ماحدث لي في السوق

[the feel]

هلا شباب كيف الحال
أنا عضو جديد في المنتدى حبيت أقولكم قصة صارت معي في السوق
دخلت أنا وخواتي المحلات وكل واحد يدعي ان بضاعته أحسن من اللي جنبه (مع العلم ان البضاعة في جميع المحلات اللي دخلنلها متشابهة) واذا دخلنا المحل شفكنا من راعيه لباب المحل يلحقنا الرجال ماخذ راحته شايفنا بنات بدون رجال ويقول كلام ماله معنى, المهم تعبنا وقعدنا نشرب شيء يبرد على قلبنا بس أنا واختي اللي أصغر مني حبينا نكمل التسوق ودخلنا محل شافنا بنتين صغار أخذ راحته سألته عندك بنطلون برمودا قالي قصدك لوين طوله لهنا (ويشير الى رجلي محاول ان يلمسها ) مع اني متنقبة اقول في قلبي ماعندك رجل تشير لها الله لا يوفقك المهم ابتعدت وفريت هاربة دخلت محل ثاني شفت بلوزة معروضة عجبتني دخلت أنا واختي نسأل عن السعر وعطاني اياها محاول أن يمسك أطراف الأصابع قلت يمكن مو قصده وقام يعرض أشياء ماطلبتها وشفت يسوي نفس الحركة عصبت و قلت قلة أدب مالها حدود وطلعت ماشريت البلوزة مع ان نفسي فيها
وحرمت أنا واختي ندخل محلات لوحدنا قلت مادخل الا وايانا رجال أو أمي أو أختي الكبيرة مع ان رب الأسرة ماله خلق على طلعت السوق بس بحاول اقنعه يقول انتو الحريم تطولو في السوق وأنا مالي خلق

[الإيجابية]

أختي حاولي تزيدي من تسترك ..

يعني البسي قفازات وغطي نقابك بغطاء يمكنك من كشفه متى ما تبغين << إذا بغيتي تطالعين البضاعة مثلاً ..

ومع ذلك لابد من وجود المحرم ..

أقول لك موقف صار مع الوالدة .. مرة راحت للخياط وكان معها الوالد لكنه ما نزل جلس ينتظرها وهي راحت للخياط وكان محل الخياط في زاوية فكان الخياط من جهة وسيارة الوالد من جهة وبكذا ما يشوفون بعض ..

المهم أن الوالدة ما عجبها طريقة خياطته وأخذت تشرح له من جديد وصارت بينهم مشكلة ولما طولت المسألة نزل الوالد من السيارة وراح لهم فلما شافه الخياط تغير اسلوبه فوراً وقال أنه بيصحح العيوب بدون الزيادات اللي طلبها في السعر من قبل وتأدب في كلامه ولا كأنه اللي يهاوش من شوي .. _ مع العلم أن الوالدة كانت متسترة ما طلع منها لو ظفرها _ ..

فالرجل الآن إما يتحرش بالمرأة أو يحتقرها ..

قليل من يقدرها حق قدرها ..

ما أقول الا حسبنا الله ونعم الوكيل ..