كل شوي و المغص صار يجي على فترات اقرب و بعدين بحدود الساعة 6 الصبح صار المغص كل خمس دقايق رحت على الحمام و اكتشفت انو نازل شوية دم
طلعت و امي صحت على حركتي و حكتلها شو صار معي و اتصلت بابو الشباب و طلعنا على البيت و و قمت جبت كل الاواعي و مستلزمات البيبي ما انا ما بعرف شو بدي البس البيبي و كم غيار بدو
يعني بيت اهلي تكركب كتيييييييييير من كتر الاكياس اللي جبتهم
و ما كنت حاسة كتييييييير بالوجع و الحمد لله
بس نزلت الاغراض لبيت اهلي طلعت انا و جوزي بالسيارة و طلع ابوي و امي و حماتي بالسيارة التانية
و ما وصلت باب المستشفى الا انو الطلق صار يجي كل 3 دقايق في زجع بس مو كتيييييييير
و طلعت لغرفة و صارو بدهم يعملولي فحص داخلي و انا عم صرخ احكي للممرضة و لك شوو بتعملي
و بعدين لاقنعتني انو لازم اعمل الفحص و حكتلي كل اديش بيجي الوجع قلتلها كل 3 دقايق
حكتلي حبيبتي ما في توسع بالمرة
المهم حطولي طلق صناعي منشان يصير في توسع
و الله لا يوريكم
انهرت تماما
و مع مرور الوقت اعصابي ضاعت مني
و صرت اصرخ
و الحمد لله ما قصرت
قالولي بتاريخ مستشفى التخصصي كلو ما حدا صرخ أدك
و صرت احكي كلو من .............../يعني جوزي
و كل ما حماتي تدخل يا حرام اصير اصرخ و احكيلها بدي امي
تدخل امي اصير ابكي بزيادة و بتصير تهدي في و تبكي معي
و حسيت وقتها انو الوحدة ما بدها الا امها معها
حطولي مسكن و ما نفع و ضاعفولي الجرعة و ما نفع معي شي و الله وكيلكم ضل الطلق الصناعي علي من السبعة الصبح لبعد ال12 الضهر
و كل شوي يفحصوني داخلي و اخرررر شي صرت اصرخ نزل نزل نزل
و كل الممرضات التمو حوالي لانو دكتورتي بعدها ما كانت جاي
و بعدين حكولي هاي مية الراس
و انا شو عرفني شو هية مية الراس
و المهم بعد ما استويت من الطلق الصناعي اجت الدكنورة و فحصتني و قالت التوسع 8 سم لما تصير 10 دخلوها الغرفة و نادوني
مسكت ايده و قلتلها ما في تروحي و صرت اصرخ و حاولت انزل عن السرير و افك الابر و خلص حكتيلها بدي اروح ما بدي اولد
اكيد الدكتورة قالت انجنت و قامت حكت دخلوها الغرفة و من كتر الطلق الصناعي اللي اكلتو رجلي ما حملوني بالمرة
المهم بغرفة الولادة حسيت روحي طلعت فيها و طولت و حي تحكيلي اعطي و ادفعي و شدي و بالاخر حسيت لا حياة لمن تنادي و شفنها مسكت هادا الشفاط منشان تسحب البيبي من راسو و بعدين حسيت انو اعطتني ابرة و هيك لمحت بنتي جنبي و شفت الدكتورة ماسكة ابرة و خيط
و بعدين صحيت وانا بعدني بالممر قبل ما يودوني الغرفة و عم بطلع حوالي الا ما شفت الا حماتي بتركض و بتبوسني و بتحكيلي حم لله على السلامة و ان شا الله بتزينيها بالصبي
نطيت و حكتيلها جوزيه
ما بدي اولد
روحي جوزيه

و هي فرطت من الضحك

[عبير القدس]

وين رحتو
هون التتمة


و بنتي يا الله شو طلعت شقرة بس كتييييييييييييييير طلعت مجعلكة زي العجوز من كتر التجاعيد اللي فيها مع انو الدكتورة اكدتلي انو وزنها 3 كغم و مو طويلة كتيييييييييير
و لهلا هي نحيفة بس زي الوردة ربي يحميها مع انو اول ما جبتها كنت حاسسها بشعة كتيييييييير
هههههههههههه
صورتها جنب اسمي و بتوقيعي
شو رايكم بانتاجي الاول
ههههههههههههههههههههه

بس عنجد كل ما اتزكر هديك الايام بموت رعبة من وجع الطلق الصناعي و وجع القطب

و هلا بفكر ان شا الله بحمل جديد لانو لين كبرت و صارت تزهق كتييييير يا حرام و زاد نكدها و بتضل تبكي بدها حدا تلعب معو

و الله يعطي كل مشتهي يا رب


و اكيد رح تقراو قصتي على مدى 3 ايام
ههههههههههه
سامحوني عل الاطالة بس و الله اندمجت بالموضوع كتييييييييير

[#جاردينيا#]

عبير الله عطيك العافية مجاهدة والله .. قرأتي قصتي؟

[عبير القدس]

عبير الله عطيك العافية مجاهدة والله .. قرأتي قصتي؟

يعافيكي يا رب
قرانها يا عسسسسسسسسل
و عجبني الدفش

انا بالاخر و هي بتحكيلي ادفشي بطل في حيل للدفش من الطلق الصناعي
تخيلي بعد الولادة ضل صوتي رايح /مبحوح لمدة اسبوع من كتر ما صرخت بالمستشفى

[#جاردينيا#]

ولسة بدك كمان؟

[عبير القدس]

ولسة بدك كمان؟

هههههههههههه

سنة الحياة
مع انو جوزي مو مستعجل كتييييييييييير بس من فترة حكالي و الله لين بتحزن كبرت و صار بدها حدا يسليها

ما حكتيلي شو رايك بصور للوش اللي بالتوقيع و اللي بجنب اسمي

[#جاردينيا#]

والله ما شاء الله .. بتجنن. .. الله يخليلك اياها.. ويجيب الاخ الصالح والابن البار ان شاء الله.. ما قلتيلي.. شو نوع المانع اللي كنتي تستخدميه..يعني حبوب والا لولب؟

[عبير القدس]

والله ما شاء الله .. بتجنن. .. الله يخليلك اياها.. ويجيب الاخ الصالح والابن البار ان شاء الله.. ما قلتيلي.. شو نوع المانع اللي كنتي تستخدميه..يعني حبوب والا لولب؟

الله يخليكي يا رب

بخصوص موانع الحمل
لا هاد و لا هاد
يمكن استخدمت الحبوب شهرين او 3 بالزمانات و بطلت

انا الحمد لله دوري منتظمة و بكون عارفة ايمتى موعد الاباضة و بحس فيها
فبعمل احتياطاتي الامنية
ههههههههه
في فترة الاباضة و لما يكون فيه جماع بنعمل عزل

[#جاردينيا#]

احسن شي.. بس ما قلتيلي شو هي اعراض الاباضة .. عشان اعرفها..؟