سيرة وانفتحت.............للحوامل وغير الحوامل

[#جاردينيا#]

اهلا وسهلا بالجميع.. اريد ان اخبركم حكايتي..
انا وزوجي كنا متفقين نأجل الحمل .. و بعد الزواج ومرور 3 اشهر غيرت رأيي وضليت انق على زوجي لحنى وافق..طبعا وكل كم يوم اجيب الفحص المنزلي ويطلع negative حتى مليت.. وقلت اكيد ما زبطت.. ممكن الشهر الجاي .. حتى تأخرت الدورة 3 ايام وبعدها ركضت ع الصيدلية وجبت الفحص وطلع positiveوبديت انط من الفرحة.. طبعا زوجي ما كان في البيت وقتها .. وبديت افكر كيف بدي احكيله الخبر..
اول ما اجا وكان تعبان وراح بدو ينام فقمت انا بكل دلع قلتله (حبيبي عندي الك مفاجاة)وقلتله عن الخبر وكثير انبسط.. وسألنا عن طبيب شاطر .. وصنا نروح عنده كل شهر وكنا متحمسين نشوف البيبي . وكيف بتحرك .. مرة حاط رجل على رجل .. حتى الدكتور حكى والله شكله البيبي بدخن مع جدته .. وضحنا كثير.. طبعا ما كان مبين بنت او ولد..
في الشهر الخامس بين .. حكالنا الدكتور والله شكلها عروسة ..
وضليت في شغلي حتى اخر يوم قبل الولادة وانا لسة على اساس باقي 9 ايام .. وكانت والدتي عندي زيارة وخربت سيارتها يومها واضطر زوجي يوصلها اربد وانا ضليت في البيت.. حوالي الساعة 6 المسا..
وكنت ابعث رسائل على الموبايل لصدبقة لي برضه حامل واتصلت مع اخرى ايضا حامل وكنت استفسر ادا في اوجاع تدل على الولادة وطبعا بدأ الالم وقتها يروح ويجي..وكنت اقول لنفسي هدا اكيد false labor.. كنت قرات كثيرا انه احيانا الجسم بجرب يعمل تشنجات ولكنها ليست حقيقية .. وضليت استحمل واجا زوجي بعد ما وصل والدتي لبيتها وجلسنا ع البلكونة وكا الجو براد في منتصف شهر 7..
.زثم تعبت ودهبت لانام.. وبعد ساعتين احسست بان شي ينزل فدهبت الى الحمام(اجلكم الله)ووجدت ان بعض الدم بدأ ينزل فخفت وناديت زوجي الدي كان نائما..
وفورا اتصل بالمستشفى واخبته الطبيبة المناوبة ان نأتي. وعملت لي فحص داخلى وكان في توسع 3 اصابع (6 سم)وقالو ادخال حالة ولادة..
و دخلوني وحطوا على اجهزة نبض البيبي و قوة الطلق..
وغفوت قليلا.. وكان الاطباء بين فترة واخري يفحصوني وادا بعد ساعة اصبح التوسع 8 سم .. ولكن الماء لم ينزل بعد فقاكوا بانزاله هم؟؟
وبقيت انتظر وانتظر حتى يتوسع اكثر ولكن لا...فاضطر الاطباء بالنهاية يحطولي طلق اصطناعي لمدة ساعة واحدة ...
ولقد تألمت كثيرا ولكن والحمد لله بوجود زوجي واختي ساعدني كثيرا وخفف عني الالام..
وقد طلبوا مني ادفش .. وانا ادفش.. والبيبي يدفش..وبالنهاية قالوا لا تدفشي وانا اقول انا لا ادفش ولكن البيبي يدفش..وخافوا ان الد في غرفتي فحملوني على حمالة.. وفتحوا باب المصعد ولكن هناك الكثير من مستلزمات المستشفيات وانا اصيح انه يدفش ..وركض زوجي واخرج بسرعة كل المستلزمات..
ونزلوني الى غرفة العمليات(كانت الولادة طبيعية) قالوا لي ادفشى مرتين وبعدها اعطوني بنج في يدى ونمت ةواستفقت وانا في غرفتي والكل من حولي.. وها هي ابنتي الغزيزة جنى بعد اسبوعين ستكمل العام .. بسم الله ما شاء الله .. واللهم صلي على سيدنا محمد.. احلى البنات والطفهم وامرحم...الله يخليلنا اياها..
وهده هي قصتي اكيد طولت عليكم...

