ماشاء الله ام ريوضى موضوع جميل جدا
انا الحمد لله لم اجرب شخصيا الغيرة بين ابنائى لان ابنى وحيد ربنا يرزقنى واحكيلكم القصة عن تجربة شخصية قريبا يارب
لكن جربت الغيرة فعلا بينى وبين اخى الصغير يصغرنى ب6 سنوات وسبحان الله الان اخى اعتبرة ابنى وانا اللى مربياة لكن فى الصغر كنا نحاول نضربة او ادخل توكة شعر فى اذنة
لكن بصراحة عرفت السبب اما كبرت
ان بابا وماما كانو دايما يحسسونا ان هما خايفين منا على اخونا ودة اللى بيعملو الكتير من الاباء اول ما الطفل الصغير يتولد يخلو بالهم جداااااااا عليهم ودة صح طبعا لكن المشكلة انهم بيوصلو للاطفال الكبار خوفهم على الصغير من اخواتة
يعنى فعلا انا اسمع ان الطفل بمجرد ما يحس بحمل امة فى الطفل التانى يغار ويرتبط اكتر بامة
وبعد الولادة لو الام بتغير الحفاض لمولودها او ترضعة الطفل الكبير يغار جدا
وهذا احسة فى بعض الاحيان ان الام معظم اهتمامها بيكون بالطفل الجديد وتقضى معظم الوقت معة فالطفل الكبير يحس ان امة بعدت عنه ويبدا فى لفت الانتباة عن طريق عمل حمام فى الملابس من جديد حتى لو اقلع عن الحفاض مذ فترة يبدا فى البكاء باستمرار
فانا ارى فعلا الحل ان الام منذ حملها تبدا فى تعويد اطفالها الموجودين على وجود اخ او اخت اصغر حتى لو فى شكل دبدوب او لعبة او عروسة ولما تشترى ملابس المولود تشترى للاطفال ايضا اما تغير للمولود تشطف وتغير للاطفال الاول تقولهم تعالو ساعدونى نحمى اخوكم مثلا
وعند وقت الرضاعة لا مانع ان الام تشارك اطفالها بعد الحلوى بسكوت او اكل لياكلو بنفس الوقت مع المولود اعتقد هذا لا يعطى فرصة للاطفاء ان يبدا لديهم شعور بان الام تفعل للمولود شئ لا تفعلة معهم
الروابط المفضلة