مسا الخير صبايا كيفكم
اليوم عملت سينابون بس عنجد روعة
العجينة المعتمدة عندي هي عجينة العشر دقائق
الحمد لله بتزبط معي بس بحب اضيف عليها شوية اضافات
نيجي للمقادير
2 كاسة طحين
فنجان قهوة سكر
3 ملاعق حليب بودرة
باكيت بكنج باودر
بيضة
معلقة فانيلا
معلقتين خميرة
وكاستين ماء
بكيت كريمة باودر (دريم ويب )
يمكن تستغربو انه حطيت كريمة بس بحطها لما بعمل السينابون
بتخلي ريحته روعة وطعمه اروع
بنخلطهم منيح وبنخليهم يخمرو 10 دقائق
بنضفلهم ربع كاسة زيت وربع كاسة زبدة
برضه الزبدة بحطها لما اعمل السينابون
وطحين لحتى يصير عنا عجينة متماسكة
بدهن العجينة بشوية زيت وبحط كيس نايلون عليها
وبغطيها وبحطها بمكان دافىء لحتى تخمر انا بخليها نص ساعة
مقادير الحشوة
ربع كاسة سكر بني
معلقتين كبار كاكاو بودرة
3 ملاعق كبار قرفة
بنحتاج لزبدة لدهن العجينة
ولقشطة برضه لدهن العجينة
مقادير الصوص
ربع علبة حليب مكثف محلى
4 مكعبات جبنة مثلثات انا استعملت لافشكري
معلقة كبيرة زبدة
معلقة كبيرة قشطة
معلقة صغيرة فانيلا
بنخلطهم منيح بخفاقة الكيك وبنحطهم على جنب
انا ما صورت الخطوات لانه كلكم بتعرفو كيف بنعمل السينابون
اول اشي بنرش شوية طحين
وبنفرد مقدار من العجينة وبنرقه منيح
بندهنه بالزبدة السايحة
وبندهنه كمان مرة بالقشطة باستخدام الفرشاية
انا ما كترت قشطة
اضافة القشطة بتعطيه طراوة غير شكل
هاي الفكرة اخدتها من WBABY الله يجزيها الخير
بعدين بنرشه بطبقه من السكر والقرفة
وبنلفه وبنقطعه قطع متساوية
وبنخليه يخمر كمان مرة وبندهنه بخليط من البيض ورشة نسكافيه
وهاي صورة الحبات قبل التخمير
وهاي وهي بالفرن
وهاي صورة السينابون بعد ما طلع من الفرن
وهو لما حطيت عليه الصوص
انا حطيت على قسم صوص
والقسم التاني خليته ساده لانه مو الكل عندي بحب الصوص
المقدار هاد ما شاء الله بعمل صينيتين
بتمنى يعجبكم السينابون متل ما عجب الجميع
عنجد طعمه روعة وخفيف كتير
الروابط المفضلة