ازيكم يا اخواتى الغاليات
انا والله فى مشكلة وارجوكم تقفوا جنبى لانى محتاجة مشورة ورأى كل واحده فيكم
انا مغتربة مع زوجى ومتزوجة من ثلاث سنوات وبحب زوجى وهوكمان بيحبنى او شكله كان بيحبنى
المهم كانت تحدث بيننا مشاكل فى غربتنا ونتخاصم ونتصالح من دون ما حد يعرف حاجة وعمرى ما احكى حاجة لاهلى عن هذه المشاكل لا التى تحدث خارج بلدى او بداخلها ودايما اشكر فى زوجى امام اهلى لدرجة هما شايفينه ملاك وانا مبسوطة بكده وحتى لما كانوا اهله يصدر منهم تصرفات تضايقنى لما انزل الاجازة لانى متزوجة فى شقة فى بيت عائلة كان يهدينى وبصراحة كان بيكلمهم لما يضايقونى
عشان ميعملوش الحاجة دى تانى وانا ايضا عمرى ما حكيت امام اهلى عن تصرفات اهله التى تضايقنى واحتسب الاجر من الله حتى لا تتعكر النفوس من بعضها
المهم حصلت بيننا مشكلة امبارح وانفعلنا جدا وكنا عصبيين احنا الاثنين وانا مقتنعة انه غلطان وهو شايف انى بزعل على حاجات تافهة ماتستهلش
وانا الان اتواصل مع اهلى على النت وعاوزة احكى لابى وامى على المشكلة اللى حصلت عشان يقولولى انا غلطانة ولا لا ومعى حق ازعل ولا لا
خايفة ان زوجى يفهم ان سكوتى على المشاكل كل مرة وعدم اخبار اهلى بها ان هذا ضعف منى وكأن مليش اهل ياخدوا حقى وانا عاوزة احكى لاهلى عشان متأكدة انهم لو كلموه هيفهموه غلطه اللى هوه مش شايفه غلط
وسؤالى لكم اعمل ايى دلوقتى اقول لاهلى ولا لا ومن ناحية تانية مش بحب اقلقهم عليه وانا فى الغربة وادوشهم بمشاكلى
ارجوكم ساعدونى لو مكانى هتعملوا ايه ؟ انا تعبت وفاض بى ومنمتش طول الليل وبحس ان ضغطى ارتفع
واللى بيخلى نفسى تصعب عليه اكتر ان كل ما تحصل بينا مشكلة زوجى يسيبنى وميكلمنيش ويروح عمله ويجى عادى ولا يكلمنى كلمة وكذا مرة اكلمه واقوله متبقاش تسبنى كده انا بعيدة عن اهلى وفى غربة ومفيش حد بكلمه غيرك هنا يعنى اطق وحدى ؟ ومفيش فايدة وده بالذات اللى عاوزة اوصله لاهلى عشان يكلموه ويقنعوه انه ميبقاش يطول الزعل وانا لوحدى فى غربة
ارجوكم اشيروا على انتم اهلى فى غربتى
الروابط المفضلة