السلام عليكم ورحمة الله وبركاتهاخواتى الحبيبات عضوات منتدى لك الكرام اللواتى ما راتهن عينى ولكن اشتقت لهن كثيرا وهن ف القلب قابعات
فى الحقيقة ياخواتى ان حاولت التحدث عن افضال هذا المنتدى العزيز علي بكل اركانه فلن اوفيه حقه مهما حاولت
وذلك هو الذى دفعنى للجوء اليكن وطلب المساعدة منكن وانا موقنة بان ظنى بكن لن يخيب
انا اول مرة ادخل الركن هنا لانى ف الحقيقة متزوجة حديثا ومعنديش اطفال بس لما دخلت قريت موضوعات كتيرة وكلها تحتوى على نصايح مفيدة مما يدل على خبرة تربوية عميقة
ودة اللى شجعنى استعين بكم بعد الله سبحانه وتعالى
قريب من بيتى تسكن اخت جوزى عندها بنوتة 3 سنين
البنت ماشاء الله عليها زى القمر
لما كنت باروح عندهم كنت بالاعبها واغنيلها واحكيلها حواديت وبعدين بدات اخدها عندى ف البيت تقضى معايا يوم مرة كل اسبوع ولا حاجة
وهنا كانت الصدمة...............
البنت شقية وبتقول الفاظ مش حلوة
دة غير انها متعرفش اى حاجة عن الصلاة والقران
عاوزة طول الوقت تلعب وتتفرج على التليفزيون
لو حاولت اقرا لها قران تزهق وتسيبنى
ولو حاولت اسمعها اغانى اسلامية تتضايق
حتى الحروف والارقام بتمل لو جيت احفظها لها
مش عارفة اعمل معاها اية
وحاسة بمسئوليتى عنها خاصة انها لسة صغيرة وسهل تقويمها وتنشئتها تنشئة اسلامية صحيحة
عايزة خبرتكم ونصايحكم وافكاركم ف التعامل معاها
افكاااار........العاب.........انشطة وتكون دعوية اسلامية
تخليها تحب القران والصلاة وتسمع الكلام
وف النهاية الف شكر ليكم كلكم
وف انتظار ردودكم ومقترحاتكم
الروابط المفضلة