** موضوع متميز ** واخيرا..عجينة الريتش باك الرائعة من مطبخي

ما شاء الله
بجد الواحد مش عارف يقول ايه من شكلها الشهي
ربنا يباركلك يارب
بصراحة شغل مرتب ومنظم وخيالي عجبني جدا
كما انه الموضوع ملئ بالمعلومات القيمة والمفيدة جدا بصراحة لمبتدئة مثلي افادتني كتير جعله الله في ميزان حسناتك
وان شاء الله جاري الجربة فورا وان شاء الله بكره انزل النتيجة وادعيلي انجح فيها
تسلم الايادي حبيبتي

كان ليا استفسار لو سمحتي ام يمني بالنسبة للماء اللي بيتوضع في علي الرف الاخير للفرن بنشيله قبل الخبيز ولا بنفضل سايبينه طول الفترة الخبز
معلش اعذريني بس اختك جديدة في موضوع المعجنات

ماشاء الله حبيبتي روعة وممتاز جدا بارك الله فيكي وسلمت يداكي واسعدني تطبيقك جزاك الله الجنة وياحبذا لو افردتي للتطبيق موضوعا خاصا في الركن حتى يأخذ حقه ياغالية وطبعا الطحين الاسمر لايعلى عليه

حبيبتي بارك الله فيكي وكفاية ان اسم الامورة بتاعتك هاجر ربنا يباركللك فيها هي وبناتنا يارب وجزاكي الله خيرا على الدعوة الحلوة ولك بالمثل ياغالية وهناك بقية صور حبيبتي في الصفحة 10 و11 وبالعجينة نفسها قمت بعمل الخبز الفينو في هذا الرابطhttp://www.lakii.com/vb/showthread.php?t=534544
وايضا خبز الكيزر مع طريقة البرجر في هذا الرابطhttp://www.lakii.com/vb/showthread.php?t=535444
وبالنسبة للماء نتركه اثناء الخبز لكي تصبح المخبوزات هشة ورائعة وتنضج بالتساوي ونصيحة صعيه في وعاء عميقق من الاستالس وليس الالمونيوم حتى لايسود او ضعي خل في وعاء الالمنيوم او الصنية في حال لم يتوفر الاستالس
واي سؤال حبيبتي لاتترددي وبانتظار تطبيقك ياغالية

ربنا يخلي هاجورتنا احنا الانتين يارب
وانا اصلا لما شفت الموضوع لفيت في ال 14 صفحة صفحة صفحة علشان اجمع كل المعلومات وشفت الموضوعين للعيش الفينو والكيزر ما شاء الله ربنا يكرمك ويباركلك في اولادك ويجعلهم ذرية صالحة
وبالنسبة للمياه انا كنت هاحطها في صنية تيفال ايه رايك؟
وان شاء الله ادعيلي تطلع تجربتي بكره ان شاء الله حلوه بس بصراحة ان ناوية اعملها بخميرة فورية انا بالفعل ممكن اجيب خميرة طازجة بس المشكلة ان فيه واحده بتبعها في السوق مش عارفه بقي بتكون طازجة ولا لا؟
ربنا يقدم اللي فيه الخير
معلش طولت عليكي رغاية مش كده

تسلمي ياقمر على الدعوة الحلوة ربنا يباركللك يارب وبالنسبة للمية ينفع تحطيها عادي في صنية تيفال بس تكون غويطة شوية علشان متخلصش المية لانها بتتبخر وانا عن نفسي بستعمل سلطانية صغيرة ستالس ولكن طبعا ينفع التيفال وممكن تبقي تشقري عليه وتشوفي اذا المية خلصت زودي
انا عن نفسي الخميرة الفورية عقدتني وخصوصا هنا في مصر كلها وحشة المصرية لكن استعملت نوع مستورد اسمه الباشا تركي هو كان جميل لغاية مابقيت استعمل الفريش ومقدرش احكيللك على روعتها وتقدري تخزنيها حتى لسنة قدام بس اهم حاجة تشتريها طازه وتشيليها فورا في الفريزر واكيد حبيبتي لو مش مطمنة للبتبيع اضمن واحسن تشتريها من مخبز عيش فينو لان دايما بيبقى فيه استهلاك كتير وبالتالي بتبقى فريش دايما وربنا يوفقك يارب واشوف احلى تطبيقات من اديكي

الله يكرمك ام يمني علي شرحك الوافي معلش تعبتك معايا
ومش مشكلة انا عندي برضو استلس استعمله وبالنسبة للخميرة فعلا عندك حق بالنسبة لمصر بس انا بجيب المستورد وما شاء الله عليه حلوووووووووووووووو قوي بس احاول ان شاء الله في موضوع الخميرة الطازجة وربنا يسهل
جزاكي الله خيرا

معلش يا ام يمني استحملني لاني ناويت ان شاء الله اجربها النهاردة وبصراحة نفسي يفلح معايا عيش فينو مرة حاولت كتير ومش بينفع بس ربنا يهل النهاردة كان ليا كام استفسار
الاول ليه لما مثلا بعمل عيش فينو او كيزر حتي لما اسيبه يخمر مش بيعلي لفوق يعني قصدي مش عارفه فاهمها ولا بيفرد مع ان الخميرة مويسه بس زي ما تقولي بيخمر بس بالعرض وكمان ايه الافضل في رايك اضافة الزبد ولا السمن ولا الزيت انا الحمد لله ال 3 متوافرين عندي؟
والسؤال التاني انا ان شاء الله هعجن النهاردة كيلو دقيق نفس مقاديرك بالظبط بالنسبة لقالب التوست بياخد اد ايه من العجينة نصفها ولا ربعها ولا اد ايه اصل خايفة اعمل حته كبيرة تكون مكتومة
ومعلش اخر سؤال لو سبتها تخمر فترة كبيرة مشكلة ولا لا يعني عايزة اعجنها علي الضهر واسيبها لحد بالييل كتر التخمر ده مشكلة؟
منتظرة اجابتك علشان ابدأ ان شاء الله

