كتبت بواسطة
ragod
هلا حبيبتي
بين بنتي ( هي الكبيرة) وأخوها يلي بعدها 3 سنوات، لما جبتها كنت لسه بالجامعة و بعدين اشتغلت فورا" فكان صعب يكون الفرق أقل من هيك، و أكيد أكثر من هيك مو حلو بين الولد الأول و التاني على الأقل بيتربوا سوا و بيكونوا أصدقاء لما يكبروا و بتكون الأم لسه آخدة عالجو.
زوجي ما بيحب الأولاد كتيير و كان يقلي خلاص الله بعتلنا بنت و ولد الحمدلله بيكفي
ماما و حماتي يضلوا ينقوا علينا ما بيصير هيك و اتنين قليل...و هو ما يسمع
لحد ما كبر ابني و صار فوق ال5 سنين صار يحن للصغار و قررنا نجيب التالت و منرجع و نقول كله بتدبير و تيسير رب العالمين
يعني بين الولدين 6 سنين و حاليا" عمر الصغير 6 سنين و كتيير عم عاني من فرق العمر و ما بنصح أي وحدة تخلي فرق كبير بين الاولاد بين (3-4) معقول
كل واحد فيهن عقلو شكل و تفكيرو غير و دايما" بيختلفوا ، طبعا"زوجي هلأ شعر بالمشكلة بس بعد فوات الأوان
و أنا نفسي عانيت من هالمشكلة مع أختي يلي بتصغرني ب6 سنوات بس ماما كان عندها مشكلة صحية خلتها تأخر الحمل و لو أنو في بيننا ولد يعني كنت دايما" اتفق أنا و اخي مو أختي
لما صرنا كبار مشي الحال و صرنا نتفق.
الحمدلله على كل حال كله أمر من الله.
و ما اعتقد أنه من الجيد انجاب الأطفال بعد الأربعين على الأقل من ناحية صحية..
و الواحد لما يكبر بتتغير نفسيته و ما بيعود عنده الهمة على الحزم و التربية الصحيحة لذلك يلي بيجيبوا ولد و هم بعمر كبير بيطلع الولد مدلع و بلا ترباية و هم بيتعبوا و لا بيقدروا يتفاهموا معه
تعب على الولد و على الأهل.
طولت عليك و وجعت راسك...
الروابط المفضلة