✿* حلى متميز*✿....حلويات تركية طيبة سهلة وما بتاخد وقت كتير .....
السلام عليكم ورحمة الله وبركاته
كيفكن اخواتي الغاليات ان شاء الله الصحة بخير اليوم جاية وجايبة معي حلا جديد وسهل وكتير طيب ومقاديره ولا اسهل من هيك يا رب يعجبكن خلينا نبلش بسم الله بـــــــــــــــــ
المقادير :
3 اكواب دقيق
3 اكواب حليب او ماء
رشة صغيرة كتير ملح
سمنة او ذبدة لدهن الوجه , سكر
الطريقة :
نخلط الدقيق مع الحليب ورشة الملح (يجب ان يكون الخليط مثل الماء تقريبا .....يعني ممكن تزيدي كمية الحليب اذا كان الخليط جامد )
الصورة بتوضح كلامي :
نسخن مقلاة التيفال على النار واذا بتحبي بتدهني المقلاة شوية زيت مشان الخليط ما يلزق :
بنسكب القليل من الخليط بالمقلاة وبنستنى تظهر الفقاعات يعني حتى يحمر من الاسفل وبنقلبها بشويش على الوجه الثاني (بدون دهن المقلاة مرة تانية لانها بتكون حامية يعني ما بيلزق )
بس يحمر الوجهين بنشيلها وبنحطها على حنب
هي صورة اول وحدة عملتها هههههه
وبندهن الوجهين بالسمنة او الزبدة ونرش عليها السكر (يجب دهن السمن والسكر وهية سخنة )وبهلوقت بنكون حطينى كميةتانية بالمقلاة وبنكرر العملية
وهدا الشكل النهائي
وهيك فيني قلكن بالهنا والشفا وهدا الصحن للي حابة تدوق :
والسلام عليكم ورحمة الله وبركاته
رد مع الاستدلال
الروابط المفضلة