موضوع يحرق الدم بجد
مش تتخضوا من العنوان
بس هو فعلا موضوع حرق دمى عندما راسلتنى به احد الاصدقاء على الايميل
بالرغم من انة يحرق الدم الا انة مضحك جدا
علشان كدة
هقدمه لاحلى اعضاء فى منتدانا الحبيب
نقرأ الحوار دا الاول
هو و هى مشيين على الكورنيش .. الجو حار .. الشمس محرقة
هي : عطشانة
.هو : وأنا كمان .
هي : يعنى ... عايزة اشرب!
هو : أكيد مادام عطشانة يبقى عايزة تشربي .
هي : المفروض – بما أن عندك إحساس يعنى – إني لما أقولك عطشانة تجيب ليا حاجة ساقعة .
هو : ومين اللي هيحاسب ؟؟
هي : أنت طبعاً .
هو : منين ياحسرة .. ماانتى عارفة الكانز وغطاه .
هي : ماقلتش عايزة كانز .. كفاية إزازة صاروخ .
هو : طب لو هاتجيبى اعزمينى معاكى .
هي : يابنى أنت مابتحسش ، وبعدين بقالنا 3 ساعات ماشيين ، أنت مش ناوي تقعدنا ولا إيه؟
هو : عندك الكورنيش كله .. اختاري الرصيف اللي يعجبك .
هي : قصدي تعزمنى في مكان شاعري .
هو : في الحر ده .. ماينفعش .
هي : بلاش دى .. نأخد مركب عالكورنيش .
هو : المراكب بتغرق اليومين دول .. خلينا ع البر أحسن .
هي : بلاش المركب تعالى نأكل ترمس .. أظن ده رخيص .
هو : إنتى تضمني منين إن الراجل غاسل إيده وغاسل الترمس؟؟
هي : أعوذ بالله .. إنت مقفلها كده ليه ؟؟
هو : بصراحة معييش فلوس .
هى وبتقولها ف وشى
هو : أكذب عليكى يعنى .
هي : لأ .. تحرق دمى أحسن .
هو : أنا مش شامم ريحه شياط يعني .
هي : يخرب بيت البرود .
هو : برود إيه ؟؟ ماهو الجو مولع أهو .
هي : إنت اللي بارد .
هو : بارد إزاى ؟؟ دا أنا بشُر عرق .
هي : بقولك إيه .. روحنى .
هو : أروحك ؟! هو إنتى ماتعرفيش تروحي لوحدك .
هي : آآآآه .. طب أنا ماشية .
هو : ليه يا حبيبتي؟؟
هي : حبك برص .
هو : والله البرص بيفهم عشان حبني.
هي : بجد كده كتير .
هو : كتير إيه ؟؟
هي : إرحمنى .. واضح إن الحر بيجى معاك بالعكس .. يا بارد!!!
هو : يعنى مصممة تمشى ؟؟
هي : أيوة وحالاً كمان .
هو : طب استني لما نوصل آخر الشارع .
هي : اشمعنى ؟؟
هو : أصل أنا ساكن هناك .. و مايرضكيش أروح لوحدى .
هي : لااااااااااااااااااااااا!!!! اووووووووووف....انط ف المايه عشان ترتاح
هو : ينفع كده ترمي نفسك في الميه مين هايوصلنى.
طبعا
حتما ولابد انى فى رجاله كدا
تجيب شلل رباعى وخماسى وممكن سداسى وندخل على سباعى ولا ثمانى مش هيضر
بجد ف رجاله متخصصه ف حرق الدم
تتمتلك شهادات امتياز ف حرق الدم
لو خطيبك او جوزك
زى الاستاذ دا
هتعملى ايه ف الموقف دا
دا طبعا تأليف على سبيل المثال
لكن الحق يتقال فى مواقف انيل من كدا
يالا بقا قوليلى انتى وهى وهى وانتى
بتعملوا ايه وبتتصرفوا ازاى
منتظرة ردودكم الغالية
رد مع الاستدلال
الروابط المفضلة