السلام عليكم ...
إكتشفت وأمي أن خادمة أختي (وهي مطلقة ولديها طفل وتسكن في منزلنا لأنها مطلقة) أنها إذا أحد زعلها أو هاوشها أنها تنتقم منه ,وهي إشتغلت في السعودية 8سنين وجايتنا فيها مرض الضغط ولا تأكل اللحم ولا الأجبان ولا تشرب الحليب ولا تأكل من أحد سواء أنا طبخت أو أمي ..
أمي كرهت الخدم من خالتي لأن خالتي نبيهة ومرات تعيش بدون خدم لو أن بيتها يتوصخ عادي أهم شي راحة بالها وطبعا بناتها مثلها وهم عائلة صغيرة 5أفراد يعني يقدرون يتحملون العيشة بدون خدم وخصوصا إنها ماتعزم ولا تستقبل أحد إلا في مناسبة كبيرة ..
المهم خدامة أختي شفتها تدخل إصبعا في البرادة (برادة الماء ) أنا أدري أنها حطت شي لأني دايما أشوف وأسكت المهم سكبت ماي بكوب زجاجي بشرب ماي عطشانه وصيف الكويت حر لكن للأسف شميت ريحة زفر في الماء عرفت إنها سوت شي ,وحتى لو أطبخ طبخة في المطبخ او أسوي شاي حقي تقدر تطيحني تطيحني مريضة وللأسف قاعدة تغشنا بالأكل وساكتين وإن كلمنا أختي قالت محد نافعني وإهي من معاشي وإذا ما تبونها تطبخ إطبخوا أنتم ..وأنا وحدة بصراحة طبخي يلوع الجبد ويكسرون خاطري أهلي ودي اطبخ طبخ حلو وحاولت أسوي طبخات جديدة لكن ماتضبط مع أن عمري23سنة (الله يعين اللي بيتزوجني ؟!!!!) وخدامة أختي تضبط الطبخ أحيانا لكن فيها هذاالشي وهو الغش ....
أمس الخدامة سوت دقوس وفلفل بطاط وبتسوي عيش ودجاج لكن امي طردتها وسوت عنها العيش والدجاج .المهم انا ضامنة أن الأكل مافيه شي اكلت واول مرة أخلص الصحن ..لكن وأنا قاعدة آكل قرب ولد إختي بياكل معاي لقمة ركضت الخدامة وأخذته وراحت بعيد ..شكيت قلت الأكل أكيد في شي لكن طالعت إختي اللي أصغر مني تأكل قلت في بالي إهي تحب إختي هذي وأكيد ما راح تضرها ..
لكـــــــــــن قمت اليوم الصبح وحسيت بحرارة داخلية وألم في أذوني وهفوات من عوار رأسي ..عرفت أنها حطت شي بالدقوس أو فلفل البطاط ..وتذكرت إنها شالت ولد أختي لأنها مسئولة عنه ومو عشان غلاته شالته بس عشان مايمرض وتتعب وياه
هذي وحدة ما تغشمر تحط من وصاخة الحمام ...
أمي صادتها خاشة في حمامها في قوطي فضلات (براز )...
وبصراحة حنا على وجه رمضان وأمي كبيرة عمرها50 وكارهه الطبخ وتقول طول عمري أطبخ .وأنا موظفة وظيفتي مدرسة يعني وراي شغل مو بس قاعدة على مكتب ...وراي وقفة وأنا بعد ما أحب الطبخ ... وياليت طبخي حلو ..أعرف أسوي عيش ودجاج ودقوس وعيش ولحم لكن ماله طعم في الغالب...
وشنسوي ؟؟؟؟؟وشلون أعالج مشكلة الخدم ؟؟؟خدامة إختي دربت خدامتنا على الغش ..وأبوي مو راضي يجيب خدامة غيرها يقول ماعندي فلوس ..وأنا تعيين جديد ما نزل إلا معاش واحد وراح كله علينا وماراح ينزل إلا عقب العيد ..وخدامة إختي بتسافر لأنها مريضة حيل وأختي بتجيب غيرها همن مشتغلة 3سنين تقول مالي خلق أعلم أنا في دوام ..وأكيد خدامته الجديدة بتجي قبل الرمضان وتبي خدامتها المريضة تدرب خدامتها الجديدة على الطبخ وكل شي وانا قلت ::
لا بالله رحنا وطي ....شنو رايكم وحلولكم ؟؟؟
وبصراحة أمي متعقدة من اللي قبل وأي خدامة جديدة تقولها انتي سويتي بالأكل كذا وكذا ...والخدامة ما يجيها هالتفكير وإسمعته من أمي وبتطبقه ؟؟
من صوب أمي ؟؟ومن صوب إختي ؟؟؟
وأحنا الضحايا ما فينا مناعة نمرض بسرعة
الروابط المفضلة