السلام عليكم جميعا
الصراحه الاكله دى انا شفتها فى برنامج تليفزيونى
واعجبتنى ومكوناتها سهله وطريقتها اسهل
المكونات: لحم مفروم
بطاطس
باذنجان
فلفل رومى
طماطم بيوريه(2ملعقه)
بشاميل جبنه رومى مبشوره
الطريقه:
نعصج اللحم المفروم باللبصل والطماطم زى ما كلنا عارفين
نقطع البطاطس حلقات رفيعه ونحمرها فى زيت بسيط لغاية لونها
ما يصفر من الناحيتين ونرفعها جانبا
ثم تقطع ايضا الباذنجان حلقات متوسطة السمك ثم نقليها مكان
البطاطس من الناحيتين ايضا ونرفعه حتى يبرد.
نقطع الفلفل ونقليه ايضا.
اخر خطوه ندهن صينيه الفرن بالطماطم البيوريه
ثم نبدا برص المكونات بالتبادل يعنى بطاطس-باذنجان-فلفل
وفوقهم نصف اللحمه المعصجه
ثم نرص باقى المكونات بطاطس-باذنجان-فلفل
ولكى حرية الترتيب فى المكونات ثم باقى اللحمه من فوق
اخر طبقه هى البشاميل
ورشى على الوجه جبنه رومى مبشوره
ودخليها فرن متوسط الحراره ختى تستوى ويحمر الوجه
وقدميها وجبه متكامله وبالهنا والشفا
الروابط المفضلة