[ام_منال]

الله يسامحك يا أم منال

رب العباد يرزقك وإياهم فلا تتعذري بالمادة أبداً

فمن خلقهم قادر على التكفل بهم

ونعم بالله

حثى انهم لما بيجوا بيفيض علينا الرزق
لكن ايش تقولي لمخنا الملوث بافكار غربية هههههههههه

الظاهر أنك ما بتقدري تجلسي بمكانك لخمس دقائق مثلي
ودمك نار مثلي ما منقدر نشوف البيت قايم قاعد ونحنا متسطحين

وهي ذه عايزة كلام ههههههههه

ليش حملي اللي من شهرين ليش راح كله بسبب دمي الحار وفورة قلبي أنه

ربنا معاك

بس احب اقولك انا من سنة كنت حامل برضو بس ربنا ماارادش واجهضت بعد ثلث شهور
والسبب ماكنشي خالص من ذه(يعني الدم الحار .ابدا لكن ذه كان من توقف نمو الجنين)
وبعد ماسقط الجنين عملولي تحليل عشان يعرفوا سبب السقوط

تعرفي ايش لاقوا

اول شي كان الجنين راح يجي منغولي لانه كان عدد الكروموزومات زايد

يعني باختصار ربنا اراد بينا كل خير

لانه الكل بيعرف مدى صعوبة تربية ابن معاق

وعشان كدة احب قولك لا تحزني

على العكس انتي لازم تفرحي لانه متعرفيش ايه اللي كان ربما يجيكي من الحمل ذاك

وربنا اعلم بينا وبحالنا واحن علينا حثى من امهاتنا اللي ولدونا وتعبوا عشننا

بعدين لما نزل حملي حسيت بغلطي وحسيت أنني ارتكبت ذنب كبير بحق نفسي وحق من كان ببطني

هذا قدر ومكتوب
وتصدقي اني والله لما اجهضت زعلت حبيتين وبعدين فرحت حثى قبل ما اعرف سبب السقوط لاني بس تذكرت انه ربنا هو اللي بيرزقنا باللي فيه خيرنا وسعادتنا

اتمنى من كل قلبي انك ماتلومي حالك ابدا ابدا وتحمدي ربنا كثييييييير واكيد ربنا راح

وأتمنى لو يجبر لي ربي خاطري بحمل أخر

زي ماحصل معي الان والان انا في بداية الشهر الرابع

ساعتها لن أرفع حتى كأساً أو ملعقة

ههههههههههههههه ولله ماراح تقدري الا لو اجاك حمل زي حملي ووحم زي وحمي ذي الوقت

صارت الدنيا تقلب تضرب واختك ولا هنا

لانه صرت تعبانة على الاخر ومنهوكة القوى

وكما احس اني صرت زي ما بيقولوا عندنا عجزانة

والله كريم يا أختي كل جنين له عمر سيأخذه كما كتبه الله تعالى له

بكل تاكيد

والله يتمم لك على خير ويطعمك ويعوضك عن ما فاتك من ألام بالولادة والحمل

من بقك للسما يا رب

وتشوفي ابنك على يديك عن قريب عم يبكي ويقول لك ماما رضعيني جوعان

ان شاء الله

وأمانة عليك ما تتعبي حالك

حاضر يا ستي ولو انه رغم انفي الحين وحثى لو حبيت اتحرك ماراح اقدر زي ماقلتلك قبل كدة


وربنا يجبر بخاطرك وتفرحينا عن قريب

[Dandoon]

