ღღوصفات متميزةღღسفرتك الرمضانية لشهر رمضان المبارك "متجدد" ^^ الجزء الثاني ^^

**hendaaa** · 20-08-2010, 07:13 PM

ريناس مشاء الله عليك

سلم ايدياتك

تعرفى الفركسئ ناكلها عند الحد لكن انى متجنيش باهيه مش عارفه علاش

طبعا معاش جربتها من فتره طويييييييله لانى كل منربها المقدار انلوح فيه

بس طريقه ام السنفور رح انجبها وطريقتاك بالك تزبط معاى

شكلها بكل مغرى مع الجوع والله منحكيلك

ربى يعطيك صحيحتك واسفه على الاطاله

**انوار بكره** · 20-08-2010, 07:43 PM

العجوله ماشاء الله عليك وعلي اصفيرتك ربي يحفضك
قوليلي كيف درتيهم الوريدات ايجننو ماشاء الله عليك

**ماما الاء** · 20-08-2010, 08:19 PM

مساء الخير
وصباح الخير
ويا رب كل اوقاتك خير في خير
اني كيف تميت قلي بوريكات الدحي
واليوم درت خبيزة سنفورة متاع القوارب اللي فيها بصل
اما طلعت خبيزة من الاخير
نراجي في المغرب مش نمشي ناكلها جرررررررررررري

اليوم اختي ديوتي في المستشفى والفطور عليها المسكينة قصدي احني المساكين هههههههههه
من بكري حاصلة اني وماما في المطبخ نوتي ليها في فطورها هيا وجماعتها ولهذا ما جيتش صبحت عليكم
درت ليها محشي فلفل وبيتزا وقوارب بحشوة شاورما دجاج وكلوني دجاج وامبطن ورز بالخلطة وسلاطة مشوية
واللي معاها طلبو الحريرة خاطرهم فيها

ان شاء الله نقرا ردودكم ونجيكم في الليل

وراجي يا سنفورة تطبيقي لخبيزتك اللي تهبل

منورين يا شباب

**انوار بكره** · 20-08-2010, 09:31 PM

ماما الاء وكيتي الهي يسعدكم جربت خبزه الكسكاااس وطلعت جناااااااان

اتهبل الكل تعجبو فيها ربي يبارك في حسانتكم ويرزقكم من حيث لاتحتسبي حنحاول انزل الصور ان شاء الله

ابريكتنا ماقابلتنيش

وينك يالغلا

**gudona** · 20-08-2010, 09:36 PM

السلام عليكم ورحمة الله وبركاته

كيف حالكم جميعا
اول امش كانت عندي عزومة ماليزيين واندنسيين
ومقدرتش انصور لان الفطور حطيته في حافظات وطناجره ورفعه زوجي لبيتهم المهم كانت كل الاصناف عباره عن اكلاتنا الزمنيه فدرت فركسيه طريقة الغاليه زوبا ودرت محشي براك ودرت كفته ودرت عصبان ودرت امبطن
ودرتلهم رز برياني وخلاص
وامس افطرت بره في احد المطاعم العربيه
كان عباره عن بوفي برياني نوعين باللحم والدجاج وانواع من السلطات وبوريك وورق عنب وطعميه او فلافل ومحاشي والحلو كان محلبيه بالقسطه وقطائف
واليوم بردو كانت عندي عزومه
ربما تكون الصور غير واضحه فمستعجله طوله عليكم سامحوني حكيتلكم قصت حياتي ههههههه خليكم مع الصور

وكان عباره عن رز بالخلطه ومعاه سلاطه مشويه وسلاطه دره وسفناري وبازيلا وملفوف مطبوخه ومعاه شيش طاووق وطاجين طبقات بطاطا وخبزه بيتزا وخبيرز ملفوفه وخبيزه حنونه متع الاضرف مبطن وضولمة سلك او براك
هدا طاجين الطبقات

