ღღوصفات متميزةღღسفرتك الرمضانية لشهر رمضان المبارك "متجدد" ^^ الجزء الثاني ^^

**hendaaa** · 21-08-2010, 04:44 AM

أهلين أختي هند الله يسلمك يارب

هذا كيك كريم كراميل بس بطريقة سريعة

ام ساره الله يسلمك ويبارك فيك

مممممم
واضح حلوه من الكرميل

بس عادى لو نشرى كيك جاهز اسهل
مرات
جارى التجربه ان شاء الله ورح انقولك شن صار

الله يعطيك الصحه والعافيه يا رب

هندة تبارك الرحمن

الطائر الازرق
الله يبارك فيك
ويسلمك

انتى ايه ده مشاء الله

تعرفى قتلى لزوجى زود هدا المطلوب قالى تفلحى وديرلنا هالبورديم ههههه

المهم فكرتينى بعشه الكنافه فى داخلها قشطه صح
مدرتهاش بكل السنه هده السنه الماضيه كله رمضان عدا الفتره الاخيره الى جبت فيه

الله يعطيك الصحه والعافيه يا رب

هندااااااااا يا هندااااااااا
تي شنو هالحركات هذي ما شا ءالله
وتصميمات وبهارات يا عيني يا عيني عطيك الصحة

ماما الاء عيونك الحلوه
جزاك الله كل خير

**ام السنفور** · 21-08-2010, 05:00 AM

لولو
ايه طاجين البرقر دسم انى اليوم درته بروحه باش نعطيه حقه هههه الحق فكرت شنى بندير معاه قلت غير بنلوح وخلاص فادرته بروحه مع الشربة والسلاطة

ام سارة
خبزة الكسكاس عجينة بيتزا عادية تخليها تخمر وتفرديها وتقصيها دواير وتخليهم يرتاحو شوى واطيبي ومادا بيك اللى اطيبيها غطيها باش ماتنشفش وخلاص

اريناس
الحلو طقس من طقوس رمضان ههههههه الحق الشنبير يحبهم في رمضان فا ندير والسمن والله خايفه كل يوم تلقينى نشوف في المرايا في حاجة طلعت او لا ههههههههههه عارفاته بيطلع عاجلا او اجلا

النرجس الغالي
العفو ادللى يا وخيتى انتى اطلبي و100 يلبو طلباتك غير اطلبي بسسس ونتمنى نشوف اكلاتك معانا

ست الكل
قسما بالله في بالى قلت يا من يجيبلي اخبارها كيف حالك وعاش اللي شافك صار فطور عائلى حلو لمة العويلة في رمضان ربي يحفظكم لبعض

**جنـ أم ــى** · 21-08-2010, 05:44 AM

السلام عليكم ورحمة الله وبركاته
كيف حالكم يا عويلة وبنا يتقبل منا ومنكم
ما شاء الله ربي ادوم اللمه الحلوه ويبارك فيها
اني جيت ونور الموضوع مع انه وصولي داهش بسس أن تصل خير من أن لا تصل
ما شاء الله كل حاجه أحلى من الثانية
هو اني نعترف ما قريتش كل شي الحق ما شاء الله كان نقرا الموضوعين معاش انلحق على حاجة
اني وأغوذ بالله من قولت أني السنه هذه صايمة بروحي في غربتي مع بنوتاتي
فشبه ما اندير في شي واللي درتهم هادوم حصيلت 11 يوم يعني الثلت الأول من رمضان سلامته
اتفضلوا الصور
والله يبارك في أم السنفور هيا قامت بالواجب مع الصور خشيت على الماسنجر نستغيت بيها

هذه لفائف الدجاج لحنون

وهذه الفوارب الجبنه لحنون كذلك

وهذا الكرنب فيه اللي اقوله امبطن الكرنب واني الحق ماعنديش ليه اسم غير كرنب

وهذه الخبيزه

وهادوم القوارب بالك انروح فيهم لليبيا

وهذه الابواق بعجينة حبيبة قلبي رواد

وأخيراً وليس أخيراً الموس

**ميلا** · 21-08-2010, 12:32 PM

اختي ماما الاء تسلمي

ام جنى ما شاءالله على حاجاتك الحلوة ..

**ميلا** · 21-08-2010, 01:11 PM

] وهذا بورديم الدجاج

الطائر الازرق ماشاءالله يهبل صراحة ..
كيف دايرة البورديم ؟

**الطائر الازرق3** · 21-08-2010, 02:28 PM

هندة بارك الله فيك
اسعدنى مرورك العطر
ام جنى تسلم ايدك وبسرعة اسعفينى بلفائف الدجاج
ميلا تسلمى وبعيد السوء عليك من الهبال ياغالية وادللى
وهذه طريقة البورديم بعد ما تنظفى الدجاجة كويس من الداخل ومن الخارج تتبل بخلطة متكونة من ملح وفلفل اسود ورشة زنجبيل وزيها قرفة وعصير ليمون وشوية خل وبصل جوانح كمية لاباس بيها وزعتر ضرورى منه وتدخلى داخل الدجاجة من هده الخلطةوتخليها مدة تتشرب توابلهاوانى هنى حشيت الدجاجة برز ناقص شوية طياب وسكرت عليها بعودان الاسنان وكان الفرن امتاع الطين اللى يطيبوا فيه خبزة الفرن محمى او واتى وفيه جمر يعنى النار تكون هادئة جدا وتكونى حاطةشباك مرتفع تحطى عليه الدجاجة وتغطى الفرن بصفرة تكون معدن ولازم تلاحظى ان مافيش بخار يطلع من الفرن بحيث يطيب اللحم بالصهد امتاع الجمر وماتفتحيش عليه بكل الابعد ساعة اقل حاجة وبعدين نحى المغطا وارفعى الدجاجة بالراحة لانك حتلقيها مهبزة وكولى بالصحة والعافية وبصدق طعم وريحة ولا فى الاحلام هى صح تبى عرس امطنطن لكن اول ماتحطى منها فى فمك تنسى

