كتبت بواسطة
ghofran2009
يا جماعة موضوع الوصيه دة مهم جدااااااااا
انا اول مرة سمعت عنه كان من الدكتور عمر عبد الكافى من سنين طويلة وساعتها كتبت الوصيه بتاعتى وفضلت محتفظة بيها
بس المشكله انى مش لاقية حد اشهده عليها
كل لما اقول لجوزى اقراها يقولى لا مش عارفة ليه؟؟؟؟؟
بس انا معرفاه مكانها
هى فيها بعض التغييرات يعنى انا مش قايلة فيها مين يغسلنى ومين يدفنى لانى فعلا مش عارفة مين اللى هايغسلنى لما اموت ؟؟؟؟؟؟؟
انا اسفة انى باتكلم فى الموضوع دة بس دة يوم هايجيلنا كلنا
والله اعلم ميعاده امتى وانا عارفة ان لازم كل واحد يكون كاتب وصيته
ولما شفت الموضوع مكتوب فى احد المنتديات
قلت لازم افكركم بيه عشان لو حد مش عارف يعرف
ويلحق يكتب وصيته ويقول لاقربائه واحبائه
اللهم احسن ختامنا
أبنتى الحبيبه غفران
ربنا يديك العمر والصحه
فعلا هذا كلام صحيح
و أنا برضه كتبه وصيتى و وضعاها فى مكان
أولادى عارفينه و كذلك الحاج زوجى
ولكنه برضه مش راضى يمضى عليها
وبيقول انا حموت قبلك
و انا محدده فيها حضور ناس معينين للغسل
ولكن عندما أسافر للحج أو العمره أربطها
أضعها بين ملابسى حتى أذا مت فى الزحام
يقرأها من يخلع عنى ملابسى وفيها أضع رقم
تليفون أبنى وأسمه ومكان أقامته و
كذلك زوجى
وكمان بكتب فيها أذا مت فى مكه أو المدينه
أدفن مكان ما أموت
وبينى وبينك كل يوم بتمنى أموت فى المدينه المنوره حيث رائحه مسك الحبيب
يارب أكتبها لى آمين
رب أجعل خير عمرى آخره
وخير عملى خواتمه
وخير أيامى يوم أن ألقاك ياكريم
الروابط المفضلة