السلام عليكم ورحمة الله وبركاته
حبيباتى يارب تكونوا بخير
معجنات طريه جدا وكمان جميلة
يارب تعجبكم
المقادير
2 كوب دقيق
كوب الا ربع ميه
3ملاعق لبن بودره
4 ملاعق زيت
1ملعقه خميرة
2ملعقة سكر
نخلطهم على بعض ونعجنهم لعاية لما يبقى بالشكل ده
ونسيبها تخمر حوالى نصف ساعه
وبعد كده نفردها بالنشابة
مع مراعاة نرش شوية دقيق تحتها علشان ماتلزقش وأنا شكلتها كده
وبفردها بالشكل ده وبحشيها فلفل أخضر مقطع
وبسطرمه وجبنه كوبايات
وأنا قطعتهابالمج علشان أعملها زى البيتزا
وبدهن صينيه بقليل من الزيت وأبتدى أرص فيها معجناتى زى كده
اللى أنا عملاها زى البيتزا بدهنها بقليل من الصلصه وأضيف لها الفلفل والجبنه والبسطرمة وقبل دخولها الفرن بدهن الوجه بالبيض المضاف اليه شوية لبن وفانيليا علشان وجها يلمع وده قبل دخولها الفرن مباشرة مع اضافه حبة البركة ودى بتعطيها طعم وريحة هايلة جداااااااااااا
وده شكلها وهى فى الفرن
ودى بعد ماطلعتها
اتفضلوا
يارب تعجبكم
الروابط المفضلة