السلام عليكم ورحمة الله وبركاته
ازيكم يا حلوين
كان عندى عزومه سمك وعملت كذا صنف بس أخترت صنفين وقلت أنزلهم فى المنتدى للفائده بإذن الله
أولاً / طاجن السبيط بالبطاطس والخضروات
المقادير
2 كيلو سبيط(بعد التنظيف والتقطيع ستقل الكميه للنصف)
2 حبه بصل كبيره مقطعه جوانح
2 حبه فلفل أخضر مقطع
3 حبات طماطم مقطعه
2 حبه بطاطس مقطعه حلقات
نصف ملعقه صغيرة ثوم مفروم
كوب صلصه طماطم محضره مسبقا (متسبكة)
نصف حزمه كزبره خضراء
فلفل أسمر,ورق لورى,ملح,بابريكا,كزبره ناشفه,كمون
شرائح ليمون
قطعه زبدة
الطريقه
انا بشترى السبيط وانضفه فى السوق وافتح قلبه وانضفه من اى شوائب عالقه به واقطعه هكذا
انقعة فى ماء ودقيق وبعدها اشطفه عده مرات فى ماء بارد الى ان تصبح المياه صافيه وبكده نكون نضفناه كويس جداً
نضعه فى حله بدون اى اضافات ونقلبه عشر دقائق حتى تغلق مسامه وينزل ماؤة
نشطفة جيدا ونصفيه من الماء ونضع عليه ماء نظيف وورق اللورا وفلفل اسمر ونتركه يغلى عشر دقائق فقط
اثناء ذلك نقوم بوضع قطعه زبده ومعها البصل والفلفل ونقلب باستمرار الى ان يصفر البصل ويدبل الفلفل
نضيف الثوم
نضيف الطماطم المقطعه ومعها السبيط بعد تصفيته من ماء الغلى
نقلب الخليط ونضيف كوب الطماطم المجهزه مسبقا(بصل وثوم وعصير طماطم نتركهم ليتسبكوا ونضيفهم عالسبيط)
نضيف حلقات البطاطس
نقلب الخليط ونضيف باقى التوابل ونضعه فى طاجن فى الفرن نصف ساعه
وبعد خروجه نزينه بالكزبره الخضراء وشرائح الليمون
قد ايه ريحته وطعمه كانوا رووووووووووعه والطاجن اتنسف نسف ماشاء الله
ثانياً / سمك سنجارى فى الفرن
هنا استخدمت سمكه واحده بورى وزن 2 كيلو ونصف
المقادير
سمكه بورى اى وزن
حبتين طماطم مقطعتين مكعبات صغيره
بصله مقطعه مكعبات صغيره
كوب جزر مبشور
2 حبه فلفل رومى مقطع مكعبات صغيره
ربع كوب عصير ليمون
نصف ملعقه ثوم مفروم
نصف ملعقه زنجبيل مفروم
كمون,فلفل,ملح,كركم
الطريقه
تفتح السمكه من الظهر هكذا
تنضف جيدا باستخدام السكين للوصول الى المناطق المدفونه بين سلسله الضهر وقلب السمكه
تغسل بالدقيق والماء جيدا وتصفى من الماء ونضعها فى صينيه مبطنه بورق المونيوم ونستخدم ورق المحارم للتخلص من اى ماء زائد بها
نرش السمكه بالكمون والملح ونضيف التوابل المذكوره
ونحضر الخضروات ونضيف عليهم باقى التوابل وعصير الليمون
نضيفهم عالسمكه ونضغط بايدنا جيداً
ونضيف زيت الزيتون على الوجه
وندخلها فرن حامى مده نصف ساعه وبعدها نحمر الوجه
وتقدم
كان نفسى اذوقها اكتر من كده بس الضيوف وصلوا وكنت مستعجله
وعملت جمبرى مشوى وطريقته على هذا الرابط
وطبعاً مننساش السلطات وأهمهم السلطه الخضراء
يارب الوصفات تكون عجبتكم
دعواتكم بأن يحفظ الله بناتى
ويكفينا شر الحاسدين والحاقدين ممن يستكثرون النعمه على الانسان
حسبى الله ونعم الوكيل فى النفوس الحاقدة ممن تمتلأ قلوبهم بالغل والغيرة
والسلام عليكم ورحمه الله وبركاتة
الروابط المفضلة