مشاكل الحضانات . نقاش وحوار
السلام عليكم ورحمة الله وبركاتة
ازيكم يا اخواتى الحلوين
طبعا كل الاطفال عند سن معين او ربما منذ الولادة بيدخلو حضانة وبيكون هناك فى مشاكل كتير وملاحظات لينا كأمهات
انا لسة جديدة على موضوع الحضانة دة وقلت نعمل تجمع نناقش فية كل مشاكل اولادنا فى الحضانات وملاحظتنا على سلوكياتهم
انا محتاجة منكم المساعدة جدا
ابنى عبد الرحمن ربنا يباركلى فية عندة 3 سنين ونص وامبارح كان اول يوم لية فى الحضانة
طبعا انا عارفة وفاهمة ان اى تجمع للاطفال ممكن يكون فية مشاكل طبعا وبيضربو بعض
لكن عندى كذا سؤال ليكم
1/ هل من الطبيعى ان الميس تدي للطفل حرف واحد يحفظ بية كلمتين
يعنى على حسب ما كنت فاهمة ان المفروض مثلا نقول ألف اسد لكن الميس مديالة للالف كلمتين اسد و ارنب والولد مش عارف يحفظهم الاتنين طبعا ؟؟
2/ الولد كان رايح بحاجتة كلها جديدة وانا بجيبة لقيت الشنطة مقطوعة وبسالة فى البيت فعلى حسب ما فهمت منة ان ولد معاة خد الشنطة منة وانة جة ياخدها من صاحبة فصاحبو شدها فقطع دراع سبونج بوب !! لكن طبعا دة عادى ومفيش مشكلة . المشكلة انى بقول لابنى عملت اية للولد قالى ضربتو بالقلم على وشة
3/ طبعا الميس كاتبة حرف الالف وهو المفروض كاتب تحتة فى الحضانة بسال ابنى مين الشاطر اللى كتب دة قالى عبد الله !!
انا مش فاهمة هو موضوع الضرب وموضوع ان صاحبة كتبلة دة خيال من ابنى ولا حقيقة ؟؟
وهل المفروض اروح افهم من الميس ؟؟
طبعا امبارح كان اول يوم لكن لما رحت اودية دخلتة الفصل عادى لكن لما جيت اجيبة لقيت واحدة بتقولى بلاش تدخلى لجوة عند الفصل علشان المديرة بتزعقلنا وهتسمعنا كلمتين
ياريت بجد تفيدونى بخبرتكم
وادعولى اخاوى ابنى فى القريب العاجل
رد مع الاستدلال
كتبت بواسطة oum hashem
الروابط المفضلة