السلام عليكم ورحمة الله وبركاته
حبيباتى انا قولت لازم ادوقكم محشى الخضار اللى باعمله ومحشى الكوسة بالبشاميل و كفتة الحمص
المقادير
المحشى المشكل
كيلو كوسة مقشرة ومقورة - كيلو بتنجان طويل مقور ومسلوق - نصف فلفل رومى - شوربة ومكعبين مرقة دجاج و3 ملاعق صلصة
مقادير الحشو
كوب رز - 2 حزمة خضرة مشكلة شبت وكسبرة ومقدونس مقطعة صغيرا - نصف كيلو لحم مع ليه - 3 ملاعق زيت - 5بصلات كبار طماطم فلفلة رومى 3 ملاعق صلصة بها
كوب نعناع اخضر مقطع ملعقة نعناع جاف او ان امكن نصف
طبعا نعصج اللحم مع نصف مقدار البصل بعد فرمه ونضعه على الرز
ونفرم باقى البصل والطماطم والفلفلة الرومى ونضعه على الرز ونضع الزيت وباقى المقادير
نضع قطع فلفل فى اسفل الصنية مع جزء من قلب الكوسة ونحشى الخضار ونرصة فى الصنية ونضع عليه الشوربة والصلصة
نغطى الصنية ونضعها على النار تغلى ولما يدخل فى السوا ندخلها الفرن نكمل سوها
وبنفس الحشو والطريقة هانعمل صنية كوسة فقط ونسويها على النار من فوق ونعمل بشاميل خفيف ونضعه فوقها
وندخلها الفرن علشان البشاميل يستوى ويحمر من فوق لو حبيتى تضيفى جبن رومى او موزريلا او برميزان انتى وراحتك
وطبعا هانلاقى باقى رز من الحشو هانخلط عليه قلب الكوسة الباقية ونقلبها معاه ونضع عليها شوربة ونضبط الملح ونسويها
نيجى بقى للكفتة
كفتة الحمص
900جرام لحم احمر 100 جرام لية او دهن - كوب حمص العادى مش حمص الشام مطحون جيدا بودر يعنى
2 بصلة ملح فلفل بهارات الكفتة 4 فصوص ثوم مفرية - كوب شوربة لحم - 2 ملعقة زيت شرائح فلفل اخضر وبصل شرائح
الطريقة:
اولا نفرم اللحم والدهن والبصل فرى ناعم ونضع عليه الحمص الناعم والبهار والفلفل والملح والثوم ويعجن جيدا
نصبع الكفتة و نضع ملعقتين الزيت فى طاسة ونبدء بتحمير الكفته نقلبها على كل الجوانب الى ان تصفر
ونرفعها من النار وهكذا الى ان تنتهى الكمية
نجهز صنية نضع فيها شرائح فلفل اخضر وجزر
ونرص الكفتة فى الصنية فوق الفلفل ووشرائح البصل
ونضع كوب الشوربة ( الحساء ) فى الطاصة ونتركه يغلى مكان تحمير الكفته ثم نضعه على الكفته وندخلها الفرن
ونتركها الى ان تتشرب الحساء وتخرج وتقدم ودى النتيجة النهائية واعذورنى لانى مش عملت اى ديكور للكفتة لان الاولاد كانوا مستعجلين على الاكل
الروابط المفضلة