كتبت بواسطة
noorelhoda
شوفى حبيبتى طبعا مش عاوزه كلامى يكون تقليدى بمعنى اننى اعرف ان كل زوجه زوجها فى نظرها احسن واحد فى الدنيا وعمل عشانها كتير اوى بس بالنسبه لى بحس ان زوجى مختلف وساحكى لك قصتى تعرفت على زوجى فى الجامعه اثناء الدراسه وللعلم انا وهو مصريين بس هوه كان فى كليه غير بتاعتى ويسبقنى بثلاث سنوات المهم ارتبطنا ببعض جدا جدا جدا واهله رفضوا زواجه منى لان ابى وامى منفصلين فقط لهذا السبب وكان هناك صولات وجولات بينى وبينهم وصلت لتهديدهم لى بسجنى لان عائلته بها اشخاص مرموقين وكبار فى البلد واخواته واخواله هددونى جدا جدا وهو تمسك بى لاخر درجه وكان يعيش بين الاقصر والغردقه وشرم الشيخ بحكم عمله بعد التخرج وكنت مش بشوفه غير كل شهرين لما بينزل اجازه وكان الكام يوم اللى بينزلهم اجازه بيبقى هم وغم ومشاكل مع امه وابوه واخواته بسبب تمسكه بالارتباط بى حاولت انا ابعد عنه مع انى احبه كثيرا كثيرا ولكنه لم يعطينى فرصه للابتعاد عنه فهو يحبنى جدا جدا وكان قد اشترى شقه وارض بجانب عربيه اشتراهم بماله الخاص من عمله يعنى لم يحتاج قرش واحد من اهله فقالوا له سوى لنا توكيل عام اذا اردت ان تتزوجها بالاضافه الى انك تعمل تنازل عن ميراثك مننا اى من الاب والام بعد وفاتهم فعل هذا من اجلى وانا حزنت جدا انه ضيع شقاه وتعبه واعطاه لهم بسببى فقال لى انا لا يهمنى المال كله يتعوض وعاوزه اقول هما عملوا كده مش طمع فيه بس ضغط عليه علشان يبعد عنى وبرده مبعدناش عن بعض وسافر هو الى احدى الدول العربيه للعمل وقبل سفره قابل امى واخواتى وقال لهم انا جئتكم بمفردى بدون اهلى وحكالهم ظروف رفض اهله اهلى حبوه ووافقوا عليه لانه متعلم ومهذب ومتدين وعيلته كبيره ومرموقه اهلى انا كانوا موافقين بس متخوفين جدا المهم كتبنا الكتاب وبعد سفره بثلاث شهور سافرت له عروسه وعشنا ايام جميله ورزقنا الله باحلى طفله فى الدنيا واهله عرفوا بزواجنا قبل ولادتى لطفلتى طبعا انهاروا تماما وهددوه بانهم حياخدوا كل شىء يمتلكه فى مصر وهو لم يعبا بذلك ولكن زياده فى الامان وخوفه عليا انا وابنتى كتب لى كل مليم له فى الغربه يعنى قال لى اللى فى مصر لاهلى واللى هنا ليكى بعد انا ما اموت عشان متتبهدليش من اهلى والله هذا حدث منه شفتوا اد ايه هوه بيحبنى وعمل ايه عشانى نسيت اقول لكم ان طول الفتره اللى فاتت كان بيتصل باهله وبيحاول يبرهم ويخفف عليهم صدمه زواجه منى وكان دائما يدعو لهم فى كل سجده صلاه ان يهديهم ونزلنا اجازه من تلت شهور لمصر هو ذهب لاهله محمل لهم بهدايا واغراض وصالح ابوه وامه اخذنى حتى ازورهم ويشوفوا ابنتى صدقونى حبونى جدا جدا وارتبطوا بيا اوى واعتذرولى على ما فعلوه معى من قبل كلهم لانهم مكنوش يعرفونى هما اعتراضهم على ان ابنهم يتزوج منى لان ابى وامى منفصلين ورجعوا لابنهم كل شىء خدوه وحماتى اشترت قطعه ارض وكتبتها باسم بنتى كرد اعتبار عن موقفها معى ومع ابنها فى الماضى واعطتنى هدايا ومجوهرات بسخاءولا يمر يوم الا وتتصل بنا بعد عودتنا للبلد االلى بنعمل فيها عشان تطمن علينا كل هذا فعله زوجى لى وهناك اشياء اخرى مثل اهتمامه بى وعدم حرمانى من شىء ابدا قبل ما اطلب حاجه الاقيها امامى الف حمد وشكر ربنا يخليهولى يا رب
الروابط المفضلة