صباح الخير على أحلى أمهات
أنا بنت أختي من يوم ولدتها أختي (من شهر ونص) وهي على صوووووووووووووت واحد وما بتنام أبداااااااااااااااااااااااا ومسكينة أمها مرة تعبت معاها ، ولمن تشربها حليب ما يجلس على طول تستفرغه وطبعا بعدها تقعد تبكي من الجوووووووووع وعلى هذا المواااااااااااااااااال بلا مبالغة وحتى صرنا نتناوب عليها لأنها مرة ما بتنام.
وديناها عند كل الدكاترة إلي يخطرو في بالكم مستشفى سعد ومستوصف الجزيرة ومستشفى العسكري وفي الآخر وديناها للرياض ونيمناها في مستشفى الملك فيصل التخصصي لمدة 5 أيام وعملنا لها كشف كااااااااااااااااااااااااااااااااامل وحتى للمخ وكلهم أجمعو إنه الحمدلله مافيها شي وانها كلها مسألة وقت ، بس تعبنااااااااااااا وهي تعبت مسكينة من البكا وقلة النوم والجوع بسبب الإستفراغ ، المهم حماتي الله يعطيها العافية راحت للعطار وقالتله كذا كذا الموضوع ، لأنه والله ما بقى دواء إلا أعطيناها اياه إلى درجة الفنستيل الدكتور وصفه لها علشان تنام (وتخيلو ما كانت تنام عليه مع إنه منوم) ، المهم العطار رجال كبير وصار له خمسين سنة تقريبا وقال لنا المفااااااااااااااااجأة ألا وهي إنه البيبي شرب من موية المشيمة وهذا إلي بيسبب كل هالعوارض وانه الدكاترة كلهم ما يعرفو هالشي ، وفعلا والله كلامه صحيح الدكاترة ما يعرفو هالشي (والله في الرياض وديناها عند أحسن دكتور في السعودية وقال مافيها شي) هو كلامهم صح مافيها شي بس ما أعطونا حل.
المهم أعطانا شي اسمه محلب وقال شربوها منه مع الحليب ، وقسما بالله يا بنات إنه البنت وانتو بكرامة لمن سوت الكبيرة كان لونها أسود (زي وسخ البطن أول يومين حق الولادة) ، انفجعنااااااااااااااااااا يعني فعلا كلامه صح لسة كان في بطنها وسخ بطن علشان كذا البنت تتألم وما بيبقى شي في معدتها
والله والله يا بنات إنه البنت تغيرت تمااااااااامااااااااااااا ما شاء الله عليها صارت تنام مسكينة والحمدلله الإستفراغ خف كثيييييييييييييير عن الأول ، والله ما تركنا شي إلا عملناه من علاج وصدقة وذبيحة ، بس سبحان الله كل هذا وصلنا للحل ، من جد مافي زي الصدقة
جربوها يا بنات وان شاء الله تنفع معاكم ، المحلب بيقولو كويس كمان للتسنين وانا حطيته لبنتي في الحليب وبرضو تصدقو لقيت مع الوسخ نقط سوداء شوي ، وشكلها تنظف البطن.
أنا طولت عليكم بس من جد حسيت بكل أم تعبت لمن شفت أختي وقلت يمكن أنفع فيها أحد ويدعي لنا إن شاء الله بكل خير.
أتمنى أنفعكم بشي ولو بسيط يالغاليات
بليز بنات اذا تعرفو اي احد كذا انصحوه بالمحلب لأنه والله شي مرة متعب للأم وحتى للبيبي المسكين إلي ما بينام ، خلينا ناخذ أجر كل أم وبيبي بيعانو![]()
الروابط المفضلة