حبيبتي اسفة جدا على التأخير بس والله كنمت بره ويادوب دخلت البيت
اولا ان شاء الله تطلع النتيجة جميلة وتعجبك يارب بالنسبة لاستفسارك على حد علمي والله اعلم انا حصل معايا كده بصراحة تلاتة مرات المرة الاولى كان الدقيق نوعه مش كويس وبعد كده عرفت ان احسن نوع هو بتاع المخبوزات وافضل انك تشتريه من مخبز عيش فينو بيعمل عيش كويس لان انتشر جدا في مصر دقيق وحش ومضروب والمرة التانية حبيبتي كان من الخميرة اني كنت اضفت كمية كبيرة لاني كنت مستعجلة وجافي بالي ان كده هيبقى اسرع في الاختمار وطبعا طلعت النتيجة خبز مفرود ومش منفوش وفي نفس الوقت ناشف وبيتفرفت معايا وريحته مش ظريفة لانه كله خميرة ونصيحة سمعتها قبل كده من الشيف اسامة ضعي كمية خميرة قليله واتركيه يختمر براحته للحصول على خبز هش وخفيف وطري
المرة التالتة بصراحة وانا بحط سكر من البرطمان اتكب كل البرطمان في العجين وقلت لنفسي مش مشكلة ولكن لقيت العجينة سايحة جدا في ايدي وبتفرش معايا

شوفي ياقمر بالنسبة للزيت او الزبدة طبعا يفضل الزبدة ولكن انا احيانا مش بتتوفر معايا فبحط زيت ولكن الزبدة اطعم وبرضه متكتريش كمية الدهن في الخبز
بالنسبة للتوست افضل متوسط ليه هو تلاتة كوبايات دقيق نقول كده مثلا اقل من النص بشوية وانا بحب مكترش العجينة اوي علشان اسيبها تخمر براحتها بعد التشكيل وتملا القالب

بالنسبة لمده الاختمار طبعا بتختلف من مكان لمكان ومطبخ لمطبخ واذا كان الجو برد ولا لا بس انا غالببا في الوقت الحالي بعجنها مثلا الساعة اتنين بالليل وعلى اربعة اخدها اشكلها واسيبها ساعتين تاني يعني اصلي الفجر وابدأ في تحضير الفرن ودهن الوش بالبيض او اللبن وانا ساعات بعجنها زيك من الضهر في الشتا بس كل ماكانت تعلى وتخمر ارجع اعجنها تاني واغطيها والطريقة دي على الرغم من انها متعبة الا اني لاحظت نتيجتها روعة جدا وتحصلي على خبز خفيف جدا
بانتظارك حبيبتي وسامحيني على التأخير

جزاكي الله خيرا ام يمني علي الشرح الوافي
وانا بالفعل عملتها وعملت منها دونتس رووووووووووعة والتوست كمان طلع تحفة وصورتهم وان شاء الله هانزلهم ربنا يجزيكي خير يارب
بس برضو نفس مشكلة العيش الفينو اتخمر بس للجنب ممكن برضو زي ما قلتي حكاية الدقيق لاني بصراحة مستخدمتش دقيق معجنات المرة الجاية ان شاء الله هاستعمله

اهلا ياقمر معلش جيق متأخرة بعد ماحفلة الدونتس خلصت كان نفسي اكل معاكم دونتس تخيلي من زمان اوي معملتهاش لاني بتغاظ من اي حاجة فيها تحمير بس شكلي كده هرجع تاني لانك شوقتيني ليها والحمدلله انها ضبطت معاكي وكمان التوست بالهنا عليكم كلكم حبيبتي وزعلت جدا من حكاية العيش الفينو والله محتارة ياترى ليه كده بس جربي تجيبي دقيق ممتاز من المخبز وفيه نسبة الجيلوتين عالية يعني بتاع مخبوزات وان شاء الله يضبط معاكي وبجد كان نفسي اشوف الصور الجميلة في الركن وفضلت الف الركن موضوع موضوع ادور على حاجة ليكي لكن للاسف مشفتش لاتوست ولا دونتس فياريت توريني التطبيق الجميل وتسلم اديكي مقدما

فعلا الدونتس رهيبة عايزة اقولك اني عملت العجينة مرة تانية وبرضو عملت دونتس وبيتزا وسنيامون وبجد كانوا اروع من المرة اللي قبلها وخاصة الدونتس الله يباركلك يا ام يمني وانا فعلا منزلتش حاجة في الركن والله كلهم سايباهم ومكسلة خالص اصغرهم وكمان علشان بعمل دايت وعموما هانزلهم علشان خاطرك ان شاء الله وكمان علشان متتعبيش في اللف هابقي احطلك الرابط في الموضوع

جربتها و طلع طعمها روعه بس فيه عيب واحد ان شكل الرغيف عجيب لان من كتر الفرد و العجن اصبح فيها كسرات كده و لما شكلتها على شكل رغيف الفينو و استوى برزت هذه الكسرات بشكر واضح زى ما يكون الرغيف فيه اخاديد و اغوار و هاوريكم الصور ان شاء الله يا ترى العيب فى ايه؟