بسم الله الرحمن الرحيم
والصلاة والسلام على أشرف الأنبياء وأتم المرسلين
***
أهليييييييييييييييييين ياحلوات
مبارك علينا وعليكم العشر
الله يوفقنا واياكم للعمل الصالح ويتقبله منا يارب
***
بصراحة احب افيدكم بكل شي جربته ولقيته مريح لعله يفيدكم مثل مافادني
***
حبيت اذكر لكم تجربتنا مع مكواة البخار
وأقصد اللي نشوفها بالمحلات دايما
بصراحة رووووووووووووووووعه هالمكواة
قبل كنت أكره شي اسمه كوي
لكن الحين الحمدالله مع هذي المكواة كل شي تغير
ميزتها تكوي الاشياء الصعبة واللي ماتكويها لك المكواة العادية
مثل التنانير الجنز
او التنانير اللي قماشها ثقيل
*بعض الاقمشة لازم نكويها مباشرة بعد مانطلعها من النشاف
لكن مع مكواة البخار ولانها تعمل بالموية مو مشكلة اي وقت نكويها
*بلايز القطن ماتحتاج كوي غالبا لكن تحبينها كانها جديدة
وبالمكواة العادية صعبة لانه يمكن تحرقها ويمكن توسعها
مع مكواة البخار لاتشيلين هم
واللي لاحظته ان الملابس تطلع كانها جديدة
وعرفت سر الملابس بالمحلات التجارية
*ملاحظة: القطع اللي فيها ياقة مثل القمصان الجامعية او ثياب الرجال تحتاجين تكوينها بالمكواة العادية لانها ماتكوي الياقات زين
*طريقة استعمالها: انصحك تتابعين العمال بالمحلات كيف يكوون فيها لانه بالطريقة هذي تعلمت لها
ولانه اذا استعملتيها غلط راح تكرهينها مثل ماصار مع اهلي
وتكوين فيها من الداخل(داخل اللبس) مو من الخارج مثل ماحنا متعودين بعد ماتعلقينها طبعا
*ملاحظة مهمة: لازم تكوين الملابس قبل بفترة يعني مع مكواة البخار مافيه كوي من هنا ولبس من هنا
بتقولون ليش!
والسبب انه مثل مانتم عارفين تعمل بالبخار يعني بالموية فالملابس بعد كويها مباشرة تكون فيها رطوبة
واذا لبستيها بتتعفط بسرعه
*امممممم وش بقى ايه بقى الصورة والنوع اللي استخدمته
اللي عندنا نوعها : CONAIR
من ساكو بـ 360 تقريبا او شي زي كذا
شافها اخوي بمكان ارخص بتاكد واقولكم ان شاءالله
على فكرة هذا مايعني ان هذا افضل نوع لكن هذا اللي جربته واللي عليه كتبت هالموضوع والملاحظات اللي شايفينها
وهذي صورتها اللي عندنا
اخيرا ارجو لكم الفائدة
ولاتنسونا من صالح دعواتكم بهذي الأيام الفضيلة
وعلى فكرة: ترا الحين صارت هالمكوى من ضمن جهاز العروسة
وسلامتكم
مع تحيات اختكم أهــــــــداب
في امان الله
ملاحظة: اعتذر ان كان مكان الموضوع غلط بصراحة احترت مدري وين احطه!
رد مع الاستدلال
فاحفظها لي ~
الروابط المفضلة