مساء/صباح الخير عليكم فى كل مكان قمرات لك ، ليا سؤال وعارفة انكم مش هتكسفونى وهلاقى عندكم اجابة لسؤالى ان شاء الله.
الموضوع باستفاضة و بغض النظر عن ارتفاع سعر اللحمة الرهيب اللى وصل فى بعض الأماكن فى مصر ل 90 جنيه تقريبا 18 دولار....
مامتى دايماً هى اللى بتشترى اللحمة من الجزار وبتقوله هاتها من الفخد لما تكون بفتيك او للمفروم أما للطبخ بتجيبها من السن..محدش يسألنى يعنى ايه..المهم لما بيقطعها من السن، احياناً بيحط معاها مكعب لحمةاو اكتر لكن مختلفة : بتكون لونها أحمر فاتح جداً ولما تنسلق يتحول لونها للأبيض مائل لحمرة خفيفة وطعمها مختلف وألذ ومع انها مكونة من الياف طولية سميكة الا انها سهلة الأكل ولذيذة جداً وكمان أوقات بيكون عليها طبقة جلد ودهون خفيفة.
المهم قررت مرة انى اروح للجزار أشترى ووصفتهاله ..بصلى وابتسم ومش رد عليا و ادانى كيس اللحمة وقالى اتفضلى..بصراحة احرجت واتكسفت وقلت يبقى نوعها اغلى أو مش عنده منها..لكن المشكلة انه مش جاوبنى ..والنهاردة وانا باكل بالصدفة لقيت مكعب منها افتكرت قبل ماكل آخر حتة في المكعب وصورتها وقارنتها بقطعة تانية عادية عشان اللون يوضح ..هى تقريباً مش فلتو لأنه غامق، وبقول يمكن تليبيانكو عشان فاتحة وبتاخد وقت شوية فى السوا..
مش عارفة ومستنية تجاوبونى وتريحونى لأنى من يومها تبت عن مشوار الجزار او انى اسأله تانى عن نوعها أو اسمهاونفسى اشتريها لأنى بحبها.
هى دى اللى بتكلم عليها
.............................................
فى المربع مع الغلاف الدهنى مقارنة بقطعة عادية
والله يجازيها بكل خير اللى تجاوبنى ويحقق امانيها
الروابط المفضلة