بقولكم سالفتي... LANLOON مطلوبة

[ToOoFe]

مرحبا حبايبي
بعد طول إنقطاع عن المنتدى (((للعلم ماحد سأل..ليش؟)))

المهم
بقولكم سالفتي
إنعزمت على مطعم إيطالي
يوم كنت في دبي
وطبعاً رحت
وبعد مارحت أول شي جابوا لنا غرشتين
الغرشة الأولى : زيت زيتون
الغرشة الثانية :شي لونه أسود ويشبه صلصة الصويا وطبعاً ماعرفت إيش؟؟ فقلت بسأل بنات المنتدى هذي أولاً
ثانياً: قدموا نوع من أنواع الخبز الإيطالي وكان عليه خلطة غريبة هي زيت+ثوم+بقدونس ومادري بعد شفيها؟؟
طبعاً قلت بسألكم
وطبعا لازم تغمسين الخبز بالزيت والصلصة الغريبة وتاكلينها
بس ماتخيلون شلون كان طعمها يجنننننننننننننننننن
وطبعا كملنا عشانا وتمت هالأسئلة في خاطري

[وعود الخير]

الله يسامحك يا اختي كان سألت ..
كان نفسي اساعدك بس انا ما بروح مطاعم
وان شاء الله بقية الأخوات ممكن يساعدوك.

[احاسيس مرهفة]

يا هلا ومرحبا اختي توفي

لك وحشة يا جميل

ان شاء الله تجي لانلون وتجاوبك على هذي الأسئلة لأنها عايش في ايطاليا

بس وعوود

غيري العنوان حتى تنتبه لووووووووووووووووني

[لبلبة]

يالله خوات إللي تعرف تجاوب بسرعة توفو زادت فضولنا للمعرفة لا تتأخرو.

[طيـــف]

هي الايطاليه اللي هون لنلوووووون

ايطاليانو ...... وينك يلا تعالي

[bosy98]

أهلاً بعودتك أختى

و حتى تأتيك خبيرة أيطاليا لنلون

أفيدينى بأسم المطعم و المكان بالظبط

[هنلي]

الاول ففهمنا انه زيت زيتون والثاني شو هو لا يكون صلصه ضفضيع هههه يعني ضفاضع لانه الايتاليانوا والاوروبين بيحبوا الضفضيع
بس اذا الصلصه مالحه كثير انا سمع انه الصويا صوص مالح والله اعلم هذا ما الي دخل فيه

اما الخبز فهذا كثير بشوف منه في الركن وهو خبز توست بيكون مدهون بخلطه من الزبده والبقدونس والثوم ويوضع في الفرن يتلون او بدل الزبده زيت
بس الزبده بتخلي التوست طري

اعتقد انه خبز الثوم اسمه بس شايفه كثير في الركن هون وسهل جدا

[ToOoFe]

مرحبا حبايبي
حاولت أغير في العنوان مثل ماقلت لي حسوسة وماقدرت

المطعم كان في مركز الواحة في جميرا وما عرف إسم المطعم بس أول ماتدخلين المركز على يدج اليسار هو كافيه ومطعم..

والصلصة الثانية مش مالحة بس طعم لاذع ولذيذة مع الزيت الزيتون إذا خلطتيهم
بس هذي كل إلي عندي
وشكلي بتصل الأنتربول بدور على الإيطالية الشاردة
ToOoFe

[فرولاية جده]

توووووووووووووووووووووووووووفي يالغلا وينك واصلا انا زعلانه منك كثير وبعدين ايش الي مغيبك عنا كل هالمده


يالله في انتظارك في الملتقى لا تغيبين



وفي انتظار السنيوره" لان لوووون"


اختك

فوفو توأم شوشو

[ToOoFe]

هلا والله بالغالية
فرحتيني والله في حد سأل عني
كنت مسافرة ورجعت إنشغلت بإجراءات تخرجي باركوا لي مابشرتكم
وننتظر الإيطالية
ترجع لنا وإلي يعرفها شخصياً يقولهاإذا ممكن ياحلوين
ToOoFe