قصصكم حلوة ماشالله عقبالي
بس مسلسل الغلبة بدأ معي من هالشهر ... الحمدلله بدأت بالشهر الرابع من كم يوم ، و اول يوم كانوا سلافي جايين من الامارات يصيفوا ( زوجي مسافر بالعمرة ) فقلت خليني انام عند دار عمي اساعد مرة عمي بالعزومة، و هم بيتهم نظام امريكي يعني كله درج ، و طول اليومين و انا طالعة نازلة لحد اخر شي بعد ما اكلوا الناس و شبعوا بدي ابلش بالجلي ، و لا فجأة حسيت بمغص قوي و تقلصات كتييير قوية، على طووول رحت تمددت على ظهري و صرت أقرأ على بطني و ابكي من الخوف بس الحمدلله شوية و راح الوجع، و صاروا يفتوا، اللي بحكيلي غازات ، و اللي بيحكي هاد عشان الرحم عم بيكبر ، و اللي بيحكي انه دلع .. انا يومها عمي وداني انام عند أهلي ( عشان اذا صار شي لا سمح الله هو ما اله دخل ) و نمت عادي ما في الا مغص خفيييييف ...
تاني يوم ماما ضلت تنق علي الا اتصل بالدكتور احكيله شو صار معي ، بالاخر اتصلت و ردت علي مساعدته حكتلي خلال ربع ساعة بتكوني عنا .. و انا بكل براء رحت و قلت لماما ما تتغدوا ... نص ساعة و جاية ان شالله و لما رحت فحصتني الدكتورة و نادت كمان دكتورين اخصائيين .. و بدون اي كلمة ، سألوني وين زوجك؟ انا طبعا قلبي وقع، قلتلهم مسافر ليش خير شو في .. قالولي لازم هلا تدخلي المستشفى!! طبعا بعد ما سألت عشرين مرة شو في تكرمو و حكولي انه البيبيات تمام الحمدلله بس انا صاير عندي شوية توسع بالرحم !!! انا انصدمت! من هلأ معقول ؟؟ حكولي انه عنق الرحم قصير و ما بيتحمل توأم و يمكن حتى واحد ما بيتحمل .. توكلت على الله و وقعت على ادخال المستشفى و عملولي ربط لعنق الرحم .. و الحمدلله هلا بحكو انه الوضع صار مطمئن اكتر

طولت كتيييير هالمرة بس والله متل الحلم ما كنت متوقعة بيصير معي كل هاد و انا بس متصلة أسأل سؤال .. الحمدلله على كل حال

[ام_منال]

حرام عليك دندون وقعت قلبي من الخوف

قلت ليش عمالة تتعب روحها لهاد الدرجة طلوع ونزول

يعني انتي ما بتعرفي انه الحامل بصفة عامة لازم تحرص من كثر تنطيط

على العموم الحمد لله على سلامتك

وديري بالك على نفسك وعلى القمامير ولا تتعبيهم وياك

[Dandoon]

شايفة يا ام منال .. وانا اللي اصلا ميتة خوف من اولها سبحان الله اللي بخاف من العفريت بيطلعله

[أم ألوفي]

حلوه سواليفكم يابنات
جلست أقرأ الصفحات الثلاث كلها! مره وحده

مافيني أكتب الحين بروووووح أنام!

حلو موضوعك عشوقه
ذكرنا بأصعب اللحظات وأجملها

[Dandosh]

هههه دندونتي ..
اهم شي الحمد لله على سلامتك .. وشكله جد اللي بيخاف من العفريت بيطلعله

[عاشقة الحلويات]

صدقت والله يا أم منال

وهالمعلومة سمعتها من فترة بأن الله تعالى برحمته بنا

لو كان الجنين منغولي أو به أية علة فيكون الاسقاط هو النتيجة لهكذا جنين

فسبحان الله رب العالمين

عزيزتي أنا هالفترة ممنوعة من الحمل بأوامر الطبيب

فإن شاء الله لما ينفك حصر المنع الله يطعمني الذرية الصالحة ويجعلها كثيرة

بارك الله بك يا أم منال على العودة

وإن شاء الله ييسر لك كل لحظات حملك وولادتك

وتشوفي ثمرة صبرك على يديك عم يبكي من جوعه وبده ترضعيه عن قريب

أمين يا رب العالمين

هلا بك أختي Dandoon

سلامتك والحمد لله على سلامتك وسلامة اللي في بطنك

ما شاء الله توام الله يبارك ويحميهم ويحميك

ومعلش هيدي العملية صارت منتشرة كتير

وحتى الدكاترة صاروا يقولوا لي لازم أعمل ربط لو حملت مرة أخرى

وكله علشان تشوفي اللي في بطنك عن قريب يهون

الله يحمل معك ويساعدك ويعظيك القوة لحتى تكملي حملك وتولدي بالسلامة

هلا بك أختي أم ألوفي

نحن بانتظارك وإن شاء الله نوم العوافي

بس ما تنسينا وتروحي فيها شهور وأيام

وباركا لله بك على المرور والمشاركة

[عاشقة الحلويات]

