بنتي تاعبتني بنومهااااااا ,,, تعبت ,تعبت ,,{ردود قيمة}

**ياسمين شامي** · 05-01-2013, 12:56 AM

السلام عليكم
كيفكم
يا غاليات

بنتي عمرها 6 شهور
كل يووووووم
كل يووووووووووم ,, بتعبني لتنام
بدها ترضع ,, لتغفل
او تنام وانا عم هزها على رجليي

و بعد ما تغفل بنص ساعة بتصحى و بتسهر
و انا بكون فااارطة و الله احيانا من تعبي ,, برجف و بصير بدددددددددي ابكييييي
من تعبي منها

شو اعمل معها

الحل ,, الحلللللللل
الله يجزيكن اخير

**البيلســـــان** · 05-01-2013, 01:08 AM

أختى أعانك الله وحفظ لك ابنتك

الأطفال عندما لا ينامون جيدا
يكونوا إما يشعرون بالجوع او البلل أو مغص أو شئ من هذا القبيل
فابحثى عما يقلق طفلتك
ولا تعوديها على الهز لأنه مشكلة لك أنتِ
وإذا كانت لا تعانى شئ وإنما تستيقظ هكذا فدعيها فى سريرها تبكي قليلا
وستتعبك يومان وبعد ذلك تنامي إن شاء المولى مرتاحة
أرجو أن أكون أفدتك
ومعلش الله يعين الأمومة صبر ومعاناة وأجروثواب إن شاء الله

**ياسمين شامي** · 05-01-2013, 01:13 AM

يسلمو بيلسان عالرد
المشكلة بزوجي و اهل زوجي ما بخلوني اتركها
و هي عندها استعداد تبكي ساعةكاملة

هلا تركتها تبكي لحتى ام زوجي فاقت و قالت شوووفي
و اضطريت احملها

يا الله

**البيلســـــان** · 05-01-2013, 01:18 AM

أعانك الله يا أخية
وأعانك كثيرا لأنك فى بيت عائلة
ألا تعطيها حليب صناعي ؟؟

**ياسمين شامي** · 05-01-2013, 01:25 AM

لاا بترضع طبيعي الحمد الله
و قبل النوم عطيتها سيتامول ,, مهدي مشان سنانها
و بعطيها وجبة لأتأكد انها شبعانة

,,

الحمد الله على كل حال

**MUM** · 05-01-2013, 01:33 AM

آآآآآآه ذكرتيني ببنتي
كانت منيحة بالنوم لحد عمر ششهرين اخذتها ونزلت فبها على بلدي ولانها اول حفيدة وكنت بمنزل العائلة ااااااااااااخ
خربت طباع البنت الكل بيحمل والكل بيحط سواء ببيت اهلي او ببيت حمايي
الكل فرحان فيها
وصارت ما تنام غير بالهز والرضاعة وتصحى ونظل سهرانين والله مرات لحد الساعة 4 فجرا
كنت اصلي الفجر حاضرا معها ههههههههههه
المهم ما استفردت فيها غير لما سافرت مرة لمصر كانت فترة شهر بس غيرتلها هالطبع
طبعا كنا نطلع ونرجع للبيت تكون هلكانة من اللعب
فلما يجي وقت النوم تبكي وتبي تنام اخليها لحد ماتنام لحالها صارت
بس بهذاك الوقت كان عمرها سنة يعني تخيلي معاناتي لمدة سنة

وطبعا بالاول كنت مفكرتها مريضة وعرضتها على طبيبين الاثنين قالولي بنتك مافيها الا كل خير بس هي دلوعة شوي هههههه

المهم تتاكدي من صحتها ومن امكانية كونها جوعانه بردانة او سخنة
شب ثاني كان ينرفز بنتي ويخليها تبكي وما انتبهت له الامتاخر هو الحر
الجو كان حر شوي وهي طبعها ما بتتحمل الحر ابداااااااااااااااااا فكانت على طول تتضايق

اول شي عوديها تنام من غير صدرك شبعيها قبل وقت نومتها وبهيك رح تتعود تنام من غيره
ممكن لو تقدري تروحي لبيت اهلك شي اسبوع مشان تتحكمي فيها
لان عند اهلك ممكن تطلبي منهم يتركوكي معها براحتك بس صعب تحكي هيك لحماتك

والله اسفة رغيت كثير بس تذكرت هذيك الايام هههههههههههه

**البيلســـــان** · 05-01-2013, 01:33 AM

أختى ياسمين

طفلتى الكبري كانت كذلك
غلبتنى كتير
وكتير كانوا ينصحونى إني أعطيها وجبة حليب صناعي
كنت رافضة رفضا قاطعا
لأنها الكبرى وأتمنى ان ترضع طبيعى لأفضليته وهكذا
ولم أعطها إلا عند التسعة شهور لأننى حملت فى ذلك الوقت
لكنى الآن أنصحك إذا رأيت أنها بحاجة لوجبة حليب صناعي
فلا مانع من وجبة واحدة فى اليوم تكون قبل النوم
والأمر يعود لك بالطبع
حفظ الله لك ابنتك وأعانك وأثابك على تعبك
أستئذنك الآن

**ياسمين شامي** · 05-01-2013, 01:54 AM

اهلين mum
بالعكس ردك فرحني و انبسطت بقرائته
^^

الله يخليلك بنتك

انا مسافرة بعيدة عن اهلي ,, و اهل زوجي عندي

هلأ بجرب معها تنام لحالها بدون رضاعة
و حااولت اتركها تنام ,, بتختها فشلت

الله يكون بالعون ,, و يصبرني ,, خلقي ضيق ,, ومالي صبر ,, قلبي من جوا بكون عم يغلي ,, شريرة ههه

**ياسمين شامي** · 05-01-2013, 01:59 AM

الله يعطيكي العافية يا بيسلسان و يسلم ايديكي ,,
بنتي صارت بعمر بديت معها الاكل و بعطيها وجبة اكل أحسن
^^

**MUM** · 05-01-2013, 02:09 AM

شوفي مو لازم تنام بتختها
يعني خليها تلعب جنبك لحد ما تغفى لحالها حبيبتي
واهم شي تاكليها قبل موعد الرضاعة مشان تنام من غير ما تطلب ترضع
ولا تنسي تدعي رب العالمين
بجد مرهق الوضع انا حاسة فيكي والله
بس يلا كلها ايام وتروح وتكبر وتنسي كل شي وترجعي تحملي وتعاوي السيناريو ههههههههههههههه
انا هلا بقول ايمتى ابني يكبر ويصير بعمرها وارتاح منه
هي هلا عمرها سنتين و5 شهور

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: بنتي تاعبتني بنومهااااااا ,,, تعبت ,تعبت ,,{ردود قيمة}

أدوات الموضوع

العرض