كيفكم يا احلى صبايا واحلى ستات ومشرفات باحلى ركن
وحشتوووووووووووووووووني كتير كتير
اليوم حاقدم لكم طبق الشيشبرك الشهي وانا سبق وقدمته بالتفصيل على هذا الرابط
انا في الرابط قدمته مع الكبة وطبختهم سوا يعني كان 2 * 1 بس هنا شيشبرك لوحده فقط
انا حاقدم بعض النصائح للي بيخافوا يفرط معهم اللبن اثناء طبخه
يفضل استخدام اللبن الذي به حموضه شوي متل لبن الفلاحة او جمجوم للي في السعودية وفي حال عدم توفر اللبن الحامض ممكن تضيفي عصير 1/2 ليمونة مع المزيج لاعطاء طعم حامض وهذا بيرجع لرغبتك
اهم شي ... تحطي اللبن مع ملعقة النشا و البيضة والملح والبهار الابيض ومكعب الماجي في الخلاط و تضربيهم منيح لحد ما يمتزجوا و انا على هذا المقدار اضيف كمان كوب ماء بارد وممكن تزودي كمان كوب اذا بتحبي اللبن خفيف مو تقيل هذا برجع لرغبتك
بعد ما ينخفقوا منيح ... ضعيهم في قدر تيفال او ستيل وهذا الافضل .. اما الالمونيوم فبغير لون اللبن .... ضعي مزيج اللبن على نار هادئة و اخفقي بالمضرب اليدوي الى ان يبدا اللبن بالغليان ويغلظ قوامه و يشتد واذا شفتيه تقيل ممكن تضيفي اله القليل من الماء متل ما سبق قلت اهم شي علشان اللبن ما يفرط استمرار التحريك
انا هاي المرة ما دخلت العجينة بعد تشكيلها وحشوها الفرن ... بديت اسقط شوي شوي على اللبن مع التحريك بملعقة خشبية بكل خفة الى ان انتهى المقدار ... وطبعا كله على نار هادئه واتركه يطبخ لمدة 1/4 ساعة وبعدها اضيفله تقلية التوم والكزبرة و ممكن تستبدلي الكزبرة بالنعناع الناشف وبيكون كمان كتير طيب و يقدم مع رز ابيض او رز بشعيرية
وصحتين وعافية
هاي طريقة اللبن ممكن تستعمليها مع كل الطبخات الي يستعمل فيها اللبن المطبوخ
واليكم الصور ماشاء الله لاقوة الا بالله
هذا الطبق لست الكل وعود ماحدا يقرب منه ... توصاية ههههههههه
و ان شاء الله اشوفكم في اطباق جديدة
لاتنسوني اخواتي الغاليات من دعواتكم لي بالشفاء والصحة والعافية
ودمتم جميعا بالف خير
الروابط المفضلة