هلا بكونتيسة

بارك الله بك اختي على قصتك الحلوة عن حملك وولادتك

بس الظاهر أنك طلعت مثلنا مثلك الأمومة بدمك حتى طالبت بالحمل مباشرة

وبدون تأخير

الظاهر أنو بنتك كانت مستعجلة على الحياة بس بدها تطلع وتشوف الدنيا من حولها

الله يحميها لك ويبارك لك بها

وإن شاء الله عقبال المئة سنة

بوسي لي إياها من بين عيونها وقولي لها صاحبة أمك عندها عريس ما شاء الله عليه

[Salma1]

حملت بعد ما تزوجت بسنة تقريبا وسقطت اول حمل قبله بشهرين والحمد لله استقر وضعي وبلش الوحام بعد الشهر الاول وطلعت عيوني من التعب والاسترجاع على معدة خاوية واستمر الوحام شهرين متتابعين وخلالهم كنت بنتقل لسكن جديد ومع اني ما اشتغلت كتير الا انو صار عندي نزيف واعطتني الطبيبة ابر تثبيت كل يومين ابرة لان وضعي كان صعب كتير ..... المهم عدت هالفترة على خير وكنت بصراحة دايما انط عند الدكتورة قبل موعد المراجعة عشان اشوف البيبي بالسونار .....يالله ما احلى حركاته وكانت تصورو وتعطيني مجموعة صور اله وبلش يتحرك اخر يوم من الشهر التالت......... وبعدها بدأت ايام الراحة وكنت طبعا اتوحم على التبولة ... صدقوني اعمل جاط كبير واطعمي جوزي حصته والباقي اكمل عليه ما اشبع ...بعيد عنكم...
المهم عرفت انو ولد وطبعا فرحت باللي الله بيبعته المهم ييجي طبيعي ......
ويوم من الايام .......... شاهدت عملية ولادة طبيعية على موقع طبي عشان احضر نفسي للولادة وكانت الطامة الكبرى
صدمت وبكيت وقلت لزوجي ما بدي اولد طبيعي من يومها وانا شايلة الفكرة من راسي .......
وسبحان الله اتفقت مع طبيبتي اعمل قيصرية وطبعا زوجي قاللي الك حرية الخيار بس انا بنصحك طبيعي وشرحلي .....
كونه طبيب ........... ومرت الايام وانا بشوق لرؤية حبيب قلبي اللي كنت احدثه ويرد علي بحركاته صباحا ومساءا لعند الشهر التاسع وانا كل يوم اليوم وبكرة وبعده وما في اي اعراض ولادة وخلصت شهري كامل وحددنا موعد العملية وقرات قرآن قبل ما ادخل الغرفة وكانت والدتي وحماتي الله يطول عمرهم معي ما تركوني لليل ........... واعطوني البنج ...غمضي عين وفتحي عين على مبروك الولد بخير وطبيعي وزوجي يمازحني وانا استيقظ من البنج ويقوللي طبيعي وعديتلك اصابع ايديه ورجليه كاملين
ولما رجعت الطبيبة تعرفو شو قالتلي؟؟ شو بعرفكم ... قالتلي الحمد لله اننا لحقنا البيبي ولو اعطيناك طلق كنت رح تتعبي لان الحبل السري قصير ومن المستحيل ينزل الا بعملية
طبعا فحصتني قبل العملية لعل وعسى انو يكون نزل بس كان بعيد جدا
والحمد لله لما شفتو بكيت وحملتو ورضعته والله يطعم كل مشتهي ولا يحرم حدا منهم
حلوييييييين كتير صح
سامحونا

