أحلا أفكار لأغلى شيئ عندنا في الدنيا (( اولادنا )) وبالصور !!

[أم تأبط شرا]

بسم الله الرحمن الرحيم

السلام عليكم ورحمة الله وبركاته

هذي مجموعة من الأفكار عجبتني بالمرة وحبيت أفيدكم فيها وأتمنى تستفيدوا وتفيدوا فيها حبايبنا الحلوين

هذي الفكرة لتشجيع الأطفال على أكل الفواكه المفيدة لأجسامهم وبنفس الوقت تخلق جو من المرح لهم
والفكرة عبارة عن رسم عيون وفم على الفواكه بألوان الطعام طبعاً ممكن تحطي لهم كل يوم فاكهه مختلفة في اللنش بكس وأكيد راح ياكلوها فرحانين قدام زمايلهم





الفكرة الثانية عبارة عن انك تعملي له ساندوتش توست وتحشيه بالجبنة أو بالتونة أو بزبدة الفول او اي شيء ماراح ينزل من السندوتش بعدين تقطعين السندوتش بقطاعة الكعك وبقية الأجزاء بالسكين وقبل لا ياكلها تخليه يستمتع بتجميعها زي لعبة البزل وبعدين أكلها يم يم


[/IMG]


هذي الفكرة للأمهات الحوامل اللي على وشك ولادة وشايلين هم ردة فعل الطفل الأكبر اتجاه قدوم الضيف الجديد
وهي عبارة عن شنطة صغيرة فيها الوان ودفترحلو ولعبتين صغار ممكن تحطي فيها حلويات أو اي شيء يعجب طفلك وتقدميها له لمن يجيك في المستشفى يزور اخوه أو اخته واذا كان لسه صغير شوي ممكن تضحكي على عقله وتقوليله هذي هدية البيبي لك






الفكرة الثالثة رووعة عجبتني كثير عندك الوان شمعية مكسرة كثير >>>ياكثرها عندي بالبيت
جيبيها وقطعيها قطع صغيرة جدا خلي أطفالك يشاركوا في خلطها ببعض بعدين يعبوها بصواني الكوكيزالتيفال الأحجام الصغيرة طبعاً
سخني الفرن لدرجة 150 درجة فهرنهايتية بعدين دخليها الفرن من 15 الى 20 دقيقة
خرجيها وخليها تبرد وشيليها من الصينية
عندك الآن الوان شمعية جديدة وشكلها ظريف وأولادك راح يحبوا الأشكال الجديدة والفكرة



[/IMG]



اذا كنت تعانين من انه بعض مراييل طفلك ماهي بالجودة اللي تتوقعيها يعني ممكن تسرب بقاياالأكل على ملابسه وتوسخها
ممكن تسويله مريلة بنفسك وبكل سهولة ويكون شكلها جميل جداً
والفكرة هنا عبارة عن انك تجيبي المناشف اليدوية اللي نستخدمها عادة وتفرديها وتقصي من المنتصف شكل الحلاوة المصاص علشان الرقبة وبعدين تثبتي شريط حولها وتتركي الشريط طويل بشكل كافي علشان تربطي المريلة عند الاستخدام والصور راح توضح الشرح

[/IMG]


عجينة الأطفال اللي تنباع في المكاتب ومحلات الألعاب سويها لأطفالك بنفسك الأطفال يحبوا يلعبوا فيه ويشكلوها حسب مخيلتهم والمقادير هي
كوب دقيق
نصف كوب ملح
ملعقتين شاي كريمة سائلة
ملعقة شاي زيت طعام
الوان طعام
في قدر ثقيل شوي اخلطي الدقيق والملح والكريمة والزيت وكب ماء ولن الطعام اللي تحبيه واطبخي المقادير على حرارة متوسطة مع التحريك الدائم حتى يتجمع الخليط من جوانب القدر
ابعديها عن النار وخليها تبرد لمدة دقيقة واحدة وبعد ما تبرد شيليها واعجنيها حتى تصير لينه
واحفظيها في حافظة "تحفظ لعدة اسابيع " هذي العجينة لا تصلح للأطفال تحت سن سنة من العمر لأحتوائها على الكثير من الملح فلازم تنتبهوا

