ده يا جماعة موضوع متكامل لكل حاجة تخص الشنط
لو عاوزة تعرفى ايه الشنطة اللى تليق بجسمك؟
والشنطة اللى تليق على لبسك؟
والشنطة المناسبة للمكان اللى انتى ريحاه ؟
وللافادة انا ناقلة المعلومات دى اكيد مش من دماغى يعنى بس انا استفدت منها وقولت اجيبها تستفيدوا انتوا كمان.
اول حاجة
قبل ما نتكلم عن الموضة فيه كام حاجة لازم تخلّي بالك منها وإنتِ بتشتري الشنطة وهي:
• تحاولي تشتري الشنطة المناسبة للاستيل العام للبسك يعني لو هتلبسي كاجوال تبقى الشنطة لازم تبقى كاجوال وماينفعش معاها الكلاسيك.
• الشنطة مش لازم تبقى من نفس لون الملابس ولكن لازم تكون لايقة عليها.
• وإنت بتختاري الشنطة حاولي تختاري المناسب لشخصيتك يعني اللي مريحاكِ نفسياً أكتر وماتمشيش ورا الموضة والسلام.
• لما تيجي تشتري الشنطة لازم تكوني محددة هتلبسي أنهي جزمة عليها أو على الأقل هيكون لونها ماشي على إيه، بس الأفضل إنك تشتري الجزمة قبل الشنطة.
تانى حاجة
اختيار الشنطة المناسبة للجسم
اللي فات ده كان نصائح عامة لاختيار الشنطة.. الحاجة الأهم بقى دلوقتي يا بنات إنك لما تيجي تختاري الشنطة لازم تختاريها على حسب حجم الجسم وده لأن الاختيار الصحيح للشنطة ممكن يداري عيوب وممكن يبرز عيوب موجودة في الجسم يعني مثلاً:
الجسم الممتلئ: لو كنتِ صاحبة جسم ممتلئ فأنسب شنطة ليكِ هي الشنطة الكبيرة واللي إيديها متوسطة الطول يعنيالشنطة تكون واصلة لمنطقة "الوسط" ومتتعداش المنطقة دي.
الجسم النحيل الطويل: لو كنتِ طويلة ورفيعة فأحسن حاجة إنك تحتاري الشنطة الكبيرة واللي إيديها قصيرة لأن الشنطة الطويلة هتكسبك طول أكتر.
ممتلئة الأرداف: لو كنتِ صاحبة أرداف عريضة فمن الأفضل إنك تختاري الشنطة القصيرة وياريت اللي بتتشال تحت الإبط. بس مايكونش حجمها صغير.. تكون متوسطة الحجم.. وإن ماكانش يبقى على الأقل يكون طولها قصير بحيث ماتوصلش لمنطقة الوسط... وده لأن الشنط الطويلة هتبرز المنطقة دي وطبعاً ده مش هيكون محبب ليكِ.
الجسم النحيل القصير: المناسب لصاحبة الجسم القصير النحيل هو الشنط الصغيرة وبإيدين قصيرة اللي بتتشال تحت الابط موازية للصدر.
تالت حاجة
كل مكان وله شنطته
الشنطة دي يا جماعة ليها أصول في لبسها ومن الأصول دي إن لكل مكان الشنطة المناسبة ليه.. لازم تحددي إيه الهدف من الشنطة دي يعني هتستخدميها في إيه بالظبط علشان كل مكان وليه شنطة معينة يعني مثلاً:
• لو كنتِ طالبة يبقى هتحتاجي لشنطة حجمها كبير أو فيها جيوب كتير، وتكون مصنوعة من قماش أو جلد يتحمل البهدلة.
ودى واحده من شنط البهدله
لو خارجة مع أصحابك خروجة عادية يبقى الشنط الكاجوال السهلة في الشيل هي المناسبة علشان تقدري تتحركي بسهولة من غير ما تحسي إنك شايلة هم الشنطة.
وده شنطه كاجوال
لو خارجة بعد الضهر مع العيلة أو زملاء في العمل يعني الخروجة واخدة الطابع الرسمي يبقى لازم تختاري الشنط الكلاسيك.
ودى شنطه كلاسيك
وطبعاً لو رايحة فرح أو خطوبة أو للسهر عامة يبقى تختاري الشنطة سوارية... ودي عادة بيبقى حجمها صغير ...
ودى شنطه سواريه
وبكدا انا خلصت ويارب نكون كلنا استفدنا من الموضوع
رد مع الاستدلال
كتبت بواسطة marwa1431
الروابط المفضلة