[Ula1]

السلام عليكم أخواتي,

الموضوع جدا جدا ممتع و رائع و مع أني نعسانه بس ما قدرت أترك الموضوع قبل ما أقرا كل القصص و علشان هيك حابه أشارك قصتي معكم.
أنا هلا حامل بالشهر السابع بأول بيبي و أن شاء الله رح تكون بنوته حلوه أن شاء الله. الحمد لله حملت بعد 3 سنين, طبعا أول سنتين ما كنا مقررين الحمل لأني تزوجت و جيت على هون على طول و تصوروا بعد وصلي لهون ب 14 يوم بلشت أداوم بالمدرسه ( مع أني معي شهاده جامعيه من بلدي) و كنت دايما أحس اني طالبه مش عروس و علشان هيك ما أهتميت لموضوع الحمل لحتى بعد سنتين حملت لأول مر ( بس طبعا كنا في بدايه محاولاتنا للخلفه)و سبحان الله كنا في نفس الفتره بنرحل على بيت جديد و أنا ما كنت حتى بعرف أني حامل الا بعد فتره ومع غلبة الترحيل ما شاء الله أنوا الحمل يتم. بس بعدها صرت أنا مهوسه بالحمل و بدي أحمل و كل شهر أشترى 2 أو 3 من الفحوصات المنزليه علشان أعمل الفحص . و الله بعلم قديش تعبت نفسيتي لحتى أقنعني زوجي أني أنسى الموضوع و طبعا أنا ما نسيت بس ما كنت أبين لزوجي أني مش مهتمه أو متّذكره الموضوع . و أخيرا ...................... الشهر الي صار فيه الحمل ما توقعت أني أكون حامل بس حكيت يلى بجرب الفحص و كانت النتيجه أيجابيه و طبعا بعدها رحت اركض أشتري كمان فحوصات قبل ما أحكي لزوجي و بعدين أخدت الفحص نفسه و فرجيتوه لزوجي و أنا ببكي و صار هو يحكيلي ليش بتبكي و هو بنفس الوقت بدمع......... موقف حساس جدا الحمد لله. أول 3 أشهر كانوا كتير متعبينن و خصوصا مع دراستي ما كنت أكل مزبزط و بيني و بينكم كنت مبسوطه لأني كنت ماشيه على دايت و باقيلي 14 باوند و برجع لوزني الأصلي, فحكيت و الله يا بنت هاي شغله حلوه أنوا ما في شهيه على الأكل......... بس الحمد لله بعدها صرت كتير أحس و لهلأ الشي الوحيد المتعب هو التنفخ برجليه و أيديه و كمان وجهي و زيادة الوزن... بس .

أنا كتير خايفه من الولاده و من تحميم البيبي( أنا بخاف أحملهم أول ما بنولدوا ما بالكم بتحميمهم, بحس أنهم قطعة لم) خاصه و أني لحالي هون بس أن شاء الله ربنا بسهلها . أدعولي أنوا ربنا يسهلي الولاده و أنها تكون طبيعيه يا رب.

علا

[Dandoon]

بنت البترا انا كمان بموووت بالتبولة بس حكولي انه البقدونس بكثرة مو كويس للحوامل ، عندك فكرة عن هالموضوع ؟
بعدين يا بنات انا شاكة اني بلشت احس بالحركة ، اشي بزاوية بطني بتحرك ببطء لثواني ، بس انا قلت لا بدري عالحركة انتوا شو تجاربكم ؟ من اي شهر كنتو تحسو بالحركة؟؟؟

[عبق البنفسَج]

بعد الرابع
بس يمكن التوام قبل ما بعرف
افيدونا
داندون انا وانتى شله هههه

[ghdeer]

السلام عليكم. أنا حامل بالشهر التاسع وبدي اسم مستشفى في الرياض أولد فيه. ساعدوني

[Dandoon]

عبق البنفسج شلة كبيرة كمان ، و بيننا اسبوعين بالضبط، بس انت لهلأ ما بين معك جنس البيبيات ؟ انا كنت متحمسة مفكرة انه من هلأ ببين