كلللللللللل التعب

**شهد77** · 21-08-2010, 02:32 PM

ام جنى نبى نسالك مدامك فى الغربة من وين حصلتى القوالب دوت عليهم ملقيتهمش وحتى الابواق وعلى فكرة حتى انى زيك مرمضنة بروحى فى الغربة انى والصغار

**شهد77** · 21-08-2010, 02:34 PM

ماما الاء صحيتى انى لى سالت على البوريك راجلى ايحبه رايب ومقرمش والحق مسكين ديما اتجيه طايبة

**hendaaa** · 21-08-2010, 02:44 PM

ام جنى

مشاااااااء الله تبارك الله

تعرفى شوقتينى فى لفائف الدجاج انطبقهم

ربى يعطيك صحيحتك يا رب

وكله كوم والقوارب الى بتروحى بيهم لليبيا كوم تانى

متعطيناش قارب بالك انروحوا بيه حتى احنى هههههههههه

فعلا سفيرتك مشاء الله

حتى عجينه رود شكلها هشه ورطيبه ممممممممممم

ربى يخليها ويحفضها

**hendaaa** · 21-08-2010, 02:46 PM

طائر الله يسلمك ويبارك فيك

**hendaaa** · 21-08-2010, 02:48 PM

شهد اهلا وسهلا بيك

تعرفى انى ملقيتش الا السلات من الباوند لاند البلاستك ومشاء الله عليهم الصغيرات

اما الكبار خديتهم من الازدا

لكن القوارب قلت ان شاء الله اول منروح ناخدهم
لانى زيك دورت دورت وملقيت

والابواق حتى هما

بس فكره مغطه حليب النيدو باهيه
الحق انى عندى فورمه شبيها بالابواق اندير عليها وخلاص
ما بليد حيله

خخخخخخخخخ

اسفه على الاطاله والمداخله

**ام السنفور** · 21-08-2010, 04:42 PM

ام جنى ماشاء الله عليك وزي ماقلتلك ماشاء الله علي تطييبك في المعجنات لونهم ومنظرهم ياخدو العقل

الطائر الازرق ياحسرة وين بنلقو الفرن تي حتى في حوشنا في ليبيا ماعندناش فامابالك هنايا بس والله سفهتينى لما قلتى ادوب في الفم دوبان

هنودة
قوالب السلة الحارة تقدري اديري قوالب الكب كيك وخلاص كيف شكلهم متاع البلاستك اللي خديتهم من الباوند تقصدى بلاستك ولا سيلكون؟؟
علي فكرة في الازدات والتيسكوات تلقي قوالب سلة صغيرات واتيات حطي حشوتك وخلاص وبنسبة للابواق بتجربة شخصية خودى ورق سحب وقصيه اشرطة ولفيهم زي البوق واستخدميهم

**جنـ أم ــى** · 21-08-2010, 04:43 PM

السلام عليكم ورحمة الله وبركاته
كيف حالكم اليوم ونهاركم مبروك على قولة حناي
وكلكم زوء وماننحرموا من اطارئكم الحلو
اتفضلي يا الطائر الأزرق هذه طريقة لفائف الدجاج غير اني زدت عمستهم في خبزة مرحيه
لفائف الدجاج
شوفي يا شهد الحاجات هادوم اني كيف كنت زياره في ليبيا بعد أربع سنين درت هجوم على السوق الليبي وجيت بسس اني اقابلوا فيا فورمات السله الكبار امتاعات التارت والابواق الحق بالفويل ناخد الفويل انشكله وبعدين انلف العجينة فوقه صار زي حالاتي عربة على غربتك ربي ارجعهم على خير
يالله يا هندا طبق وهاتي ابداعك والحق راهو بنتهم مش عادية بكل

**FARFORA** · 21-08-2010, 04:53 PM

السلام عليكم كيف حالكم يابنات ترفعو الراس والله ماشاالله مبدعات
حابة نسال عن كيتي وينها ليها يومين غايبة ان شاالله المانع خير
ونبي نسالكم عن حرة فوق راس حر ليس موقفين اشتراكها لمدة اسبوعين

**ام تدليل** · 21-08-2010, 05:02 PM

السلام عليكم

فرفورة حتى انا انشغلت علي حرة وفقدتها ولما خشيت علي حسابها لقيت موقفينلها الاشتراك لمدة اسبوعين
الله يكون في عونها

ام السنفور كيف حالك اليوم ان شاء الله بخير

ღღوصفات متميزةღღسفرتك الرمضانية لشهر رمضان المبارك "متجدد" ^^ الجزء الثاني ^^

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق