خلاص جينا اهو ,,ما نقدر على زعلك يا قمر
زى ما قولتى فى القلب غصة لا يعلمها الا الله
بس والله علشان الاولاد يحسوا بالعيد ويعرفوا ان العيد للفرح والفسح والهدايا الجميلة
خصوصا انه متزامن تقريبا مع عيد الهلوين وهم بيعملوا مهرجان للعيد ده هنا فى المدارس وفى كل حتة
انا بغيب اولادى يوم اعياد الكفار عامة وبعرفهم ان لينا عيدنا نعمل فيه كللللللل حاجة
بداية قبل العيد بيوم او يومين بنعلق الزينة فى البيت واحنا بنغنى :العيد فرحة ,,واجمل فرحة
وطبعا الملابس الجديدة واكسسوارات للبنوتات ولازم كل عيد ابتكر تسريحة جديدة غير العيد الى قبله
ونجهز حلويات للاطفال توزعها بنوتى الكبيرة يوم العيد على الاطفال
بنصلى صلاة العيد فى قاعة كبيرة وبما ان الجالية المسلمه هنا كبيرة اوى الحمدلله بيكون ناس كتير وتكبير
وفرحة الحمدلله بنحس بيها كلنا الكبار قبل الصغار
لو اليوم ده ويك اند بيكون على مدار اليوم فى احتفالات وكرنفالات وغداء والعاب للاطفال يعنى مش بنروح الا قبل المغرب بشوية
ولو كان يوم العيد خلال الاسبوع بيعملوا احتفال بسيط والباقى اول ويك اند يقابلنا نحتفل تانى
وبناخد الاولاد مع اولاد اصحابنا للملاهى وكل طلباتهم مجابة علشان يحسوا بالفرق بين اليوم ده واى يوم تانى
كل عام وانتم بخير وربنا يفرح كل بلاد المسلمين بالعيد ويرفع عنهم الغم والكرب يارب
الروابط المفضلة