اللي تعرف وين القى ملصقات الجدران في جده او الطائف

[ام صلوحي العسل]

انا عضوه جديده وعندي بعض الاسئله واتمنى احد يدلني على الاشيا اللي ابغاها خاصه بنات جده او الطائف تكفووووووووووووووووون ..

س1 / اختباار على غفله ههههههههههه المهم من تعرف وين يبيعون ملصقات الجدران الحلوه والمتنوعه غير حقت ايكيا ؟؟؟

س2/ وين الاقي المحلات اللي ينباع فيها الحروف اللي تجي في الجدار معلقه فوق الاسره عشان ودي اسويها لولدي وافتح نفسه

[Dr Sophy]

ان شاء الله البنات يفيدونك

نعالى معى لركن المساعده

[مميز2008]

انا سمعت انها عند بالبيد بس للاسف ماادري وين مكانه وممكن تحصلينها عند محل الدهانات الجزيرة

[jamilah]

حبيبتي في محل في شارع الروضة متخصص في ورق الجدران
wallpaper 2.0 هذا اسمه وليه موقع انشالله يكون شغال
www.wallpaper20.com
ولولدك فتلاقي أشياء مرره حلوة في روائع المكتبات
تحت في دور المكتبة

ودعواتك
دعواتك

[sokar.w]

تلاقيها عند روائع المكتبات بجده

[فرولاية جده]

وعليكم السلام

ورق الجدران في محل صغير على شارع الأمير سلطان في حي المحمديه
بس ماأعرف اسمه ولا قد جربته بس شكله خطير

وورق الجدران مثل ماقالوا لك البنات تلاقيه في روائع المكتبات

وإذا تبغي شي رخيص تلاقيه في المكتبات العاديه او سوق الشاطئ في محل في النهايه اسمه يابلاش المحل كبير وفي تشكيله روووعه


موفقه

[مميز2008]

ورق الجدران في هوم سنتر رائعة جدا بصراحة عجبتني ,, وهي انواع فيه المتر 50 و55 و65 ريال واحسن شي انهم يجو يركبوها في البيت وعليها ضمان 3 سنوات

[عفيانيه]

السلام ياأخواتي ابغى محل لصقات لجدران في الخميس او ابها تكفون ساعدوني

[سواار الياسمين]

تلاقين بعد في الباشوات الي جنب الشموع المنزليه خلف محمود سعيد القديم

انت لو سألتي عن الباشوات بيدلونك والاسعار مرررره رخيصه ..

[بدايت انسانه]

روحي شارع المكرونه محلات الديكورات عندهم كثير
وكمان محلات الدهانات جوتن اشكال روعه تختاري من الكتالوج الي يعجبك