السلام عليكم ورحمه الله وبركاته
اليوم اخر الاجهزه والادواتنا بالغربه وهي مفرمه اللحمه
بالاول كنت اشتري لحمه مفرومه وحتي لو بكون مكتوب عليها 97 او 90 % lean or fat لما افتح الكيس الا الاقي كميه من الشحم وخاصه ببين اكثر لما ابلش احوسها ويطلع منها دهن كتير
وكمان لما بدي اعمل كبه بالاول لما ايجت كنتي اشتري لحمه مفرمه ونفس القصه لما ابلش اقلي الكبه الا القيها زي الذبت لانه اللحمه بتكون فيها دهن وكمان البرغل اشتريه ناعم بس طبعا مش زي لما تفرميه
وكنت مره قبل تقريبا 9 سنين في كوسكو ولقيت هذه المفرمه واحزروا قديش كان حقها 35 دولار
انا ما صدقت واشتريها حتي لقيت رجال كبير مكسيكي عم بشتري لكل اولاده يعني يمكن 5 كراتين وقلت اجربها واذا مش عاجبتني برجعها
الحمد الله كل شئ بترجع هون ما عدا اجهزه السكري
وهذه صورتها ما شاء الله ولا قوه الابالله
هي نوعها waring pro
وهي بتيجي معاها 3 مقاييس للفرم وشفره طبعا وانا الحمد الله مبسوطه فيها بس بعض الاحيان لما اشتري لحمه ويكون فيها زي العظل او الانسجه بتغلبي في الفرم وانا قبل ما ابلش الفرم لازم افرز اللحمه وافرمها وهي مجمده
وهذه صوره الكرتونه
طبعا بحتفظ فيها بالكرتونه تبعتها
وبفرم عليها البرغل للكبه والتمر للكعك والحمص للفلافل
تفضوا هذه شويت كبه عملتها قبل العيد بيومين
ما تستحوا في كبه بلبن كمان
وهذه كعكاتي ضيافه العيد
وكل عام وانتم بالف خير
الروابط المفضلة