رغم ان التجربة فات عليها سنة
بس حبيت اكتبها يمكن تفيد اى ام
ذكر فى سورة البقرة الاية 233
قال تعالى:﴿وَالْوَالِدَاتُ يُرْضِعْنَ أَوْلَادَهُنَّ حَوْلَيْنِ كَامِلَيْنِ لِمَنْ أَرَادَ أَنْ يُتِمَّ الرَّضَاعَةَ﴾
﴿وحمله وفصاله ثلاثون شهرا﴾ (الاحقاف/15)
يعنى 9 شهور حمل و سنة و 9 شهور رضاعة
(وفصاله في عامين﴾(لقمان/14)
يعنى 9 شهور حمل و سنة و 3 شهور رضاعة
المهم انا كنت ناوية افطمه على السنتين
و بعدين لما كان سنة و 8 شهور كنا فى مصر
و بصراحة قلت فرصة ان اهلى يساعدونى لانى فى الامارات مش هقدر لوحدى
و ياسين كان بيرضع تقريبا 24 ساعة و كنت خلااااااااااص تعبت
ف استخرت ربنا و قررت
صحيت الصبح لبست لبس مقفول تماما من عند الصدر و قولتله بح مااااافيش
و بدأنا نلهيه و نخرج كتير و كل ما يطلب يرضع نديلو عصير او بسكوت او اى اكل بديل هو بيحبه
طبعا اصعب حاجة كانت وقت النوم لانه كان متعود ينام على الرضاعة
جبتله كوباية للاطفال هحطلكم صورتها و كنت بحطله فيها لبن و بحليه بمعلقة عسل وواحدة تانية فيها ميه
و طبعا رفضت اديلو ببرونة اولا لانه كبر ثانيا لانى هرجع اعانى تانى عشان افطمه منها
المهم كان بيقوم بالليل يبكى كنا بناخده و نلف بيه بالعربية لغاية ما ينام تانى
و الحمدلله الموضوع استغرق 3 ايام فقط لاغيرررررررررر
اما انا كلمت الدكتور بتاعى و كتبلى دوا عبارة عن حبيتين فقط لاغير
اخد واحدة و بعدها باسبوع واحدة
و الحمدلله تعبت تعب بسيط و بعدها صدرى نشف على طول الحمدلله
خلاصة الموضوع
انك اولا لازم ترضعى طبيعى لاطول فترة ممكنة
لما تنوى الفطام استخيرى ربنا سبحانه و تعالى
لما تقررى ما ترجعيش فى قرارك
لا للببرونة بعد الفطام
دى كوباية زى اللى انا جبتها
بيكون ليها كذا راس
واحدة زى بوز كده يشرب منه
و ممكن تستخدمى شفاطة
بصراحة حلوة جداااااااااا
الروابط المفضلة