السلام عليكم ورحمه الله
ويتجدد اللقاء مع صيفنا ابداع واحلى الاركان بالنسبالي
ركن المعجنات
والنهارده مشاركتي بسيطه فموضوع sweet BABE
اتمنى المشاركه تنال رضاكم
النوع ده اتنا علطول بعمله لانه سريع
وبيرضي جميع الاطراف
مقادير العجينه
3كوب دقيق
معلقه خميرة
علبة زبادي
4 ملاعق زيت زيتون
معلقه كبيرة سكر
معلقه ص ملح
ماء دافي للعجن
نعجنها كويس ونخمرها
بعدين نفردها رقيق علشان تكون مقرمشه
ونحط الحشو الي احنا عايزينه
انا هنا عملت وحده بالبيض ودي عملتها فقالب التارت
مجرد بيض مع ملح وفلفل اسود
وممكن طبعا الي عايز يحط معاها اي نوع خضار
ووحده جبنه مع زيت زيتون وحبة البركه
والتالته الزعتر البني او الدقه مع زيت الزيتون
وتدخل فرن حامي جدا يعني على 200
ومبتخدش وقت من 10الى 15 دقيقه
اسيبكم مع الصور
وده كان فطارنا يوم الجمعه
مع خيار مقطع ومخلل
ويارب ينول رضاكم
ولكم مني كل الحب والتقدير
ولاتنسواااا اولادي من الدعاء
الروابط المفضلة