السلام عليكماولاً انا متزوجه من 7 سنين احب زوجي لدرجه الجنون وهو نفس الشي لأننا تزوجنا بعض عن حب لحد الآن ماخلفنا اطفال والعيب من زوجي وانا ما أحاول اضغط عليه بالعلاج وقت ما يحب يروح يراجع المستشفى بس اللي حصل إن زوجي صار عصبي جداً يزعل من اي شي يحملني مسئوليه اي شي يصير معاه حتى لو خربت سيارته يعصب عليه وصار يقولي الفاظ سيئه مو متعودتها منه وكذا مرة حاول يمد إيده عليه ويهيني جداً مع العلم إني ماقد فكرت أشتكي على اهلي منه لأني ماأبغى اشوة صورته قدامهم واصبر عليه ويجي يعتذر ومانجلس يومين إلا ويرجع افظع من المرة اللي قبلها بس الغريب لما نتخاصم ويطلع مثلاً من البيت على طول يرسل إنه مشتاق لي أو يتحجج بأي شي عشان يكلمني ولما يرجع مانكلم بعض احياناً بالأيام صار مايفهمني ومايحس فيه مثل أول حتى حنيَته عليه مو مثل اول مع إنه مو حق سهرات مع الشباب اكثر وقته بالبيت ما يحب يطلع ولاهو حق بنات أو مغازلجي وكل ماتهدأ الامور بيننا احاول اسئله يقول ما ادري ليش يصير بينا كذا وندمان على اللي يصير قلت له يروح للشيخ مو راضي خايف من القرايه نفسيتي تعبت بالمرة تحطمت من كل النواحي اعاني في حياتي ابغى شي واحد بس ابغى ارتاح ولو ليوم واحد
الروابط المفضلة