خطيبي وملابسي ساعدوني ..

[نقآء الياسمين ~]

السلام عليكم ..

حبيباتي انا انخطبت لابن حلال تقدم لخطبتي
ومعقود القرآن والحمدلله ..


باختصار مشكلتي هي كالتالي :

انا بحب اختار ملابسي لوحدي ..

الفكرة انو خطيبي بيحبني البس رسمي

وانا مابحب ضل لابسة رسمي

للي صار انو نزلنا على مول وقلي تعالي حابب اخد رأيك بهاد التيور ( طقم )

انا دخلت اقيسه عجبه وصار يشتريلي تياب رسمية اكتر من تييور وفستان سهرةو ووو صح حلوين كتير

بس مابحب حس حالي اني مدام او اكبر من عمري

قلتلو انا حابة اشتري تياب سبور شوي يعني مو رسمي

قلي انتي هلأ مرتبطبة وياريت تغيري نمط لبسك يعني كيف انا البس رسمي وانتي سبور ؟؟
وهو بيحبني قابل فيهم الضيوف للي بيجو لعنا وحتى لما كون طالعة زيارة مع اهلي مابدو ياني ضل لابسة سبور طول الوقت

شو ساااااااااااوي مو قادرة اقنعه اني مو حابة ضل اشتري رسمي

بس طبعا زيارات بدها سبور

بس بشكل عام بده ياني ضل البس رسمي

ولو طلعنا على كافيه .. بيحب كون لابسة رسمي


ساعدوني

[om radwan]

عزيزتي هذه أمر طبيعي جدا أن يكون هناك اختلاف بين الزوجين في ذوق اللبس بالذات ... أنا وزوجي اول فتره كنا نعاني من هذه المشكلة هو يشتري لي اشياء لا ارغب بلبسها كثيرا
هذه ترجع لحسب طبيعه تربيته وطبيعه عمله
انت خليك حكيمة
مره البسي الملابس الرسمية ومرات خليها سبور ولا دققي على الموضوع مع الزمن ومع الوقت رح يحل عنك بهذا الموضوع ولم يعد يتفرغ لك
انت حاولي انك تنقي الملابس الرسمية بحيث بتكون مناسبة من ناحية الوانها وقصاتها بحيث لا تشعري انها تكبرك بالعمر
وصدقيني مع الوقت رح يخف تدقيقه على هذا الموضوع
المهم انكم تكونوا متفاهمين على الأمور الجوهرية جدا
وموضوع اللبس هذا اتركيه للزمن
خليك عم تسايري ضمن حدود معينة
ومرة هيك ومره هيك
يمكن هو بنظره يرى الملابس الرسمية مستورة أكثر وفضفاضة ويمكن يكون بغار عليك بس ما حب يوضح جابها بهذه الطريقة
الله يارب يباركلكم ويبارك عليكم ويوفقك يارب ويتمملك على خير ويسعدكم مع بعض

[نقآء الياسمين ~]

مشكورة حبيبتي على المداخلة

وفعلا كلامك صح الحمدلله الامور الجوهرية متفقين عليها .. ولكن هذه مشاكل ثانوية احببت ان تشاركوني بها

هلأ بالنسبة للملابس هي قصاتها جديدة ومودرن بس انا مو متعودة عليها أبدا

لهالسبب متضايقة شوي ومو قادرة قله لا تتدخل في طريقة ملابس لانو بحب شوف ذوقه وبحب شوفه فرحان ب ملابسي

بس كمان إلي شخصيتي يلي لازم يقدر رائي وذوقي في ارتداء الملابس ..

[SIRINA]

لا تخلي اشياء متل هادي تخرب عليكي ومتل ما قلتي معقود قرانك يعني صرتي مرتو فلازم تطيعيه
رح اسالك انتي متحجبة ولا لاء مشان اقدر اوجهك اكتر

والله يجمعكم بالخير

[* نور هدى *]

غاليتي مليسيا
أولا بارك الله لكما وبارك عليكما وجمع بينكما في خير
ثانيا مو مشكلة يشتري لك هلأ اللي بدو ياه ... خليه يفرح شوي أنه عم يشتري لمرته حبيبته
وبعدين ( بعد ما تصيري في بيته ) صدقيني راح يخليك تلبسي اللي بترتاحي فيه
المهم أنكما متفاهمين والحمد لله
ربي يسعدك
على كل حال ... أنت قوليلو أنا برتاح بهل النوع من الثياب بلطف ودلع وأنت فرحانة بهدياه
خليه بدلعك ورضاك يشتري لك اللي بتتمنيه
يعني وحبيبي وهادا الثوب عجبني !!!!!!!!!

[shams el7ob]

المثل بيقول كل اللي يعجبك والبس اللي يعجب الناس
بس انتي بعد الزواج او الحين بطريقتك الخاصه ممكن تقنعيه
انه انتي مش رافضه البس الرسمي بس مش بكل مكان حسب الطلعه
\هيك وهيك

[يسر بغداد]

السلام عليكم يعني مومشكلة اللبس اذا كنتو متفاهمين وبتحبو بعض ,يعني اسمعي كلامو وخليكي مطيعة بالاول حتى الشغلة ما تصير تحدي والبسي الملابس السبور في البيت وشوي شوي وبالدلال والدلع تسوي الي تريدي والله الموفق

[zineb gharbia]

عزيزتي ميليسيا
ألف مبروك الخطوبة والقران

بارك الله لكما وبارك عليكما وجمع بينكما في خير

ما دمتما متّفقين على الأمور الجوهرية
فلا تلقي بالا إلى هذه الأمور الثانوية ،
هي ليست شكلية كما قد يتبادر إلى الأذهان لأها تدلّ
على وجهة نظر وسلوك اجتماعيين
بإمكانك ارتداء الملابس الكلاسيك في سياق
والسبور في مناسبات أخرى
كما يمكنك إقناعه بوجهة نظرك بالتي هي أحسن ،
وبالتدريج

ومو قادرة قله لا تتدخل في طريقة ملابس

إيّاك أن تدخلي في تحدّيات قد تفسد فرحتك
قد أبدو لك سكة قديمة ، لكن للمتزوّجة يستحسن
أن يكون اللباس رسميا
لأنّ الزواج يعني الانتقال من شكل حياة إلى لآخر بجميع مظاهره
وفقك الله وبارك زواجك

[toma2]

ازا هو حابب انك تلبسي هيك خليك
معه بالموضوع لانه شايف هيك لبس
حلو عليكي صدقيني لو شايف الرسمي مش
حلو عليكي ما كان جبلك منه كتير اشياء
بعد الزواج بصير الموضوع اسهل لانه في
اماكن ما فيكي تروحي لابسه رسمي
متل السوق صح طبعا اول الخطبه بحب الخطيب يبدي
رايه بكتير امور بتخص خطيبته و الله يوفق بينكم

[ام مهند2009]

حبيبتي مادام انتي بتلبسي قدامه كل الي نفسك فيه مو مهم شو رح تلبسي بره البيت حقه لا تخلي هاي الامور تثر عليكم شوي شوي اقنعيه بلبسك بس انا متاكده مع الوقت انتي نفسك رح تلبسي لحالك الي يحبه عشان ترضيه الله يتم عليكي السعاده ويهدي بالك