أتمنى انه الموضوع عجبكم لأني فعلاً تعبت فيه نقلته وترجمته لكم من موقع اجنبي بس والله تستاهلوا التعب
هاه ايش رأيكم ؟؟؟؟

[نسرين سعيد]

بسم الله الرحمن الرحيم ما شاء الله شوية افكار تجنن جزاك الله خيرا

[**ام البنات **]

افكار رااائعة جداو مفيدة تسلمي على المجهود و النقل الرائع جعله الله في موازين حسناتك

[إيمان علي]

رائع بالفعل، الله يبارك فيك.. الألوان الشمعية من سنوات وأنا بقول بدي أعملها ولما أشوفها مكسرة بكسل عنها وبرميها بعد ما أجمعها فترة!
لكن فكرة الفواكه أعجبتني جداً.. ابني كان أكثر شيء يحب الفواكه، وفجأة صار يرجع الفاكهة معه على البيت، وأعتقد هذه الفكرة بتخليه يتحمس لها من جديد
وباقي الأفكار ممتازة أيضاً.



ممكن أقول شي؟
مش عارفة أقرأ اسمك بأي طريقة

[البشرى]

افكار حلوة ومرحة
شكراً يا أم تأبط شرا

[ربى]

افكاررررررررررررلذيذة
خاصةالوان الشمع........بس شو نقول للكسل

[حمرة الورد]

اهلين ام تأبط شرا ....

قرأت لك هدا الموضوع من زمان في عالم حواء وسويت فكرة الالوان الشمعية ..نصيحة لاتسووها طلعت ريحة وعدمت الصينية ..لانه في الوان مهي قد كدا وبعدها قررت ما اشتريها ابداً ..

اما الساندوتش صار ولدي معين ماياكله الا بزل

جزاك الله خير على الافكار الحلوة يبغالي اجرب افكار الفواكه كمان ..

[ام سهيل]

حلوة هالافكار

امونة الاخت اسمها من الاسماء العربية القديمة .


بصراحة اعجبتني فكرة السندويش بس اخاف وقتها الاطفال يتلموا عليهم وياكلوها قبل ماتدخل فم اطفالي .

[سحابة غيث]

حياك الله ام تابط شراً

وبصراحه الله يعطيك العافيه على المجهود اللي سويتيه وماقصرتي

بس بقول لك سر حركه الالوان الشمعيه عجبتني ونزلت وشريت كميه على كيف كيفك

وسويت الطريقه اللي قلتي عليها (طبعا سويتها مقلب في اخواني حتى الكبار يا حرام صدقوا)

المهم سويت كميه كبيرة منه وقلت لااهلي يالله اجتمعو تراني سويت لكم قهوة وحلى

تراهم مطفوقين على الحلى
وقدمت لهم القهوة وههههههههههههههههههههههههههه الحلى شكله كان جنااااااااااااان(حلى مصنع ههههههههههههههههه)
يوم اكل اخوي الكبير قال وععععععععععععععع وش هذا
قلت احمد ربك على النعمه وانا فيني ضحكه
قال اخوي فيصل المطبخ بجهه وانتي والله بجهه ثانيه
قلت انثبر عاد احسني مني مافيه بس شكلك غيران مني
المهم قام يجربونه وقالو لي انتي وش حطيتي معه قلت شفت امس يوبه يوم نزلت انا وانت المكتبه(علمتهم القصه كامله) شوي الا يذبحوني
بعدين صدق عاد رحت وجبت لهم حلى شريته من برى
ههههههههههههههههههههههه شكلي طولتها وهي قصيرة
يالله العذر منكم يا الغاليات


تشــــــــــــــــــــــــــــــــــــــــــــــــ ــــــــــــاو

[الكروان غنى]

تسلمين..
افكار لطيفة خفيفة..