السلام عليكم ورحمة الله وبركاته
انا عضوه جديده عندكم هنا
من زمان وانا ادور منتدى يهتم بالطفل ..
وربي تعبت وانا أدوره
انا متزوجه ولدي طفل يبلغ من العمر 1 و10 شهور
اول ماجاء إبني أحس عيونه مهيب طبيعيه ابداً
يوم أصفق قدام عيونه أبيه يطالع ماآيطالع بيدي
وشكيت ..
لأن والدي وعمي كفيفي البصر
وقلت يمكن أنه ورآثه
بس بعدها قلت لا / لان عندي ثلاث أبناء قبله سليمين مافيهم حاجه
وأستغربت ..
المهم بعدها وسوست انا وصبرت عليه لين جآ عمره 9 شهور ورآجعت فيه
في مستشفى أحد في المدينه المنوره ~
عند دكتور أسمه أسامه مدري محمد ، المهم إن جنسيته باكستاني
قالي : هذا عنده أنفصال في شبكية العين .. ونحوله لمستشفى الملك خالد التخصصي بالرياض .
وبعدها جلست شهر أو شهرين وسآفرت الرياض وراجعت فيه انا وزوجي
قالوا لنا / هذا عنده أنفصال في شبكية العين وإعطوني تقرير ~
بعدها الدكتور جلس يعاتبني يقول الأثم عليك إنتِ وزوجك ‘ ليه مآجبتوه لنا بدري
قلت انا ماكنت أدري .. قال لا كآن جبتيه بعد شهر من ولادته أو شهرين عالأقل . .

وانا مآني عآرفه وش أسوي الدنيا ضايقه بعيني والله كل ماأشوف ولدي اقعد أبكي
يحزني يوم يجلس يتلمس ومايلعب مع أخوآنه ، تكفون ياأهل الخير دلوني على إي علاج .. او إذآ ينفع أسويله عمليه إللي عنده علم يعلمني تكفون لاأحد يبخل علي ..

وشي ثآني :

عيونه كل مآلهآ وتصغر وتحتها سوآد .. وأحسها مهيب ثآبته نفس العدسه تتحرك
وطآلعه فيه حسآسيه في جسمه .. في خدوده وسآقه .. والله ماني عارفه وش أسوي .. جبت له بودرة بيبي وكريم جونسون ومآنفع أحسها زآدت الحساسيه
تكفون سآعدوني وش اسويله

لأإحد يطنشني ولكم من القلب دعوه صآدقه
والله يجزآكم بالخير ويوفقكم دنيا وأخره