وهدي الضولمه سلك

وهدا شيش طاووق

وهدا خبيزه الاظرف متع حنونه

وهدا عن قرب

والحلو كان زلابيه لحبوبه زوبا

وبسبوسه

وهدا البسبوسه ليكم

معليشي من غير تنسيق لانه علي السريع كله

**gudona** · 20-08-2010, 09:57 PM

ام سومه ماشاء الله معمول اجنن ماشاء الله
العجوله روعه كيف اديري فيها الوريده
سويتي تهدي صفيره خفيفه تهيا تحل العين المغمظه وطاجين البرقر جايك اجنن احلي من الي اندير فيه
حنونه شن رايك في الاظرف دق الحديد وهو ساخن شفتها الصبح وخشيت درتها بس انحس فيها مش مزبوطه هلبه يالله نتعلمو توا المره الجايه اكيد احسن خخخخخخخخ
ام السنفور انا اول مره نسمع بيها المشميشه تسلمي يارب وصفره دايمه
اريناس تعرفي حتي طريقه زوبا ماشاء الله زبطت معاي انا درتها اولامس ويشبهو هلبه امتعك صحه وهنا حبيبتي
هندا تسلمي صفرتك ماشاء الله بالصحيحه والهني
الو شن رايك في البسبوسه وربي يعطيك انت ومامتك الصحيحه تسلم اوخيتها ال ي توتيلها في فطيراتها هيا وصاحباتها وماشاء الله هلبه حويجات بالهني عليهم وبالصحه وتواب اجر فطور الصائم عليكم

**ملكة بنقابي~** · 20-08-2010, 09:58 PM

لسلام عليكم

مبارك الجزء التاني وان شاءلله نسمعو فيه خبر شفاء والدك ياكيتي

تبارك الرحمن عليكم الواحد أحتار شن بيقول

ماشاءلله لا قوه الا ابالله ربي يحفضكم ويعطيكم الصحة ويزيدكم من نعيمه ويرزقك خير الدنيا والاخرة

ام السنفور
الله يرحم والدك ويغفرله ويتجاوز عنه
ويرزقك الصبر ويربط علي قلوبكم يارب
أنتي بس أدعيله توا محتاج دعواتكم

أمس جربت الكلير وطلع تحفة تحفة ماشاءلله
ربي يعطيك صحيحتك يارب
والمشيمشه ماشاءلله شكلها حلو لكن هدا مقدار صغير ولا كبير ؟

غيدونا
ماشاءلله صفيره تهبل ربي يعطيك الصحة

شن ساهرة لا توا عندكم الساعة 3 الليل

وأحني الساعة 3 النهار

أمس فطوري
فركاسي وطاجين
وشربة ورز بالمفروم اول مره نديره
وسلاطة والحلو لقمة القاضي والكلير

واليوم كان عشنا لوقت الفطور
شربه ورز
سبرنق روول
بيتزا
فركاسي
طاجين برقر
سلاطه

والحمدلله نعمة كريم

نوسة* · 20-08-2010, 11:21 PM

السلام عليكم
مبارك افتتاح الجزء الثاني ما شاء الله عليكم
كل وحدة حاطة فطورها او شرحاته ربي يسلم ايدياتكم
امس كيتي خطرت عليا الفركسيه و درته بطريقة زينب محمد
و ما شاء الله جاني مش عادي ربي يعطيها الصحة صاحبة الطريقة
اما اليوم فكانت عندي عزومة 4 اشخاص عزابه
درتلهم شربة طبعا _ رشدة كسكاس _ امبطن _ بوريك _ سكالوب _ قلاية
و طبعا سلاطة و عصائر
و الحلو امدايراته في اول رمضان و معاه سلطة فواكه
هذا اللي قدرني عليه ربي تمنيت نزيد نحس فيهم شوية
لكن الوقت ما اسعفنيش يا دوب لحقت على هاذا
و طبعا ما قدرتش نصور شئ كل شئ فيسع فيسع
معليشي حكيتلكم قصة حياتي ههههه

**عود قرفه** · 21-08-2010, 12:08 AM

صحه فطوركم ياحلوات وتسلم ايديكم كلكم
نوسه ماشاء الله كل اللي قلتيه وعندك شويه تسلم ايدك اهم حاجه كسبتي اجر افطار ناس صايمه ربي ايتبت الاجر
وفطوري اليوم شربه اللبيبيه بوريك اصابع محشي هريسه عربيه مع جبنه كيري وزيتون شرائح وبيتزا و
خبيزه ملفوفه وكريب مفروم والحلو محلبيه بالقشطه متع كيتي اتهبل

