صباح الفل والجمال والهنا على عيونكن حبيبات قلبى.......
بجد وحشتونى اوى وافتقدتكن جدا ....
بس قلت ارجعلكن بحاجه خفيفه لزوم الشتا والتخن اللى بيحصل فى الشتا.....
عملت ايه يابنوتات ؟
عملت خضار باللحم البتلو فى ورق الفويل فى الفرن
حاقول لكن ازاى
الأول ادى الفاصوليا
وبعدين ادى الجزر حلقات
وكوسه حلقات وبعدين قسمت كل حلقه نصفين علشان كانت كبيره
وبصل جوانح
وادى اللحم البتلو مقطع مكعبات صغننه
وطبعا حطيت بهارات ( ملح وفلفل وروز مارى وورق لورا وزعتر ناشف وقلبت كويس )وضفت شرايح ليمون اصفر
وزودت 1/2 كباية ميه وقفلت كويس الفويل على بعضه
وحطيته على صينيه ودخلته المحرقه ... قصدى الفرن على نار معتدله وسبته مع نفسه لغاية اللحمه ماستوت
وآدى بعد الغرف فى الطبق والتزويق
وآدى بعد ماغلفته علشان كان رايح لناس
بس طعمه حكايه وريحته تجنن
جربوه وعلى ضمانتى
يم يم
الروابط المفضلة