shahed60 ![](http://www.lakii.com/vb/smile/9-13.gif)
مفركة البطاطا
المقادير
حبة بطاطا
بيضة واحدة
رشة ملح ورشة كمون
ملعقة زيت
نصف كأس ماء
تغسل حبة البطاطا وتقشر وتفرم حسب رغبتك انا فرمتها على شكل مثلثات
وتنقع بالماء البارد مدة ربع ساعة ثم تغسل جيدا وتصفى
نضع ملعقة الزيت في قدر ونضع البطاطا المقطعة وعلى نار هادئة ونحرك حتى تستوي نصف استواء نضع نصف كأس ماء وونترك النار هادئة ويغطى القدر
نخفق البيضة مع الملح والكمون
عند جفاف الماء عن البطاطا نسكب فوقها البيض ونحرك بخفة وبسرعة حتى استواء البيض وتسكب وتقدم
السلام عليكم
فطور شهد الي ببعته معاها ع الروضة متلما شرحت
قطعة خبز وبيضة مسلوقة وعلبة حليب و زبدة الفستق (زبدة الفول السوداني )
وطبعا هاد فطورها لمفضل وهي بتحب الحليب بشكل ما بتتخيلوه والزبدة يا عيني شو بتحبها وكلكن بتعرفو فائدتها وغناها بالبروتين وتاثيرها ع ذكاء الولد والحمد لله انها بتحبها كتير والحمد لله ما بترجع ع البيت الا بتكون مخلصة صندوق الفطور وصندوق الغدا والفواكه والخضار ما ببعت معاها لانو الروضة هي المسؤولة عن هالشي
هي فطور شهد بالعطلة
طبعا بتفطر متل بابا وماما
بس هي زيادة عملتلها شوربة الجزر بالشعيرية وحمض اليمون لانو عندها سعلة ورشح وبلعومها كان ملتهب فبدها شي طري والشوربة مليحة بهالحالة
وكمان التين اليابس بحطلها اياه هيك وبانقعه مع الزهورات
وطبعا صحن السلطة الي بتقضي عليه اول الشي والجبنة اكيد
وبعدها بتشرب حليبها بعد ساعة تقريبا
![](http://up.damasgate.com/files/7gydj6h6rpf3bbzjnl3u.jpg)
اما هون طبقها المفضل
معكرونة باللبن
طريقتها معروفة معكرونة مسلوقة بتتصفى وبتنخلط مع لبن ونعناع ورشة ملح خفيفة وثوم بودرةواحيانا ما بحط
طبق سريع ولذيذ وشهي
مع بيضة مسلوقة والعناب والخيار والحليب بتشربه بعد الاكل بساعة او اكتر
الروابط المفضلة