**ميلا** · 21-08-2010, 12:08 AM

السلام عليكم

ما شاءالله عليكم اتغيب اشوية نلقى الملف معبي سفر

قعدت لازم نصور من فطوري ولو في الأخير .. تستاهلوا مش خسارة فيكم التعب

هذا الصحن هدية للحبوبة حنان نقولها اليوم جربت البوريك وزت عليك حاجات من عندي
وطيبتها في الكوشة
قولي شن رايك بصراحة واي اخطاء قوليها بيش نصححها المخرة الجاية
بس على فكرة هو يبي وقت لكن ساهل .. والقلي افضل من الكوشة
درت الفطور اليوم خبز مقلي ومحشي بالتن وهامبورجر متحمرة شوية والبوريك وبراك ومحشي بس ماصورتاش لانه حطيناه هو الشربة

**العجولة** · 21-08-2010, 12:09 AM

المشاركة الأصلية بواسطة انوار بكره

العجوله ماشاء الله عليك وعلي اصفيرتك ربي يحفضك
قوليلي كيف درتيهم الوريدات ايجننو ماشاء الله عليك

أهلين حبيبتي أنوار بكره سامحيني توه كيف خشيت على الموضوع
وهذا رابط موضوع الورده
http://www.lakii.com/vb/showthread.php?t=590761
وفيها حتى السمكه

**hendaaa** · 21-08-2010, 12:12 AM

هندا تسلمي صفرتك ماشاء الله بالصحيحه والهني

قودنا

بارك الله فيك حبيبه
ويبارك فيك

واجمعين يا رب

**hendaaa** · 21-08-2010, 12:13 AM

ميلا سلم اليديات

صح انتى مقدمتها لحنان ليبيا

بس انى عطيتك رائ

فعلا مبدعه

ربى يعطيك صحيحتك

**ماما الاء** · 21-08-2010, 12:16 AM

مرحبتين بنوتاتي
كيف حالكم توة ان شاء الله بخير

اليوم كنت مبسوطة جدا اول ما خشيت لقيت زوبة الاعجوبة ((اكيد متفكرينها)) باعثتلي طريقتها في البسبوسة وهذا رابطها

http://www.lakii.com/vb/showthread.php?t=568176

وبنقول ليها منورة يا زوبة عارفينك متبعتينا بصمت
يا رب يعطيك الوقت الطيب اللي تخليك متابعة معانا بصوتك وبوصفاتك الحلوة ووجودك الممتع دائماً

سنفوووورة اما خبيزتك طلعت حاجة تحفة

شوفو كيف خفيفات من داخل

تعرفي خوي قالي هذي حاجة قوية من الاخير

اني حشيتها بكبابات بس درتهم على شكل كفتات وشويتهم في الكوشة
وحشيت طريفات بحشو شاورما دجاج تبلته بالطحينة والهريسة والسماق والليمون والبصل والملح والفلفل الاسود ممممممممم وشنو ثاني مممممممم خلاص هذاكا هوا ساد

بس اني درتها خبيزة صغنطوطة يعني توة ما يطلعش اسمها قوارب يطلع اسمها دوائر خخخخخ
هي شنو رايك ؟؟؟؟؟؟؟؟
ان شا ءالله يا سنفورة حنزل تطبيق لخبيزاتك الحلوات

وهذو القوارب والكلوني اللي مشو للمستشفى

ودرت حتى لكلوكة للدكاترة مساكين قاعدين يستقبلو في حالات
وحارمين روحهم من لمة العيلة في الشهر المبارك يوم الجمعة
والصورة جبتها مخصوص للبنات اللي يحبو الحلوووو

يا بنات وين كيتي مش باينة اليوم ان شاء الله خير بس والا شكلها معزومة برة

سويت يا قلبي سفرة تهبل عارفتيني ما عنديش الروح مع حركاتك الحلوة
حنونة والعجولة وكل البنات صحتين على قلوبكم احلى فطور
غيدونة منظر الماكلة يسهف
قولي شنو قصة البرياني اللي يلعب في كل فطور

لكل الحبوبات منووورااات والله

**hendaaa** · 21-08-2010, 12:16 AM

قودونا

....

شن هدا صوره احرف من اختها

مشااااااااااااء الله
ربى يبارك فيك
وديمه عامره يا رب

سلم هاليديات

ღღوصفات متميزةღღسفرتك الرمضانية لشهر رمضان المبارك "متجدد" ^^ الجزء الثاني ^^

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق