الرجاء الدخول لكل من تفهم فى ألوان الديكور

[basb0sa]

السلام عليكم ورحمة الله
دى اول مشاركة ليا فى منتدى لك بس انا كنت دايما متابعة كل حاجة هنا بس من غير ما اشارك وحقيقى استفدت كتير جدا من معظم اقسام المنتدى سواء الديكور او الجمال والأناقة او حتى مطبخ لك
وطبعا لأنى مخطوبة وبجهز شقتى دلوقت فأنا محتاجة مساعدتكوا جدا
انا شقتى عبارة عن صالون واوضة اطفال واوضة نوم بمساحات كويسة وصالة كبيرة جدا هيكون فيها سفرة وانتريه بس مش عارفة اعمل الالوان فيها ايه وده لانى لسة محددتش لون الموبيليا ايه ولازم ندهنها قريب يعنى لازم اقولهم انهاردة انا عايزةا لالوان ايه
انا هقولكم انا بفكر فى ايه
كل الناس بينصحونى انى اعمل اللون الأساسى بيج هو لون حلو بس تقليدى وحتى كل العمارة عندى عاملين نفس اللون فى شققهم
ممكن اعمله لون اساسى فى الصالة واوضة النوم والصالون لكن الأطفال عندى هعملها لون اساسى اخضر فاتح او ازرق عشان انا عاملة السراير كدة يعنى ولو حد فيكو يعرف لون يمشى مع الاخضر والازرق الفاتح يقولى لو سمحتوا
المهم نرجع للون الشقة
انا بفكر فى اوضة النوم اعملها بيج فى 3 حوائط والحيطة بتاعة السرير اعملها ستارة الى هى بتبقى اكتر من لون جمب بعض لو عارفينها انتشرت اليومين دول
والصالة بفكر اعملها برضه بيج ولون مخالف الى هو بنى لانى هعمل الانتريه درجة من درجات البنى
اما الصالون بقى مش عارفة اعمله ايه لانى لسة مش عارفة هيبقى لونه ايه اصلا
المشكلة بقى انى بموت فى اللون الاخضر والاورنج بحبهم جدا ونفسى اوى اعمل الشقة الالوان دى بس مفيش حد موافق على فكرتى دى بالذات ان لون الموبيليا هيكون بنى فمش عارفة هيمشى معاهم الالوان دى ولا لاء
ياريت الى تقدر تساعدنى تقولى افكارها
وشكرا جدا

[ghdghoda]

و عليكم السلام و رحمة الله و بركاته
اهلا حبيبتى بسبوسة نورتى ركن الديكور
و الف مبروك الله يتم لكِ على خير

هو بصراحة اللون البيج لون عملى
سهل انه يتماشى مع الوان كتيرة
و هيبقى سهل انك تغييريه بعد كدة اذا حبيبتى
عشان لو حتى مليتى منه

بالنسبة لالوان غرفة الاطفال عاجبتنى ماشاء الله
و فى واحدة صاحبتى اختارت اللونين اللبنى مع الاخضر و كان تحفة
و فى راى انك تدخلى معاهم الاصغر

















اما عن الصالون
فشوفى لون القماش اللى هيتنجد بيه اية
و ممكن تجيبى المشمشى اللى انتى عيزاه و هيكون شيك و جميل

بالتوفيق حبيبتى ان شاء الله

[zanzoun81]

اهلا" اختي
و الله يتمملكم الفرحة يا رب و تتهنو

بالنسبة لغرفة الأولاد ، احب اللونين الأخضر الفاتح مع البرتقالي ( عملته في غرفة الأولاد عندي) و كل من شافه اعجب به جدا" ، قسّمت الحائط الى قسمين ، الثلثين من فوق لون اخضر و الثلث الأسفل لون برتقالي ، و وضعت ورق جدران بالعرض على الحد الفاصل بين اللونين فيه رسومات الوانها مناسبة مع الأخضر و البرتقالي ، وتبدو الغرفة فعلا" رائعة ، و الوانها مناسبة للصبيان و البنات .

بالنسبة لغرفة نومك ، فكرة توحيد 3 حوائط بلون واحد و تمييز الحائط الرابع ، عملية و مميزة ، ايضا" طبّقتها في غرفتي.

الأنتريه و الصالة يفضّل ان تكون نفس اللون ، لأنها امتداد لبعضها ، وهنا يمكنك اختيار المشمشي او الشمامي الفاتح ، هذه الألوان تتماشى معها اغلبية الوان الموبيليا. كما من الأفضل تكوني مختارة لون الأقمشة للكنبات حتى تتماشى مع الوان الجدران و الستائر .
لكن يمكنك تمييز السقف بدرجة اغمق او افتح عن الجدران.
او يمكنك اختيار درجات متفاوتة من الأوف وايت ، بين السقف و الجدران.

في الصالة (التي تستقبلين فيها الضيوف) يمكنك تمييز حائط واحد بلون مميز و قوي نسبيا" عن باقي الجدران ،اذا كنت تحبين هذا النمط.

اتمنى اكون اجبت عن تساؤلاتك ولو بالقليل ، واي سؤال آخر انا جاهزة.

[basb0sa]

ghdghoda
ميرسى اوى يا قمر انك اهتميتى بسؤالى والله يبارك فيكى ياحبيبتى
zanzoun81
تسلميلى وربنا يسمع منك ويهنى كل عرايس
بصو بقى انا فى مشاركتى الاولانية مكنتش موضحة اوى انا عايزة اعمل ايه
بس طبعا بعد ما فكرت ودورت وسألت ناس كتير والاهم من ده انى وثقت فى ذوقى اكتر واديت لنفسى الشجاعة انى انا الى اختار ومخفش من النتيجة
اولا انا الدهان عندى بلاستيك ودى حاجة مقدرتش اتحكم فيها المهم هشرحلكوا اوضة الاطفال هى عبارة عن سريرين واحد اخضر تفاحى والتانى ازرق فاتح على شكل تفاحة راس السرير يعنى وبينهم 2 كمدينو ملتصق كل واحد بلون مخالف للسرير الى جمبه والدولاب جزء لونه اخضر وجزء ازرق وفى مكتب صغير فى اللونين برضه قررت اعمل الاوضة نصين اخضر تفاحى غامق درجة بسيطة اوى تحت وافتح منه شوية فوق وبينهم ستيكر بالاخضر والازرق واكسسوارات الاوضة هتبقى معظمها ازرق ايه رايكوا لو حد عنده فكرة تانية يقول فى ناس قالتلى اعمل 3 حوائط اخضر وحيطة زرقا او فكرة غادة الى هى انى ادخل الاصفر فى حيطة واحدة
انا جبت صور فيها لون قريب من لون السراير ده السرير الاخضر بس بتاعى افتح منه شوية



نيجى بقى لباقى الشقة كلها هتبقى بيج ده اساسى بس فى تعتيق بسيط كدة فى الصالون هيبقى كله بيج عادى من غير ما ادخل الوان تانية عليه انا شايفة انه كدة هيبقى رقيق
اما فى الريسبشن هيبقى كله بيج مع اورنج فى الحيطة الى فى وش باب الشقة والمدخل كمان والانتريه هيكون لونه زيتونى والسفرة بنى غامق وهيكون اكسسوارات الصالة اخضر فى اورنج
اما اوضة النوم دى حيرتنى كتير اوى لانى نفسى ادخل فيها الاخضر باى شكل ومفيش حد راضى فاكرينه هيكون وحش
ومش عايزة اعمل حيطة واحدة نبيتى هيكون شكلها مش حلو فقلت بقى اعمل حيطة واحدة بنى اسبونج الى هى ورا السرير وده لان الخشب لونه بيج كمان
فمش عارفة كدة كويس ولا ايه قولولى رأيكوا ومعلش انا كنت بشرح بالتفصيل الممل
ياريت لو حد عنده افكار تساعدنى يقولى

[zanzoun81]

بالنسبة لغرفة الأولاد
أعتذر اني لم افهم عليك في البداية انك تريدين اللونين الأزرق و الأخضر معا" بالاضافة للون ثالث
في هذه الحالة ، فكرة غدغودة في ادخال اللون الاصفر جميلة جدا" (الصورة الثانية)
او يمكنك ادخال اللون البرتقالي فهو رائع ايضا" لكن الأفضل ان يكون هادئ و درجته خفيفة، لأن في النهاية هذه غرفة نوم و يجب ان تبعث الوانها الهدوء النفسي و الاسترخاء عند الأولاد.
بالنسبة للاكسسوارات ، الأفضل ان تكون من اللون الأقل استعمالا" في الغرفة ، يعني لو ان اللون البرتقالي او الأصفر كان هو الأقل ، فاختاري الاكسسوارات بمعظمها برتقالية او صفراء.

بالنسبة لغرفة نومك ، هل هي مودرن؟ ان كانت مودرن فلا مشكلة من ادخال لون جريئ
لكن ايضا" بشكل خفيف ليبقى الهدوء و الاسترخاء سيّدا الموقف .

أعجبتني فكرة الصالة و الانتريه، جميلة.
اتمنى لك التوفيق.