السلام عليكم جميعا,
اليوم ان شاء الله بدنا نطبخ كانيلوني , وبفضل اعمله بالعزايم بدل اللزانيا لانه ارتب , كل قطعة ملفوفة لوحدها بدون عجقة التقطيع تبعة اللزانيا,وان شاء الله تعجبكم
الطريقة و المقادير :
1- نحضر حشوة الكانيلوني من لحمة مفرومة ناعم (كفتة) و بنقلبها بشوية زيت حتى تحمروتستوي ثم نضيف البهارات(ملح - فلفل اسود- قرفة- هيل-بهار مشكل) + ملعقتين صويا صوص + بصلة مفرومة ناعم +حبتين ثوم مفرومين ناعم.
بعد دقيقة نضيف مشروم مقطع و نقلب و بعدها جزر مفروم وبعدها ملعقتين كبار رب بندورة وحبتين بندورة مفرومة واخيرا رشة بقدونس + زعتر ناشف +اوريجانو ,نقلب الجميع و نطفي النار حتى لا تذوب الخضروات و خصوصا البندورة وما يطلع منها سائل (انتبهي انه اللحمة استوت لوحدها بالاول)
2- في صينية الفرن نقطع القليل من الزبدة , ونخلط 3 ملاعق كبار رب بندورة مع كاسة شاي ماء +ملح و فلفل و زعتر ناشف +ثوم مطحون (كمية الصلصة قليلة بس ترتفع قليلا عن القاع مثل الصورة)
3- نحشي اسطوانات الكانيلوني باللحم ونرص الحشوة فيها جيدا ونصفهم في صينية الفرن
4- نضع القليل من الكاتشب على سطح كل اسطوانة ثم نصب عليهم علبة كريمة طبخ حتى يصبح مستوى السائل حتى ارتفاع الاسطوانات
5- نرش على الوجه جبنة موتزريللا مبروشه
6- غطي الصينية بالقصدير و ادخليها فرن متوسط الحرارة 30 دقيقة او حتى تصبح المعكرونة طرية (انا اضعها عالنار مباشرة حتى تصل حد الغليان ثم انقلها للرف الاوسط ) ثم حمري الوجه ورشي رشة زعتر
7- قدميها ساخنة و بصحة و عافية
ان شاء الله تجربوها و تعجبكم ودمتم سالمييييييييييييييييييييييييييين
الروابط المفضلة