السلام عليكم يا جميلات
حبيباتى طبق لا غنى عنه فى المناسبات طوال العام وبشكل خاص فى عيد الأضحى
حيث كثره اللحوم فى كل بيت ( ما شاء الله)
والجميل انى عملت المره دى الرقاق الطرى بعد تجربته العام الماضى بس لو عندك الرقاق الناشف نفس الخطوات ولكن هتحتاجى شوربه اكتر وميزه الطبق ده انه ينفع يتعمل على النار من فوق او الفرن وفى كلا الحالتين بيطلع جميل
طبعا ما خلص الطبق الا بعد لمسات والدتى الحبيبة
ده الفرق بين الرقاق الطرى على اليمين و الناشف معلشى مكسوره الورقه على الشمال
طب ما يلا على المقادير
8 ورقات رقاق لحم مفروم معصج حوالى 350 جرام فوق البرع كيلو بشويه
سمن بلدى او زبده
حوالى كوب ونصف شوربه لحم نسقى بيه الرقاق.
الطريقه
نجيب صينيه على مقاس ورق الرقاق او اكبر شويه ندهنها بالسمن .
نجيب طبعا راق راق ونغمسه فى الشوربه
و نرفعه بسرعه بحيث توصل لكل ورقه الرقاق حتى اخر راق قى الصينيه.
نيجى للصينية.
ونحط اول راق
وبعد كده حته سمنه توزع طبعا على ورقه الرقاق وبعد كده الراق التانى و التالت و حته سمن على التالت و بعد كده الراق الرابع و نحط عليه علطول اللحم المعصج
ونكمل الاربعه الباقيين بنفس الشكل ونوصل للراق الأخير ونحط على الوش سمن ونوزعه
وندخله الفرن ربع ساعه تقريبا واول ما نلاقيه استوى من تحت نضعه للتحمير تحت الشوايه وفى حاله عمله على البوتاجاز من فوق نقلب الصينيه الوجه مكان اخر الصينيه
وللوجه تحت الشوايه دقيقتين وشوفى النتيجه.
وتقطع و تقدم يارب تكون عجبتكوا
الروابط المفضلة