اليوم قولت اخترع حشوة جديدة للبان كيك
فعملته كالاتى
2 بيضه
كوب لبن
كوب دقيق منخول " انا بحرص دايما ان اى دقيق بستخدمه فى اى حاجة لازم يكون منخول و فعلا بيفرق للاحسن فى النتيجة جدا "
ذرة ملح ملعقة كبيرة سكر " الحشوة مالحه ايوا لكن السكر هنا مش هيبان لكن طعم العجينه بيبقى لذيذ"
ملعقة صغيرة بيكنج
ملعقة كبيرة زبدة
و كل دا مع بعض فى الخلاط لمدة 3 دقائق
الطهى
تسخن طاسه المونيوم و تمسح بالزيت و نضع فيها مقدار كبشه صغيرة و نحمرها لمدة دقيقة لكل جانب حتى انتهاء الكميه " تطلع حوالى عشر اقراص"
الحشوة
ست ملاعق كبيرة مشروم , جبن رومى مبشورة , فلفل حار حلقات واحد قرن
طماطمايه متوسطه و مقطعه مكعبات .. اربع فصوص ثوم مهروسين
ملعقتين زيت
نضع كل المقادير دى على النار لغاية ما يتسبكوا فيما عدا الجبن الرومى توضع بعد اغلاق النار فقط لتسيح مع الخضروات و المشروم بفعل الحرارة
التقديم
نضع ملعقة كبيرة من الحشو على كل قرص و يلف و يقدم ساخن و بالهنا و الشفاء
الروابط المفضلة