زوجي يكلم بنت
السلام عليكم
اليوم انظميت لعائلتكم واتمنى اكون واحده منها وافيد واستفيد منكم
عندي مشكله واتمنى انكم تساعدوني بحلها
طبعا انا متزوجه واكتشفت انه زوجي يكلم بنت وطبعا هالبنت متعرف عليها من الشات
انا كشفته من بداية مكالماته تقدرو اتقولو من اول او ثاني مكالمه ومن قبل اكتشفت انه عنده جوال ثاني واعترضت علىوجوده وقلت له ماله داعي.........
مضى اسبوع وهو يغب عن البيت وانا اعرف انه في هالوقت يكلم برى ويرجع وانا في البيت احترق طبعا هو مقدم نفسه لها على اساس انه واحد اعزوبي
وبعد اسبوعين تقريبا الله اراد انه اسمع بأذني وهو يكلمها لان ولدي اتصل له بيساله عن شيء ولا صك الخط وطبعا هو ما انتبه واسمع ولدي يقول الو الو اخدت السماعه منه وسمعت المكالمه آآآه ساااااااااااعه يابنات واني اسمع ورجلي ويدي تنتفض من الي اسمعه وما توقعت اني اسمعه يقول هالكلام انا قلت يمكن سوالف عاديه يمكن يساعدها بشيء
اتاريها البنت قليلة ادب والله كيف اهلها ما يدرو عنها بنت تتكلم في الجوال ليل ونهار وما يدرو عنها اتكلم من؟ تدخل شات ومسنجر وما يدرو عنها اتكلم من ؟؟
المهم سمعت المكالمه والكلام الي فيها يعور القلب
اخر شيء انتبه ان السماعه مرفوعه وقام يرن على البيت ما رديت عليه
جا البيت وهو يكلمني عصبت عليه وهاوشته والمشكله انه يرد يقول ادري اني غلطان وهدي البنت ما تسوو وتحت اتراب ارجولك والله اني احبك وهدي مجرد تسليه قلت له يعني يعجبك اني اتسلى مثلك ؟؟ وقلت له اصلا ما صرت اصدقك لانك الكلام الي تقوله لي اتقوله لها
اخر شيء حط الوم علي اني مقصره بحقه ولا اجلس معاه
بالله عليكم بيت واولاد ومذاكره لهم وش اسوي ان اروح اطل عليه بين فتره وفتره واحسه مضايق وويقول عني ملقوفه اني ابغى اشوف وش يسوي بالنت
طبعا قال انه ما بيكلم لكن ما نفد وعده وزعلت منه ولا فيه فايده صارت لي فرصه اني اخد الجوال وخشيته عنه ودقيت على الاراقام الي فيه وطبعا ردت بنت
هو عرف اني اخدته منه وزعل ولا كلمني صار له 4 ايام ( من الي المفروض يزعل)
انااندمت اني اخدته بصراحه مو لانه ما يكلمني بس فكرت انه لو جات من نفسه احسن من شيء غصب لانه بيقدر يشتري ثاني وثالث
الحين عيد زواجي بعد يومين فكرت اني اغلفه له واكتب عتاب في ورقه واعطيها اياه واقول له هدي احلى هديه عطيتني اياه(وش رايكم فكره مجنونه؟؟)
وش اسوي طبعا هوه ما تجرا سالني عنه
ابي منكم الي تعرف كيف تكتب لي كلام عتاب حلو اكتبه له لعلى وعسى ترد المياه لمجاريها ودعاواتي لكم بالتوفيق والله يبعد عنكم بنات الحراموالله محتاره معاه يعني معقوله اتنازل وارضى بالامر الواقع واخليه بكيف فكرت فيها مرات بس قلبي ما يطاوعني اني اتركه لين يشبع قلبي يحترق
رد مع الاستدلال
الروابط المفضلة